Teaser Talk: అస‌లు మ‌నిషి చ‌ర్మంతో వ్యాపారం ఏంటి..? ఆసక్తిరేపుతోన్న హ‌న్సిక కొత్త సినిమా టీజ‌ర్‌..

Teaser Talk: దేశ‌ముదురు చిత్రంతో వెండి తెర‌కు ప‌రిచ‌యమైన హ‌న్సిక తొలి సినిమాతో క్రేజీ హీరోయిన్‌గా గుర్తింపు సంపాదించుకుంది. త‌ర్వాత ప‌లు వ‌రుస సినిమాల‌తో న‌టిస్తూ బిజీగా మారింది. అయితే ఆ త‌ర్వాత సినిమాల్లో వేగాన్ని త‌గ్గించిందీ సొట్ట బుగ్గ‌ల చిన్న‌ది. మ‌రీ ముఖ్యంగా తెలుగులో అడ‌పాద‌డ‌పా సినిమాలు చేస్తూ వ‌చ్చింది. అయితే తాజాగా మ‌ళ్లీ వ‌రుస సినిమాల‌తో బిజీగా మారింది హ‌న్సిక‌. ఈ క్ర‌మంలో తెర‌కెక్కుతోన్న చిత్ర‌మే ‘మై నేమ్‌ ఈజ్‌ శ్రుతి’. హీరోయిన్ ఓరియెంటెడ్ చిత్రంగా తెర‌కెక్కుతోన్న ఈ సినిమా టీజ‌ర్‌ను చిత్ర యూనిట్ విడుద‌ల చేసింది.

ఇక సినిమా టీజ‌ర్ ఆద్యంతం ఆస‌క్తిగా ఉంది. మ‌నిషి చ‌ర్మం స్మ‌గ్లింగ్ నేప‌థ్యంలో ఈ సినిమాను తెర‌కెక్కించిన‌ట్లు అర్థ‌మ‌వుతోంది. ఇంత‌కీ మ‌నిషి చ‌ర్మంతో ఏం చేస్తారన్నఆస‌క్తిని రేకెత్తిస్తోంది. ఈ స్మ‌గ్లింగ్‌లో హ‌న్సిక ఎలాంటి ఇబ్బందులు ఎదుర్కొందన్న క‌థాంశంతో సినిమాను తెర‌కెక్కించారు. ఇక టీజ‌ర్‌లో హ‌న్సిక చెప్పే.. ‘చర్మం వలిచి బిజినెస్‌ చేస్తామంటున్నారు. ఏం చేయాలి వాళ్లను’ అనే డైలాగ్ సినిమాపై క్యూరియాసిటీని పెంచేసింది.

హ‌న్సిక లీడ్ రోల్‌లో న‌టిస్తున్న ఈ సినిమాలో మురళిశర్మ, పూజా రామచంద్రన్‌ కీలక పాత్రల్లో కనిపించనున్నారు. ప్ర‌స్తుతం షూటింగ్ జ‌రుపుకుంటోన్న ఈ సినిమాను త్వ‌ర‌లోనే విడుద‌ల చేయ‌నున్నారు. ఆద్యంతం ఆస‌క్తికరంగా ఉన్న టీజ‌ర్‌ను మీరూ ఓసారి చూసేయండి.

Also Read: IND VS SA: విరాట్ కోహ్లీ స్పెషల్ రికార్డు.. సెల్యూట్ చేసిన సునీల్ గవాస్కర్.. ఎందుకో తెలుసా?

Viral Video: నీ స్పీడు ముందు యంత్రాలు కూడా బలాదూర్‌ బ్రదర్‌ !! వీడియో

‎IND vs PAK: ఇకనుంచి ప్రతి ఏటా భారత్-పాకిస్తాన్ మ్యాచులు.. ఐసీసీ ముందు పీసీబీ సరికొత్త ప్రతిపాదన..!