అన్నయ్య.. మీ గానమే మా ప్రాణం..

ఎస్పీ బాలసుబ్రమణ్యం ఆరోగ్యం విషమిచింది అనే వార్త తెలియడంతో ప్రపంచ వ్యాప్తంగా ప్రముఖుల నుంచి మొదలు అభిమానుల వరకు ఆందోళన మొదలైంది. అంతా ఆయన ఆరోగ్యం ఎలా ఉంది అంటూ ఎప్పటికప్పుడు తెలుసుకుంటున్నారు. బాల్ సర్ మీరు త్వరగా కోలుకోవాలి అంటూ సోషల్ మీడియాల వేదికగా పోస్టులు పెడుతున్నారు. పెద్ద ఎత్తున అభిమాన జనం ఆయన త్వరగా కోలుకోవాలంటూ పూజలు చేయడం మొదలు పెట్టారు. దీంతో ఆయన ఆరోగ్యం కొద్దిగా కుదుట పడిందని తాజా హెల్త్ బులిటిన్ పేర్కొంది.

అయితే తాజాగా… నటుడు సాయికుమార్‌ మాట్లాడుతూ..‘‘అన్నయ్య.. పాటే మీ ఊపిరి… మీ గానమే మా ప్రాణం.. మీ పలుకే ఓ పన్నీటి చినుకు.. ఆ పరిమళ ఆస్వాదనమే మా అందరి శ్వాస.. ఆశ.. ఆరోగ్య భాగ్యవంతులై అతి త్వరగా మీరు కోలుకుని రావాలి. వైద్య నిపుణుల అంకుఠిత దీక్ష.. విశ్వ వ్యాప్తంగా సంగీత అభిమానుల ఆకాంక్ష.. ఆత్మీయుల నిరంతర ప్రార్థనల నిరీక్షల ఫలితంగా సంపూర్ణ ఆరోగ్యంతో విచ్చేయాల్సిందిగా అందరి తరపున ఈ ఆప్త సోదర శుభాహ్వానం. మన ఈ గాంధర్వ జగత్తుకు ఆ భగవంతుడు ఇచ్చే కానుక.. మాతో మళ్లీ మీ చేరిక.. ఆయురారోగ్యమస్తు బాలు.. అన్నదే ప్రతి గుండె చేసే చేవ్రాలు.. శుభమస్తు’’ అంటై ఓ స్పెషల్ వీడియోను పోస్ట్ చేశారు.