kajal aggarwal: భయపెట్టేందుకు సిద్ధమైన అందాల చందమామ.. ఆ హార్రర్‌ సీక్వెల్‌లో కాజల్.?
పండంటి మగ బిడ్డకు జన్మనిచ్చిన తర్వాత కొన్ని రోజుల పాటు సినిమాలకు దూరంగా ఉంటూ వస్తోన్న కాజల్ మళ్లీ సినిమాలతో బిజీగా మారుతోంది. అందులో భాగంగానే వర్కవుట్స్‌తో మళ్లీ ఫిట్‌నెస్‌ను పెంచుకునే పనిలో పడిందీ బ్యూటీ. ఈ క్రమంలోనే కాజల్ ప్రస్తుతం ఇండియన్‌ 2 సినిమాలో నటిస్తోన్న...
పండంటి మగ బిడ్డకు జన్మనిచ్చిన తర్వాత కొన్ని రోజుల పాటు సినిమాలకు దూరంగా ఉంటూ వస్తోన్న కాజల్ మళ్లీ సినిమాలతో బిజీగా మారుతోంది. అందులో భాగంగానే వర్కవుట్స్‌తో మళ్లీ ఫిట్‌నెస్‌ను పెంచుకునే పనిలో పడిందీ బ్యూటీ. ఈ క్రమంలోనే కాజల్ ప్రస్తుతం ఇండియన్‌ 2 సినిమాలో నటిస్తోన్న విషయం తెలిసిందే. నిజానికి కాజల్ ఆచార్య చిత్రంలో కనిపించాల్సి ఉండగా, తల్లి కాబోతున్న వార్త తెలియడంతో సినిమా నుంచి మధ్యలోనే తప్పుకుంది. దీంతో కాజల్ పాత్రను పూర్తిగా తొలగించడంతో పాటు అసలు హీరోయిన్ క్యారెక్టర్‌ను తొలగించారు.
ఇక తన కెరీర్‌ను మళ్లీ రీస్టార్‌ చేస్తున్న కాజల్‌కు ఇప్పుడు కూడా ఆఫర్లు క్యూకడుతున్నట్లు తెలుస్తోంది. ఇప్పటికే కాజల్ కొత్తగా ఓ సినిమాకు గ్రీన్‌ సిగ్నల్‌ ఇచ్చిందని సమాచారం. 2005లో పి. వాసు దర్శత్వంలో వచ్చిన చంద్రముఖి చిత్రానికి సీక్వెల్‌ తెరకెక్కుతోన్న విషయం తెలిసిందే. ఈ సినిమాలో హీరోయిన్‌గా కాజల్‌ను తీసుకోవడానికి చిత్రయూనిట్‌ మొగ్గు చూపినట్లు సమచారం. కాజల్ ఇప్పటికే ఈ సినిమా కోసం సంతకం కూడా చేసిటన్లు తెలుస్తోంది. ఈ విషయమై త్వరలోనే చిత్ర యూనిట్ నుంచి అధికారిక ప్రకటన రానుంది.
ఇదిలా ఉంటే చంద్రముఖి సీక్వెల్‌లో లారెన్స్‌ హీరోగా నటించనున్న విషయం తెలిసిందే. గతకొన్ని రోజుల క్రితమే చిత్ర యూనిట్ ఈ విషయాన్ని అధికారికంగా ప్రకటించింది. ఈ సీక్వెల్‌కు కూడా పి. వాసు దర్శకత్వం వహిస్తున్నారు. ఇప్పటికే ఈ సినిమా షూటింగ్ ప్రారంభంకాగా, త్వరలోనే కాజల్ షూటింగ్‌లో పాల్గొననుందని తెలుస్తోంది. మరి ఈ వార్తలో ఎంత వరకు నిజం ఉందో తెలియాలంటే అధికారిక ప్రకటన వచ్చే వరకు వేచి చూడాల్సిందే.
మరిన్ని సినిమా వార్తల కోసం క్లిక్ చేయండి..
