Bommarillu Bhaskar: బంపరాఫర్‌ కొట్టేసిన బొమ్మరిల్లు భాస్కర్‌.. ఈసారి మెగా హీరోను డైరెక్ట్ చేసే ఛాన్స్‌.?
Bommarillu Bhaskar: ఒక్క విజయం వంద ఏనుగుల బలాన్ని ఇస్తుందని చెబుతుంటారు. ఈ సూత్రం సినిమా ఇండస్ట్రీకి పక్కాగా వర్తిస్తుంది. ఒక్క సినిమా హిట్ అయితే చాలు వరుస..
Updated on: Oct 26, 2021 | 6:58 AM
Bommarillu Bhaskar: ఒక్క విజయం వంద ఏనుగుల బలాన్ని ఇస్తుందని చెబుతుంటారు. ఈ సూత్రం సినిమా ఇండస్ట్రీకి పక్కాగా వర్తిస్తుంది. ఒక్క సినిమా హిట్ అయితే చాలు వరుస ఆఫర్లు క్యూ కడుతుంటాయి. తాజాగా అలాంటి సక్సెస్‌నే ఎంజాయ్‌ చేస్తున్నాడు దర్శకుడు భాస్కర్‌. బొమ్మరిల్లు, పరుగు చిత్రాలతో తెలుగులో మంచి విజయాలను అందుకున్న భాస్కర్‌ ఆ తర్వాత పలు వరుస పరాజాయలను సొంతం చేసుకున్నాడు. దీంతో ఎలాగైనా హిట్ కొట్టాలనే కసితో అక్కినేని యంగ్‌ హీరో అఖిల్‌తో మోస్ట్‌ ఎలిజిబుల్‌ బ్యాచిలర్‌ చిత్రాన్ని తెరకెక్కించాడు. ఈ సినిమా బాక్సాఫీస్‌ వద్ద ఆశించిన స్థాయిలో విజయాన్ని సొంతం చేసుకుంది.
దీంతో బొమ్మరిల్లు భాస్కర్‌కు ఓ మంచి ఆఫర్‌ వచ్చినట్లు తెలుస్తోంది. గీతా ఆర్ట్స్‌ బ్యానర్‌లో ఓ సినిమాను డైరెక్ట్ చేసే అవకాశం భాస్కర్‌కు దొరికినట్లు సమాచారం. అయితే హీరో ఎవరనే విషయం తెలియకపోయినప్పటికీ తాజాగా అందుతోన్న సమాచారం ప్రకారం వైష్ణవ్‌ తేజ్‌ నటించనున్నట్లు ఇండస్ట్రీలో ఓ టాక్‌ వినిపిస్తోంది. మరి ఈ వార్తలో ఎంత వరకు నిజం ఉందో తెలియాలంటే అధికారిక ప్రకటన వచ్చే వరకు వేచి చూడాల్సిందే.
ఇదిలా ఉంటే భాస్కర్‌ గతంలో అల్లు అర్జున్‌, రామ్‌ చరణ్‌ వంటి మెగా హీరోలతో పనిచేసిన విషయం తెలిసిందే. ఈ నేపథ్యంలో గీతా ఆర్ట్స్‌ మరో ఛాన్స్‌ ఇచ్చినట్లు వార్తలు వస్తున్నాయి.
Andhra Pradesh: భర్త క్షణికావేశం.. ఎంతటి దారుణానికి రెచ్చగొట్టిందో చూడండి..!
Tirumala: నవంబర్ మాసంలో తిరుమల శ్రీ‌వారికి జ‌రుగ‌నున్న విశేష ఉత్సవాల వివ‌రాలు
