బాబాయ్- అబ్బాయిలతో ఆడిపాడిన హీరోయిన్లు వీరే

బాబాయ్- అబ్బాయిలతో ఆడిపాడిన హీరోయిన్లు వీరే

టాలీవుడ్‌లో అక్కినేని కుటుంబం మినహా.. మిగిలిన ప్రతి టాప్ ఫ్యామిలీలోనూ బాబాయి- అబ్బాయిలు ఉన్నారు. మెగా ఫ్యామిలీలో పవన్ కల్యాణ్- రామ్ చరణ్, నందమూరి కుటుంబంలో బాలకృష్ణ- ఎన్టీఆర్, దగ్గుబాటి ఫ్యామిలీలో వెంకటేష్- రానాలు ఈ లిస్ట్‌లో ఉన్నారు. ఈ బాబాయి- అబ్బాయిలు కలసి ఒక్క సినిమాలోనైనా నటించాలని వారి వారి అభిమానులు ఎప్పటి నుంచో తమ కోరికను వెలిబుచ్చుతున్నారు. అయితే ఇంతవరకు ఆ కోరికను ఏ దర్శకుడు నెరవేర్చలేదు.(రానా కృష్ణం వందే జగద్గురంలో వెంకటేష్ కెమెరా […]

TV9 Telugu Digital Desk

| Edited By:

Oct 17, 2019 | 11:39 AM

టాలీవుడ్‌లో అక్కినేని కుటుంబం మినహా.. మిగిలిన ప్రతి టాప్ ఫ్యామిలీలోనూ బాబాయి- అబ్బాయిలు ఉన్నారు. మెగా ఫ్యామిలీలో పవన్ కల్యాణ్- రామ్ చరణ్, నందమూరి కుటుంబంలో బాలకృష్ణ- ఎన్టీఆర్, దగ్గుబాటి ఫ్యామిలీలో వెంకటేష్- రానాలు ఈ లిస్ట్‌లో ఉన్నారు. ఈ బాబాయి- అబ్బాయిలు కలసి ఒక్క సినిమాలోనైనా నటించాలని వారి వారి అభిమానులు ఎప్పటి నుంచో తమ కోరికను వెలిబుచ్చుతున్నారు. అయితే ఇంతవరకు ఆ కోరికను ఏ దర్శకుడు నెరవేర్చలేదు.(రానా కృష్ణం వందే జగద్గురంలో వెంకటేష్ కెమెరా అప్పియరెన్స్ మాత్రమే ఇచ్చారు). ఇదంతా పక్కనపెడితే టాలీవుడ్‌లోని కొంతమంది హీరోయిన్లు మాత్రం బాబాయి- అబ్బాయి ఇద్దరితో జత కట్టారు. ఇక ఏఏ హీరోయిన్ ఇలా బాబాయి- అబ్బాయితో కలిసి నటించిందో ఓ సారి చూద్దాం.

కాజల్ అగర్వాల్: రామ్ చరణ్‌ మగధీరతో మొదటిసారిగా మెగా ఫ్యామిలీ హీరోతో జోడీ కట్టిన కాజల్.. ఆ తరువాత అతడితోనే నాయక్, గోవిందుడు అందరివాడేలే చిత్రాల్లో మెరిసింది. ఇక చెర్రీ బాబాయి, పవర్‌స్టార్ పవన్ కల్యాణ్ సరసన ఈ చందమామ ‘సర్ధార్ గబ్బర్‌ సింగ్‌’లో కనిపించింది.

తమన్నా: రామ్ చరణ్‌తో రచ్చ సినిమాలో కనిపించిన మిల్కీ బ్యూటీ తమన్నా.. పవన్ కల్యాణ్‌తో కెమెరామన్ గంగతో రాంబాబులో ఆడిపాడింది. అంతేకాదు ఈ ఇద్దరు మెగా ఫ్యామిలీలోని టాప్ హీరోలైన చిరంజీవి, పవన్ కల్యాణ్, అల్లు అర్జున్‌, చరణ్‌లతో జోడీ కట్టి.. అరుదైన రికార్డును తమ ఖాతాలో వేసుకున్న విషయం తెలిసిందే.

సమంత: పవన్ కల్యాణ్‌తో అత్తారింటికి దారేదిలో నటించిన సమంత.. ఆ తరువాత రామ్ చరణ్‌ సరసన రంగస్థలంలో ఆడిపాడింది.

నయనతార: ఎన్టీఆర్ సరసన అదుర్స్‌లో నటించిన నయనతార.. ఆ తరువాత బాలకృష్ణతో శ్రీరామ రాజ్యం, సింహా, జై సింహా ఇలా హ్యాట్రిక్ చిత్రాల్లో నటించింది.

