Premalo OTT: ఓటీటీలోకి వచ్చేసిన తెలుగు స‌స్పెన్స్ థ్రిల్ల‌ర్.. ఊహకు అందని ట్విస్టులు.. ఎక్కడ చూడొచ్చంటే?

ఎప్పటిలాగే ఓటీటీల్లో ఈ శుక్రవారం (జులై 12) పలు సూపర్ హిట్ సినిమాలు, వెబ్ సిరీస్ లు స్ట్రీమింగ్ కు వచ్చేశాయి. తెలుగు సినిమాలతో సహా వివిధ భాషలకు చెందిన సినిమాలు, సిరీస్ లు రిలీజయ్యాయి. వీటి స్ట్రీమింగ్ కు సంబంధించి ఆయా ఓటీటీ సంస్థలు ముందుగానే అధికారిక ప్రకటనలు అయితే ఒక సినిమా మాత్రం ఎలాంటి ముందుస్తు సమాచారం, ప్రకటన లేకుండా డిజిటల్ స్ట్రీమింగ్ కు వచ్చేసింది. అదే ప్రేమలో. యదార్థ సంఘటనల ఆధారంగా తెరకెక్కిన ఈ ప్రేమకథా చిత్రంలో చందూ కోడూరి హీరోగా నటించాడు. చరిష్మా శ్రీకర్ కథానాయికగా కనిపించింది. ఇందులో హీరోగా నటించడంతో పాటు సినిమా దర్శకత్వ బాధ్యతలను భుజాన మోసుకున్నాడు చందు కొండూరి. గణ తంత్ర దినోత్సవం కానుకగా ఈ ఏడాది జనవరి 26న థియేటర్లలో రిలీజైన ఈ చిన్న సినిమాకు మంచి స్పందనే వచ్చింది. రాజమండ్రి బ్యాక్ డ్రాప్‌లో పూర్తిస్థాయి గోదావరి యాసలో ఎక్కడ బోర్ కొట్టకుండా ఈ సినిమాను తెరకెక్కించాడు హీరో చందు కొండూరి. ఇలా థియేటర్లలో ఆడియెన్స్ ను ఆకట్టుకున్న ప్రేమలో సినిమా ఇప్పుడు ఓటీటీలోకి వచ్చేసింది. ఈ సినిమా డిజిటల్ స్ట్రీమింగ్ హక్కులను ప్రముఖ ఓటీటీ సంస్థ అమెజాన్ ప్రైమ్ వీడియో సొంతం చేసుకుంది. ఈ నేపథ్యంలో ఎలాంటి ముందస్తు ప్రకటన, సమాచారం లేకుండా శుక్రవారం (జులై 12) నుంచి స్ట్రీమింగ్ కు వచ్చేసింది.

డ్రీమ్ జోన్ పిక్చర్స్ బ్యానర్ పై రాజేష్ కోడూరి నిర్మించిన ప్రేమలో సినిమాలో శివాజీరాజా, మ‌ధుసూద‌న్‌రావు కీల‌క పాత్ర‌లు పోషించారు.ఈ సినిమాకు సందీప్ కానుగుల మ్యూజిక్ అందించాడు. అలాగే రాంపీ నందిగాం సినిమాటోగ్రాఫ‌ర్‌గా వ్య‌వ‌హ‌రించాడు. ఇక సినిమా కథ విషయానికి వస్తే.. య‌థార్థ ఘ‌ట‌న‌ల నుంచి స్ఫూర్తి పొందుతూ ద‌ర్శ‌కుడు చందు కొండేరి ఈ సినిమా క‌థ ను రాసుకున్నాడు. సోష‌ల్ మీడియా లో వ‌చ్చే ఫేక్ వీడియోల కార‌ణంగా కొంద‌రు అమాయ‌కులు ఎన్ని ఇబ్బందులు ప‌డుతున్నార‌నే పాయింట్‌తో ఈ సినిమా తెరకెక్కింది. హీరో ర‌వి (చందు కోడూరి) ప్ర‌శాంతి (చ‌రిష్మా శ్రీక‌ర్‌) ని చూసి ప్రేమలో పడతాడు. అయితే ప్రశాంతి మూగ అమ్మాయి. ఇద్దరి మనసులు కలవడంతో పెళ్లి చేసుకోవాలనుకుంటరా. అయితే ఇంతలో ప్ర‌శాంతితో ర‌వి అస‌భ్యంగా ప్ర‌వ‌ర్తించిన ఓ వీడియో బ‌య‌ట‌కు వ‌స్తుంది. ఆ వీడియో కార‌ణంగా ప్ర‌శాంతి ఆత్మ‌హ‌త్య ప్ర‌య‌త్నం చేస్తుంది. మరి ప్ర‌శాంతితో ర‌వి అలా ప్ర‌వ‌ర్తించ‌డానికి కార‌ణం ఏమిటి? ఆ వీడియో వెన‌కున్న నిజానిజాలేంటి? ర‌వి త‌న నిర్దోషిత్వాన్ని ఏ విధంగా నిరూపించుకున్నాడ‌న్న‌దే ప్రేమ‌లో సినిమా క‌థ‌.

ఇవి కూడా చదవండి

లుంగీ లాంటి చీరలో తళుక్కుమన్న బిగ్ బాస్ స్రవంతి.. ఫొటోస్ చూశారా?

దళపతి విజయ్‌తో నటించిన ఈ ఛైల్డ్ ఆర్టిస్ట్‌ను గుర్తు పట్టారా?

రాహుల్ ద్రవిడ్ బాటలోనే రోహిత్.. ప్రైజ్‌మనీ విషయంలో కీలక నిర్ణయం

భార్య శవంతో బిర్యానీ వండిన పోలీస్..ఓటీటీలో ఈ మూవీని మిస్ అయ్యారా?

#premalo OTT RELEASE NOW @PrimeVideoIN pic.twitter.com/zmrnSe3tlH

— OTTGURU2 (@ottguru2) July 12, 2024

ప్రేమలో మూవీ ట్రైలర్..

మరిన్ని సినిమా వార్తల కోసం ఇక్కడ క్లిక్ చేయండి.