RRR Movie: జపాన్‏లో ఆర్ఆర్ఆర్‏కు సెన్సెషనల్ రెస్పాన్స్.. ఏ ఇండియన్ సినిమాకు దక్కని రికార్డ్ ..

ఇండియన్ బాక్సాఫీస్ వద్ద ప్రభంజనం సృష్టించిన ఆర్ఆర్ఆర్ చిత్రం అక్టోబర్ 21న జపాన్‏లో గ్రాండ్‏గా విడుదలైంది. డైరెక్టర్ రాజమౌళి.. యంగ్ టైగర్ ఎన్టీఆర్, మెగా పవర్ స్టార్ రామ్ చరణ్ ముగ్గురు ట్రిబుల్ ఆర్ సినిమా ప్రమోషన్లలో చురుగ్గా పాల్గోన్నారు. వీరికి జపనీస్ నుంచి మంచి రెస్పాన్స్ వచ్చిన సంగతి తెలిసిందే. శుక్రవారం విడుదలైన ఈ మూవీకి అద్భుతమైన రెస్పాన్స్ వచ్చింది. జపాన్ దేశంలో జక్కన్న సినిమాకు అత్యుత్తమ ఓపెనింగ్స్ వచ్చాయి. ఇప్పటివరకు జపాన్ లో విడుదలైన భారతీయ చిత్రాలన్నింటికంటే ఎక్కువ ఓపెనింగ్స్ నమోదు చేసుకుని రికార్డ్ సృష్టించింది. నివేదికల ప్రకారం ఈ సినిమా మొదటి రోజే దాదాపు రూ. 1.06 కోట్లు రాబట్టింది. గతంలో ప్రభాస్ నటించి సాహో చిత్రం ఒక్కరోజే రూ. 90 లక్షలతో రికార్డ్ సృష్టించిన.. ఆ రికార్డ్ బ్రేక్ చేసింది ట్రిబుల్ ఆర్. ఇక ఈ మూవీ వారాంతపు వసూళ్లు రూ. 3.5 కోట్లకు పైగా ఉండవచ్చని నివేదికలు అంచనా వేస్తున్నాయి. ప్రస్తుతం జక్కన్న అండ్ టీం జపాన్ లో సందడి చేస్తున్నారు.

జపనీస్ అభిమానులను తారక్, చరణ్‏ కలుసుకున్న ఫోటోస్, వీడియోస్ సోషల్ మీడియాలో వైరలవుతున్నాయి. తమ అభిమాన హీరోలను చూడగానే జపాన్ ఫ్యాన్స్ కన్నీళ్లు పెట్టుకున్నారు. పలు రకాలుగా తమ అభిమానాన్ని చాటుకుంటున్నారు. ప్రముఖ నిర్మాణ సంస్థ డీవీవీ ఎంటర్టైన్మెంట్స్ బ్యానర్ పై ఈ చిత్రాన్ని దాదాపు రూ. 400 కోట్ల బడ్జెట్ తో నిర్మించగా.. ప్రపంచవ్యాప్తంగా ఈ సినిమాకు అద్భుతమైన రెస్పాన్స్ రావడమే కాకుండా అంతర్జాతీయంగా రూ. 1000 కోట్లకు పైగా వసూళ్లు రాబట్టింది.

ఇక జక్కన్న తదుపరి చిత్రం సూపర్ స్టార్ మహేష్ బాబుతో ఉండనుంది. ఈ విషయాన్ని ఇప్పటికే రాజమౌళి పలు ఇంటర్వ్యూలలో చెప్పుకొచ్చాడు. ఇప్పటివరకు తాను తెరకెక్కించిన సినిమాలన్నింటికి మించి మహేష్ తో చేయబోయే సినిమా ఉంటుందని స్వయంగా జక్కన్న చెప్పడంతో ఈ మూవీపై అంచనాలు పెరిగాయి. వచ్చే ఏడాది వీరి కాంబోలో రాబోయే చిత్రం పట్టాలెక్కనుంది.