Lokesh kanagaraj: ‘ఖైదీ’ సీక్వెల్పై క్లారిటీ ఇచ్చిన లోకేశ్.. స్టోరీలైన్ చెప్పేసిన డైరెక్టర్..
Lokesh kanagaraj: విక్రమ్ (Vikram) సినిమాతో దర్శకుడు లోకేశ్ కనగరాజ్ పేరు మరోసారి మారమోగుతోంది. కమలహాస్ హీరోగా తెరకెక్కిన ఈ సినిమా దేశవ్యాప్తంగా రికార్డు కలెక్షన్లను రాబడుతూ..
Updated on: Jun 11, 2022 | 1:16 PM
Lokesh kanagaraj: విక్రమ్ (Vikram) సినిమాతో దర్శకుడు లోకేశ్ కనగరాజ్ పేరు మరోసారి మారమోగుతోంది. కమలహాస్ హీరోగా తెరకెక్కిన ఈ సినిమా దేశవ్యాప్తంగా రికార్డు కలెక్షన్లను రాబడుతూ దూసుకుపోతోంది. భాషతో సంబంధం లేకుండా విడుదలైన అన్ని చోట్ల కలెక్షన్ల వర్షం కురిపిస్తోందీ సినిమా. ఈ నేపథ్యంలోనే లోకేశ్ తర్వాతి ప్రాజెక్ట్పై అందరి దృష్టిపడింది. 2019లో ఎలాంటి అంచనాలు లేకుండా విడుదలైన ‘ఖైదీ’ సినిమా భారీ విజయాన్ని అందుకున్న విషయం తెలిసిందే. కార్తీ హీరోగా తెరకెక్కిన ఈ సినిమా విమర్శకుల ప్రశంసలు సైతం అందుకుంది.
ఇదిలా ఉంటే లోకేశ్ ప్రస్తుతం ఈ సినిమాకు సీక్వెల్ తెరకెక్కించే పనిలో పడ్డాడు. ఈ సినిమా కూడా ఖైదీ టైటిల్తోనే తెరకెక్కనుంది. ఈ నేపథ్యంలో తాజాగా లోకేశ్ ఈ సీక్వెల్కు సంబంధించి పలు ఆసక్తికర విషయాలను పంచుకున్నాడు. తాజాగా ఇచ్చిన ఓ ఇంటర్వ్యూలో ఖైదీ సీక్వెల్పై క్లారిటీ ఇచ్చాడు. హీరో జీవితం ఢిల్లీ జైలులో ఎలా గడిచింది అన్న కథాంశంతో ఈ సినిమా ఉండనున్నట్లు లోకేశ్ తెలిపాడు.
సినిమా కథ గురించి మాట్లాడుతూ.. ‘ఫ్లాష్ బ్యాక్తో సినిమా మొదలు అవుతుంది. జైల్లో కబడ్డీ ఆడి ఎన్నో కప్పులు గెలిచే హీరో.. ఆ తర్వాత మాఫియా ముఠా నుంచి పోలీసులను కాపాడి, తన కూతురును తీసుకుని వెళ్లిపోతాడు. తర్వాత పోలీసులకు మళ్లీ హీరో అవసరం వస్తుంది. అసలు పోలీసులకు హీరో వచ్చిన అవసరం ఏంటి.? ఆ తర్వాత ఎలాంటి పరిణామాలు జరుగుతాయి’ అన్నది సినిమా కథ అని చెప్పుకొచ్చాడు లోకేశ్. మరి విక్రమ్తో ఇండస్ట్రీని సొంతం చేసుకున్న లోకేశ్ కనగరాజ్ ఖైదీ సీక్వెల్తో ఎలాంటి వండర్స్ చేస్తారో చూడాలి.
మరిన్ని సినిమా వార్తల కోసం క్లిక్ చేయండి…
