Pooja Hegde: ఇద్దరు బాడీగార్డ్స్ మధ్య బుట్టబొమ్మ బర్త్ డే సెలబ్రెషన్స్.. సంతోషంలో తేలిపోయిన పూజా హెగ్డే..

ప్రస్తుతం పూజా హెగ్డే తెలుగులో సూపర్ స్టార్ మహేష్ బాబు.. డైరెక్టర్ త్రివిక్రమ్ కాంబోలో రాబోతున్న ఎస్ఎస్ఎంబీ 28 చిత్రంలో నటిస్తోంది. ఈ సినిమా వచ్చే ఏడాది వేసవిలో ప్రేక్షకుల ముందుకు రానుంది. ఇవే కాకుండా తెలుగుతోపాటు..తమిళంలోనూ అవకాశాలు అందుకుంటున్నట్లు తెలుస్తోంది.

Pooja Hegde, Salman Khan, V

Rajitha Chanti |

Updated on: Oct 14, 2022 | 8:00 AM

టాలీవుడ్ బుట్టబొమ్మ పూజా హెగ్డే తెలుగు, హిందీలో వరుస చిత్రాలతో ఫుల్ బిజీ షెడ్యూల్ గడిపేస్తుంది. ప్రస్తుతం ఈ అమ్మడు బాలీవుడ్ స్టార్ సల్మాన్ ఖాన్ సరసన కిసీ కా భాయ్ కిసీ కి జాన్ చిత్రంలో నటిస్తోన్న సంగతి తెలిసిందే. ఇది పూజా కెరీర్‏లో అతి పెద్ద చిత్రాలలో ఒకటి కావడం విశేషం. ఈ సినిమాలో విక్టరీ వెంకటేష్ ఓ కీలకపాత్రలో నటిస్తున్నారు. ప్రస్తుతం ఈ మూవీ షూటింగ్ శరవేగంగ జరుగుతుంది. అయితే అక్టోబర్ 13న పూజా హెగ్డే బర్త్ డే. ఈ సినిమా సెట్‏లో ఆమె పుట్టినరోజు వేడుకలను వెంకీ.. సల్మాన్ గ్రాండ్‏గా సెలబ్రెట్ చేశారు. దగ్గరుండి మరీ పూజతో కేక్ కట్ చేయించి శుభాంక్షలు తెలిపారు. ఇందుకు సంబంధించిన ఫోటోను తన ట్విట్టర్ ఖాతాలో షేర్ చేస్తూ పూజాకు విషెష్ తెలిపాడు సల్మాన్.

యాక్షన్, కామెడీ నేపథ్యంలో రాబోతున్న కిసీ కా భాయ్ కిసీ కీ జాన్ చిత్రంలో సల్మాన్ రెండు విభిన్నమైన పాత్రలలో కనిపించనున్నట్లు తెలిస్తోంది. ఈ సినిమాకు ఫర్హాద్ సామ్జీ దర్శకత్వం వహిస్తున్నారు. ఇందులో వెంకీ మాత్రమే కాకుండా షెహనాజ్ గిల్, రాఘవ్ జుయల్, జాస్సీ గిల్, జగపతి బాబు కీలకపాత్రలలో నటిస్తున్నారు. ఈ చిత్రానికి దేవీ శ్రీ ప్రసాద్, హనీ సింగ్ సంగీతం అందిస్తున్నారు. ప్రస్తుతం శరవేగంగా షూటింగ్ జరుపుకుంటున్న ఈ మూవీ డిసెంబర్ 30న ప్రేక్షకుల ముందుకు రాబోతుంది. తమిళ్ స్టార్ అజిత్ కుమార్ నటించిన వీరంకి చిత్రానికి రీమేక్‏గా తెరకెక్కిస్తున్నారు.

ఇవే కాకుండా ప్రస్తుతం పూజా హెగ్డే తెలుగులో సూపర్ స్టార్ మహేష్ బాబు.. డైరెక్టర్ త్రివిక్రమ్ కాంబోలో రాబోతున్న ఎస్ఎస్ఎంబీ 28 చిత్రంలో నటిస్తోంది. ఈ సినిమా వచ్చే ఏడాది వేసవిలో ప్రేక్షకుల ముందుకు రానుంది. ఇవే కాకుండా తెలుగుతోపాటు..తమిళంలోనూ అవకాశాలు అందుకుంటున్నట్లు తెలుస్తోంది.