OTT Movie: ఓటీటీలోకి వచ్చేసిన 2400 కోట్ల హాలీవుడ్ హారర్ మూవీ.. తెలుగులోనూ స్ట్రీమింగ్.. హార్ట్ పేషెంట్స్ చూడొద్దు

హాలీవుడ్ లో ఉన్నటువంటి పలు పాపులర్ ఫ్రాంచైజ్ లలో ఇది కూడా ఒకటి. ఇప్పటి వరకు ఈ సిరీస్ లో మొత్తం ఐదు సినిమాలు వచ్చాయి. అన్ని సినిమాలు బ్లాక బస్టర్స్ అయ్యాయి. బాక్సాఫీస్ వద్ద వసూళ్ల మోత మోగించాయి. తెలుగు రాష్ట్రాల్లోనూ ఈ ఫ్రాంఛైజీ సినిమాలకు సపరేట్ ఫ్యాన్ బేస్ ఉంది. అలాంటి పాపులర్ ఫ్రాంచైజ్ నుంచి దాదాపు 14 ఏళ్ల తర్వాత ఆరో సినిమా వచ్చింది. గత నెలలో ఈ సినిమా ప్రపంచ వ్యాప్తంగా థియేటర్లలో రిలీజైంది. బ్లాక్ బస్టర్ హిట్ అయ్యింది. బాక్సాఫీస్ వద్ద భారీ వసూళ్లు రాబట్టింది. సుమారు రూ.430 కోట్ల బడ్జెట్ తో ఈ సినిమాను తెరకెక్కిస్తే.. బాక్సాఫీస్ దగ్గర ఏకంగా రూ.2400 కోట్లు వసూలు చేసిందని ట్రేడ్ నిపుణులు చెబుతున్నారు. గత సిరీస్ సినిమాల్లో లాగే ఈ మూవీలో కూడా ఆడియెన్స్ కు మంచి థ్రిల్ ఇచ్చింది. సస్పెన్స్, థ్రిల్లర్, హారర్ ఎలిమెంట్స్ పుష్కలంగా ఉన్నాయి. ఇక విజువల్ ఎఫెక్ట్స్ సంగతి ప్రత్యేకంగా చెప్పక్కర్లేదు. ఇలా థియేటర్లలో కాసుల వర్షం కురిపించిన ఈ మూవీ ఇప్పుడు ఓటీటీలోకి వచ్చింది. అది కూడా రెండు డిజిటల్ స్ట్రీమింగ్ ప్లాట్ ఫామ్స్ లో అందుబాటులో ఉంది. అయితే సినిమాకు వీక్ హార్ట్ ఆడియెన్స్ మాత్రం దూరంగా ఉండడం మేలు. అలాగే చిన్న పిల్లలు అలాగే ఫ్యామిలీ ఆడియెన్స్ కూడా దూరంగా ఉండాల్సిందే.

ఈ సినిమా పేరు ఫైనల్ డెస్టినేషన్ బ్లడ్ లైన్స్. జాచ్ లిపోవ్స్కీ, ఆడమ్ స్టెయిన్ తెరకెక్కించిన ఈ మూవీలో ట్లిన్ శాంటా జువానా, టియో బ్రియోన్స్, రిచర్డ్ హార్మన్, ఓవెన్ పాట్రిక్ జాయ్నర్, ర్యా కిహ్ల్స్టెడ్, అన్నా లోర్, బ్రెక్ బాసింగర్, టోనీ టాడ్ తదితరులు ప్రధాన పాత్రలు పోషించారు. మేలో థియేటర్లలో విడుదలైన ఈ మూవీ ఇప్పుడు ఓటీటీలోకి వచ్చేసింది. ప్రస్తుతం ఈ సినిమా అమెజాన్ ప్రైమ్ వీడియోతోపాటు బుక్ మై షో స్ట్రీమ్ ప్లాట్‌ఫామ్స్ లోనూ స్ట్రీమింగ్ అవుతోంది. ఇంగ్లిష్ తోపాటు తెలుగు, పలు ఇతర భాషల్లో నూ అందుబాటులో ఉంది. అయితే ఈ సినిమాను చూడాలంటే మాత్రం రెంట్ చెల్లించాల్సిందే. ఈ ఎ రేటెడ్ హారర్ మూవీ చూడాలంటే రూ.499 చెల్లించాల్సిందే. అయితే కొన్ని రోజులు ఆగితే ఈ సినిమా ఫ్రీగా స్ట్రీమింగ్ కు వచ్చే అవకాశముంది.

ఇవి కూడా చదవండి

అమ్మాయి కోసం సైకోగా మారే యువకుడు.. OTTలో థ్రిల్లింగ్ రియల్ స్టోరీ

శ్రుతి సోషల్ మీడియా అకౌంట్‌లో అలాంటి పోస్టులు.. షాక్ లో ఫ్యాన్స్

భర్త చనిపోయినా మెడలో మంగళసూత్రంతో కనిపించిన టాలీవుడ్ నటి

గుండు కొట్టించుకుని న్యూ లుక్ లో హీరో అజిత్.. వీడియో ఇదిగో

ఫైనల్ డెస్టినేషన్ బ్లడ్ లైన్స్ లోని ఓ సీన్..

Death is a relentless son of a *****. Final Destination Bloodlines – Only in Theaters and @IMAX May 16. #FinalDestination #FilmedforIMAX pic.twitter.com/I2RPyinzBf

— Final Destination Bloodlines (@FDMovie) March 25, 2025

మరిన్ని సినిమా వార్తల కోసం ఇక్కడ క్లిక్ చేయండి