Sandeep Reddy: పుష్ప సినిమాను వీక్షించిన అర్జున్ రెడ్డి డైరెక్టర్.. బన్నీ గురించి ట్విట్టర్‌లో ఏం చెప్పారంటే..

ఐకాన్‌ స్టార్‌ అల్లు అర్జున్‌ హీరోగా నటించిన తాజా చిత్రం 'పుష్ప'. రష్మిక మందన హీరోయిన్‌గా నటించింది. ఎర్రచందనం స్మగ్లింగ్‌ నేపథ్యంలో క్రియేటివ్‌ డైరెక్టర్‌ సుకుమార్‌

Basha Shek |

Updated on: Dec 21, 2021 | 9:55 PM

ఐకాన్‌ స్టార్‌ అల్లు అర్జున్‌ హీరోగా నటించిన తాజా చిత్రం ‘పుష్ప’. రష్మిక మందన హీరోయిన్‌గా నటించింది. ఎర్రచందనం స్మగ్లింగ్‌ నేపథ్యంలో క్రియేటివ్‌ డైరెక్టర్‌ సుకుమార్‌ ఈ చిత్రాన్ని తెరకెక్కించారు. అనసూయ, మంగళం శ్రీను, ఫాహద్‌ ఫాజిల్‌ తదితరులు కీలక పాత్రల్లో నటించారు. ఇటీవల ప్రేక్షకులకు ముందుకు వచ్చిన ఈ చిత్రం కలెక్షన్ల వర్షం కురిపిస్తోంది. మూడు రోజుల్లోనే రూ.173 కోట్ల గ్రాస్‌ కలెక్ట్‌ చేసి కరోనా రెండో ఉద్ధృతి తర్వాత అత్యధిక కలెక్షన్లను రాబట్టిన చిత్రంగా రికార్డుల కెక్కింది. ఇక సినిమాలో బన్నీ అద్భుత నటనకు అందరూ ఫిదా అవుతున్నారు. విజయ్‌ దేవర్‌కొండ, నితిన్‌ లాంటి ప్రముఖులు సినిమాను వీక్షించి బన్నీ ‘వన్‌ మెన్‌ షో’ అంటూ ట్విట్టర్‌లో తమ అభిప్రాయాలను పంచుకున్నారు. తాజాగా ‘అర్జున్‌రెడ్డి’ ఫేం సందీప్‌ రెడ్డి వంగా ‘పుష్ప’ సినిమాను వీక్షించారు. అనంతరం తన అభిప్రాయాలను ట్విట్టర్‌లో షేర్‌ చేశారు.

సోనిక్‌ మిస్సైల్‌ కన్నా తక్కువేమీ కాదు.. ‘సినిమాలో అల్లు అర్జున్‌ పెర్ఫార్మెన్స్ హైపర్ సోనిక్ మిస్సైల్ కన్నా తక్కువేమీ కాదు. అందరూ ‘పుష్ప’ సినిమాను చూసి బన్నీ నటనకు స్డాండింగ్ ఒవేషన్ ఇవ్వండి. అతడింకా ఇలాంటి ఎన్నో ఒవేషన్లు అందుకోవడానికి అర్హుడు. బన్నీ కెరీర్‌లోనే ఇది అత్యుత్తమ ప్రదర్శన. సుకుమార్‌ సార్‌..మాస్టర్‌ పీస్‌ లాంటి సినిమాను తెరకెక్కించారు. దేవీ గారు మీ పాటలు, బీజీఎం సూపర్బ్‌. రష్మిక గ్రేట్‌ వర్క్‌. చిత్రబృందానికి మొత్తం శుభాకాంక్షలు ‘ అంటూ వరుసగా ట్వీట్ల పెట్టాడు సందీప్‌ వంగా. కాగా ‘అర్జున్‌ రెడ్డి’ ని హిందీలో ‘కబీర్‌ సింగ్’గా తీసి మరో హిట్‌ అందుకున్నాడీ యంగ్‌ డైరెక్టర్‌. ప్రస్తుతం రెబల్‌ స్టార్‌ ప్రభాస్ తో ‘స్పిరిట్’ అనే పాన్ ఇండియా మూవీని తెరకెక్కిస్తున్నారు. త్వరలోనే ఈ మూవీ షూటింగ్‌ పట్టాలెక్కనుంది.