ప్రియమణి: ఎన్టీఆర్ సరసన యమదొంగలో ఆడిపాడిన ప్రియమణి.. ఆ తరువాత మిత్రుడులో బాలకృష్ణతో కలిసి నటించింది.

త్రిష: ఎన్టీఆర్ హీరోగా వచ్చిన దమ్ములో నటించిన త్రిష.. ఆ తరువాత బాలయ్యతో లయన్ సినిమాలో ఆడిపాడింది.

ఛార్మీ: బాలయ్య సరసన అల్లరి పిడుగు అనే చిత్రంలో నటించిన ఛార్మీ.. ఆ తరువాత రాఖీ సినిమాలో ఎన్టీఆర్‌తో జత కట్టింది.

శ్రియ: ఎన్టీఆర్ సరసన నా అల్లుడులో కనిపించిన శ్రియ.. బాలకృష్ణతో చెన్నకేశవ రెడ్డి, పైసా వసూల్, గౌతమీ పుత్ర శాతకర్ణి, ఎన్టీఆర్ కథానాయకుడులో నాలుగు సార్లు జోడీ కట్టింది.

ఆర్తీ అగర్వాల్: ఎన్టీఆర్ సరసన అల్లరి రాముడులో కనిపించిన ఆర్తీ అగర్వాల్.. ఆ తరువాత బాలకృష్ణ సరసన పల్నాటి బ్రహ్మనాయుడులో కనిపించింది. అంతేకాదు ఎన్టీఆర్ చిత్రం నరసింహనాయుడులోనూ ఓ స్పెషల్ పాటలో మెరిసింది.

హన్సిక: ఎన్టీఆర్ సరసన కంత్రిలో నటించిన హన్సిక.. బాలకృష్ణ‌తో ఎన్టీఆర్ కథానాయకుడులో జయప్రద పాత్రలో లీనమైంది.

రకుల్ ప్రీత్ సింగ్: ఎన్టీఆర్ సరసన నాన్నకు ప్రేమలో నటించిన రకుల్ ప్రీత్ సింగ్.. బాలకృష్ణతో ఎన్టీఆర్ కథానాయకుడులో శ్రీదేవి పాత్రలో అతడి సరసన ఆడిపాడింది.

నిత్యా మీనన్: ఎన్టీఆర్ జనతా గ్యారేజ్ చిత్రంలో నటించిన నిత్యా మీనన్.. బాలకృష్ణ నటించిన ఎన్టీఆర్ కథానాయకుడులో సావిత్రి పాత్రకు జీవం పోసింది.

భూమిక: ఎన్టీఆర్‌తో సింహాద్రి, సాంబ సినిమాలో కనిపించిన భూమిక.. ఇప్పుడు బాలకృష్ణ 105వ చిత్రంలో ఆయనతో కలిసి నటిస్తోంది.

సంఘవి: బాలకృష్ణతో గొప్పింటి అల్లుడు అనే చిత్రంలో కనిపించిన సంఘవి.. ఎన్టీఆర్ ఆంధ్రావాలాలో నటించింది. ఇక బాలకృష్ణతో నటించిన రమ్యకృష్ణ, రంభ లాంటి వారు కూడా ఎన్టీఆర్‌‌తో స్పెషల్ సాంగ్‌లలో మెప్పించారు.

నయనతార: వెంకటేష్ సరసన లక్ష్మీ, తులసీ, బాబు బంగారం చిత్రాల్లో నటించిన లేడీ సూపర్‌స్టార్ నయనతార.. రానా సరసన కృష్ణం వందే జగద్గురుంలో కనిపించింది.

అనుష్క: వెంకటేష్ సరసన చింతకాయల రవిలో కలిసి నటించిన అనుష్క.. రుద్రమదేవిలో రానాతో ఆడిపాడింది.

జెనీలియా: వెంకటేష్ సరసన సుభాష్ చంద్రబోస్‌లో నటించిన జెనీలియా.. రానాతో నా ఇష్టంలో జోడీ కట్టింది.

తాప్సీ: వెంకటేష్ సరసన షాడోలో కనిపించిన ఈ ఢిల్లీ బ్యూటీ.. రానా ప్రధానపాత్రలో వచ్చిన ఘాజీలో ఓ పాత్రలో మెరిసిన విషయం తెలిసిందే.

Follow us on

Related Stories

Most Read Stories

Click on your DTH Provider to Add TV9 Telugu