Nidhhi Agerwal: పవర్ స్టార్ పాటనే మళ్లీ మళ్లీ వింటున్నా.. ఇస్మార్ట్‌ బ్యూటీ ఇంట్రెస్టింగ్ కామెంట్స్‌..

పవర్‌స్టార్‌ పవన్‌ కల్యాణ్‌, రానా దగ్గుబాటి కాంబినేషన్‌ లో తెరకెక్కుతోన్న చిత్రం 'భీమ్లా నాయక్‌'. సంక్రాంతికి విడుదల కావాల్సిన ఈ సినిమా ఫిబ్రవరికి వాయిదా పడింది. అయితే ఇందులోని పాటలు అభిమానులను ఎంతగానో

Basha Shek |
Updated on: Dec 30, 2021 | 10:21 AM

పవర్‌స్టార్‌ పవన్‌ కల్యాణ్‌, రానా దగ్గుబాటి కాంబినేషన్‌ లో తెరకెక్కుతోన్న చిత్రం ‘భీమ్లా నాయక్‌’. సంక్రాంతికి విడుదల కావాల్సిన ఈ సినిమా ఫిబ్రవరికి వాయిదా పడింది. అయితే ఇందులోని పాటలు మాత్రం అభిమానులను ఎంతగానో అలరిస్తున్నాయి. అందులో అరుణ్‌ కౌండిన్య పాడిన ‘లా లా భీమ్లా’ అనే పాట యూట్యూబ్‌లో రికార్డులు కొల్లగొడుతోంది. కాగా ఈ పాటనే మళ్లీ మళ్లీ వింటున్నానంటోంది యంగ్‌ హీరోయిన్‌ నిధి అగర్వాల్‌. ప్రస్తుతం ఆమె పవర్‌ స్టార్‌తో కలిసి ‘హరి హర వీరమల్లు’ అనే చిత్రంలో నటించనున్న సంగతి తెలిసిందే. ఈక్రమంలో సోషల్ మీడియా వేదికగా అభిమానులతో ముచ్చటించిన ఈ ముద్దుగుమ్మ పలు ఆసక్తికర విషయాలు వెల్లడించింది. పవన్‌ వ్యక్తిత్వంపై ప్రశంసలు కురిపించింది. ఇక మీకు ఇష్టమైన పాట ఏది అని ఓ నెటిజన్‌ అడగ్గా ‘ ‘భీమ్లా నాయక్’ సినిమాలోని ‘లా లా భీమ్లా’ సాంగ్ అని చెప్పింది. ఈ పాటనే మళ్లీ మళ్లీ వింటున్నానంటూ తెలిపింది.

ఈ సందర్భంలోనే తన గురించి పలు ఆసక్తికర విషయాలు వెల్లడించింది. తన జీవితం పూలపాన్పేమీ కాదని, చాలామంది లాగే సినిమా కెరీర్‌ ఆరంభంలో ఎన్నో ఆటుపోట్లు ఎదుర్కొన్నానంది. ఎన్నో ఫొటోషూట్‌లు, ఆడిషన్స్‌లలో రిజెక్టయ్యానని చేదు అనుభవాలను గుర్తుకు తెచ్చుకుంది. అయితే అధైర్య పడకుండా ముందుకు సాగానని, హీరోయిన్ కావాలనుకున్న తన కలను నిజం చేసుకున్నానని పేర్కొంది. కథానాయికగా తనకు ఐశ్వర్యారాయ్‌ను ఎంతో స్ఫూ్ర్తిగా తీసుకుంటానని.. అనుష్క, కాజల్‌ అగర్వాల్‌ లను అభిమానిస్తానని తన ఇష్టాయిష్టాల గురించి చెప్పుకొచ్చింది. ఇక సినిమాల విషయానికొస్తే.. ‘ఇస్మార్ట్‌ శంకర్‌’ సినిమాతో ఎంతో క్రేజ్‌ సొంతం చేసుకున్న ఈ ముద్దుగుమ్మ ప్రస్తుతం ‘హరిహర వీర మల్లు’ తో పాటు గల్లా అశోక్ డెబ్యూ సినిమా ‘హీరో’లోనూ నటిస్తోందీ ముద్దుగుమ్మ. బాలీవుడ్‌లోనూ ఓ సినిమాకు సైన్‌ చేసిందని సమాచారం.