హీరోగా మారుతున్న యాంకర్ ప్రదీప్

మరో యాంకర్ హీరోగా మారిపోతున్నాడు. బుల్లితెరపై పలు షోలకు వ్యాఖ్యతగా పనిచేస్తూ అందరినీ మెప్పిస్తోన్న ప్రదీప్ మాచిరాజు హీరోగా నటించనున్నాడట. సుకుమార్ దగ్గర దర్శకత్వ శాఖలో పనిచేసిన మున్నా అనే అసిస్టెంట్ ఈ మూవీ ద్వారా డైరక్టర్‌గా పరిచయం అవ్వబోతున్నారట. 1947నాటి కథతో తెరకెక్కతోన్న ఈ సినిమాను అనూప్ సంగీతం అందించనున్నట్లు తెలుస్తోంది. ప్రస్తుతం చిత్రీకరణ దశలో ఉన్న ఈ సినిమాపై త్వరలోనే అధికారిక ప్రకటన రానుంది. కాగా ‘జులాయి’, ‘అత్తారింటికి దారేది’ వంటి చిత్రాల్లో ప్రదీప్ చిన్న చిన్న పాత్రలలో కనిపించిన విషయం తెలిసిందే.