Brahmastra : ఓటీటీలోకి వచ్చేస్తున్న బ్రహ్మాస్త్ర.. అధికారికంగా ప్రకటించిన డిస్నీ ప్లస్ హాట్ స్టార్..
బ్రహ్మాస్త్ర సినిమా ఓటీటీలో సందడి చేసేందుకు సిద్ధమయ్యింది. ప్రముఖ ఓటీటీ ప్లాట్ ఫాం డిస్నీ ప్లస్ హాట్ స్టార్ లో బ్రహ్మాస్త్ర స్ట్రీమింగ్ కానున్నట్లు అధికారికంగా ప్రకటించారు మేకర్స్.
Updated on: Oct 23, 2022 | 4:40 PM
చాలా కాలంగా వరుస డిజాస్టర్లతో కొట్టుమిట్టాడుతున్న బాలీవుడ్ ఇండస్ట్రీకి కొత్త ఆశలు కల్పించిన చిత్రం బ్రహ్మాస్త్ర. డైరెక్టర్ అయాన్ ముఖర్జీ తెరకెక్కించిన ఈ సినిమాకు మంచి స్పందన వచ్చింది. రణబీర్ కపూర్.. అలియా భట్ జంటగా నటించిన ఈ చిత్రం సెప్టెంబర్ 9న పాన్ ఇండియా లెవల్లో విడుదలై మిశ్రమ స్పందన సొంతం చేసుకుంది. బిగ్ బీ అమితాబ్, నాగార్జున, మౌనీ రాయ్, షారుఖ్ ఖాన్ కీలకపాత్రలలో నటించిన ఈ మూవీకి బాక్సాఫీస్ వద్ద సూపర్ హిట్ టాక్ సొంతం చేసుకుని.. దాదాపు రూ. 270 కోట్లకు పైగా వసూలు చేసింది. ఇక ఇప్పుడు ఈ సినిమా ఓటీటీలో సందడి చేసేందుకు సిద్ధమయ్యింది. ప్రముఖ ఓటీటీ ప్లాట్ ఫాం డిస్నీ ప్లస్ హాట్ స్టార్ లో బ్రహ్మాస్త్ర స్ట్రీమింగ్ కానున్నట్లు అధికారికంగా ప్రకటించారు మేకర్స్.
థియేటర్లలో సూపర్ హిట్ టాక్ తెచ్చుకున్న ఈ సినిమా నవంబర్ 4న డిస్నీ ప్లస్ హాట్ స్టార్ లో స్ట్రీమింగ్ కానుంది. తెలుగుతోపాటు.. హిందీ, తమిళం, కన్నడ, మలయాళం భాషలలో స్ట్రీమింగ్ కానున్నట్లు మేకర్స్ అనౌన్స్ చేశారు. ఈ చిత్రాన్ని పూర్తిగా 5 భాగాలుగా రూపొందించనున్నట్లు డైరెక్టర్ అయాన్ ముఖర్జీ తెలిపారు. ఇందులో మొదటి పార్ట్ శివ పేరుతో విడుదలై సక్సెస్ అయ్యింది.
బ్రహ్మాస్త్రానికి తిరిగి ప్రాణం కల్పించడం చాలా సవాలుతో కూడుకున్నది. ఈ చిత్రానికి అపారమైన ప్రేమ, మద్దతు అందించిన ప్రేక్షకులకు ధన్యవాదాలు. భారతీయ సంస్కృతి, ఆధ్యాత్మికత.. విశిష్ట చరిత్ర సాంకేతికతను కలిసే గొప్ప వేడుకే బ్రహ్మాస్ర్త అన్నారు డైరెక్టర్ అయాన్ ముఖర్జీ.
The World of Ancient Indian Astras is coming to Disney+ Hotstar on November 4. #BrahmastraOnHotstar pic.twitter.com/chmZBI6grk
— Disney+ Hotstar (@DisneyPlusHS) October 23, 2022
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
