పదేళ్లుగా సినిమాలు లేవు..కోట్లల్లో సంపాదన.. లగ్జరీ లైఫ్! ఎవరా హీరోయిన్? సంపాదన ఎలా?

ఇప్పటికీ ఆమె లగ్జరీ జీవితాన్ని గడుపుతూ అందరినీ ఆశ్చర్యపరుస్తోంది. 2001లో అరంగేట్రం చేసిన ఈమె, తనకంటూ ఒక ప్రత్యేకమైన గుర్తింపు తెచ్చుకుంది. సినిమాల్లో నటించకపోయినా ఆమె సంపాదన రహస్యం ఏంటో తెలిస్తే షాక్ అవ్వాల్సిందే. ఆ స్టార్ హీరోయిన్ మరెవరో కాదు.. బాలీవుడ్ బ్లాక్ బస్టర్ భామ బిపాసా బసు. ఒకప్పుడు తన గ్లామర్‌తో కుర్రకారును ఉర్రూతలూగించిన ఈ నటి, గత పదేళ్లుగా సినిమాలకు పూర్తిగా దూరంగా ఉంటున్నారు.

చివరిగా 2015లో వచ్చిన ‘అలోన్’ సినిమాలో కనిపించిన ఆమె, ఆ తర్వాత మళ్ళీ మేకప్ వేసుకోలేదు. అయినప్పటికీ సోషల్ మీడియాలో ఆమె పేరు ఎప్పుడూ ట్రెండింగ్‌లో ఉంటుంది. సినిమాలు చేయకపోతే ఆదాయం ఎలా వస్తుందనేది చాలామందికి కలిగే సందేహం. కానీ బిపాసా తన పేరునే ఒక బ్రాండ్‌గా మార్చుకున్నారు. ఆమె సంపాదనలో ప్రధాన వాటా బ్రాండ్ ఎండార్స్‌మెంట్ల ద్వారా వస్తోంది. ఒక్కో వాణిజ్య ప్రకటనకు ఆమె సుమారు రూ. 2 కోట్ల వరకు తీసుకుంటుందని సమాచారం.

కళ్లు చెదిరే ఆస్తిపాస్తులు మీడియా కథనాల ప్రకారం, బిపాసా బసు నికర ఆస్తి విలువ దాదాపు రూ. 130 కోట్ల వరకు ఉంటుందని అంచనా. ముంబైలో రూ. 16 కోట్ల విలువైన అత్యంత విలాసవంతమైన ఇల్లు ఉండగా, కోల్‌కతాలో కూడా ఆమెకు భారీ భవంతులు ఉన్నాయి. సంపాదనలో ఇన్వెస్ట్‌మెంట్లే కాకుండా, సోషల్ మీడియా పోస్టులు, రియాలిటీ షోలలో గెస్ట్ అప్పీరెన్స్, ప్రైవేట్ ఈవెంట్లు మరియు పాడ్‌కాస్ట్‌ల ద్వారా నెలకు లక్షల్లో ఆర్జిస్తున్నారు. కార్ల విషయంలోనూ ఆమెకు చాలా ఇష్టం ఉంది. ఆమె గ్యారేజీలో ఆడి క్యూ7, పోర్షే కేయెన్, టయోటా ఫార్చ్యూనర్ మరియు వోక్స్‌వ్యాగన్ బీటిల్ వంటి ఖరీదైన లగ్జరీ కార్లు కొలువై ఉన్నాయి. ఈ కార్ల కలెక్షనే ఆమె రాయల్ లైఫ్ స్టైల్‌కు నిదర్శనం.

Bipasha Basu

కుటుంబంతో సరదాగా.. వ్యక్తిగత జీవితం ప్రస్తుతం 47వ పడిలో ఉన్న ఈ సుందరి, తన భర్త కరణ్ సింగ్ గ్రోవర్ మరియు కుమార్తె దేవితో కలిసి ప్రశాంతమైన జీవితాన్ని గడుపుతున్నారు. సోషల్ మీడియాలో ఆమె షేర్ చేసే ఫోటోలు చూస్తుంటే, సినిమాల కంటే కుటుంబానికే ఆమె ఎక్కువ ప్రాధాన్యత ఇస్తున్నారని స్పష్టమవుతోంది. షూటింగ్‌లు, క్యారవాన్ల గోల లేకుండా అప్పుడప్పుడు వెకేషన్లకు వెళ్తూ ఆ క్షణాలను ఆస్వాదిస్తున్నారు.

నటనకు దూరమైనా, తన బ్రాండ్ వాల్యూను పడిపోకుండా కాపాడుకోవడంలో ఆమె మిగతా హీరోయిన్లకు ఆదర్శంగా నిలుస్తున్నారు. మోడలింగ్ రంగం నుంచి వచ్చి ‘అజ్నబీ’, ‘రాజ్’, ‘జిస్మ్’, ‘నో ఎంట్రీ’ వంటి ఎన్నో హిట్ చిత్రాలను తన ఖాతాలో వేసుకున్న బిపాసా బసు, సినిమాల్లో లేకపోయినా ఒక స్టార్‌గా తన ఇమేజ్‌ను కొనసాగిస్తున్నారు. ఆమె ఆర్థిక ప్రణాళికలు మరియు బిజినెస్ మెయిండ్ చూసి నెటిజన్లు ఫిదా అవుతున్నారు.