మసీదులో మ్యూజిక్ వీడియో.. నటి, సింగర్లపై కేసు నమోదు
పాకిస్తాన్ నటి సబా ఖమర్, సింగర్ బిలాల్ సయీద్లపై లాహోర్ పోలీసులు కేసు నమోదు చేశారు. మసీదులో మ్యూజిక్ వీడియోను తెరకెక్కించినందుకు గానూ పవిత్రతను ఉల్లంఘించారంటూ
Updated on: Aug 17, 2020 | 5:53 PM
Case against Pakistan Actor: పాకిస్తాన్ నటి సబా ఖమర్, సింగర్ బిలాల్ సయీద్లపై లాహోర్ పోలీసులు కేసు నమోదు చేశారు. మసీదులో మ్యూజిక్ వీడియోను తెరకెక్కించి దాని పవిత్రతను దెబ్బతీశారని.. దైవ దూషణ చట్టం కింద ఈ ఇద్దరిపై కేసు నమోదైంది. ఇటీవల ఈ ఇద్దరు లాహోర్లోని వజీర్ ఖాన్ మసీదులో ఓ వీడియోను చేయగా.. అందులోని ఓ క్లిప్ సోషల్ మీడియాలో వైరల్గా మారింది. దీంతో పలు విమర్శలు వెల్లువెత్తాయి. ఈ క్రమంలో వారిపై దైవ దూషణ చట్టం కింద కేసు నమోదు చేయాలంటూ పలువురు డిమాండ్ చేశారు. పాకిస్తాన్ మీడియా ప్రకారం.. వారిద్దరితో పాటు ఈ వీడియో తీయడంలో భాగమైన వారిపైన న్యాయవాది సర్దార్ ఫర్హత్ మజూర్ ఖాన్ ఆగష్టు 13న పోలీసులకు ఫిర్యాదు చేసినట్లు తెలుస్తోంది. ఈ క్రమంలో ఈ ఇద్దరిపై పలు సెక్షన్ల కింద కేసు నమోదు అయ్యింది.
కాగా దీనిపై సబా ఖమర్ సోషల్ మీడియాలో ట్వీట్ చేస్తూ.. తాము తెరకెక్కించిన ‘ఖబూల్’లో ఒకే ఒక్క సీన్ని వాజిర్ ఖాన్ మసీదులో షూట్ చేశామని అన్నారు. ఈ సన్నివేశం వచ్చినప్పుడు మేము మ్యూజిక్ని ప్లే చేయలేదు. మ్యూజిక్ ట్రాక్తో కూడా ఎడిట్ చేయలేదు. సోషల్ మీడియాలో వైరల్ అయిన వీడియో ఖబూల్ పోస్టర్ల కోసం తీసింది అని కామెంట్ పెట్టారు.
Read More:
ఈ ఏడాదిలో రెండుసార్లు శ్రీవారి బ్రహ్మోత్సవాలు
మాధవన్ని ‘కిస్’ చేయాలంటే చిన్నపాటి గుండెపోటు వచ్చింది
The BTS video that's been circulated on social media was just a circular movement to click stills for the poster of ‘Qabool’ depicting a happily married couple right after their Nikah. #SabaQamar
— Saba Qamar (@s_qamarzaman) August 8, 2020
