AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

ఆ అలవాటే నాశనం చేసింది.. పెద్ద స్థాయిలో ఉండాల్సిన వాడు.. చివరికి అంత్యక్రియలకు కూడా డబ్బుల్లేక రిక్షాలో తీసుకెళ్లారు

ప్రఖ్యాత నటుడు తిరుపతి ప్రకాష్ గురించి ప్రత్యేకంగా పరిచయం చేయాల్సిన అవసరం లేదు.. ఎన్నో సూపర్ హిట్ సినిమాల్లో చిన్న చిన్న పాత్రలతో మెప్పించాడు అంతే కాదు జబర్దస్త్ లాంటి కామెడీ షోలో స్కిట్స్ చేసి నవ్వులు పూయించాడు. తన సినీ ప్రస్థానంలో ఎన్నో సినిమాలలో నటించి ప్రేక్షకులను అలరించిన ఆయన ఆతర్వాత అవకాశాలు తగ్గడంతో ఒక కొత్త మార్గాన్ని ఎంచుకున్నారు.

ఆ అలవాటే నాశనం చేసింది.. పెద్ద స్థాయిలో ఉండాల్సిన వాడు.. చివరికి అంత్యక్రియలకు కూడా డబ్బుల్లేక రిక్షాలో  తీసుకెళ్లారు
Tirupati Prakash
Rajeev Rayala
|

Updated on: Nov 21, 2026 | 10:41 AM

Share

ఓ ఇంటర్వ్యూలో ప్రముఖ హాస్యనటుడు తిరుపతి ప్రకాష్ తన సినీ ప్రస్థానం, కుటుంబం గురించి పంచుకున్న అనుభవాలు, దివంగత నటుడు ఐరన్ లెగ్ శాస్త్రి గారి గురించి మాట్లాడినప్పుడు తీవ్ర భావోద్వేగానికి గురయ్యారు. తిరుపతి ప్రకాష్ తన పాత సినిమా ఫోటోలను చూస్తూ చిరంజీవి, శ్రీకాంత్, వెంకటేష్, రవితేజ, కోట శ్రీనివాసరావు వంటి ప్రముఖులతో తన అనుబంధాన్ని గుర్తు చేసుకున్నారు. తన భార్య, కూతుళ్లు, కొడుకు గురించి ప్రేమగా మాట్లాడిన ఆయన, తన కూతురు నీట్‌లో సీటు సాధించి మెడిసిన్ చదువుతుందని ఆనందంగా వెల్లడించారు. అయితే, సంభాషణ ఐరన్ లెగ్ శాస్త్రి గారి ప్రస్తావనకు రాగానే తిరుపతి ప్రకాష్ గొంతులో విషాదం చోటు చేసుకుంది. శాస్త్రిని ఒక లెజెండ్గా అభివర్ణించిన ప్రకాష్, ఆయన విలన్‌గా, కమెడియన్‌గా, క్యారెక్టర్ ఆర్టిస్ట్‌గా ఏ పాత్రలోనైనా ఒదిగిపోయి పాదరసంలా ఉండేవాడని కొనియాడారు. అలీబాబా అరడజన్ దొంగలు వంటి చిత్రాలలో శాస్త్రి గారితో కలిసి నటించిన రోజులను ఆయన గుర్తు చేసుకున్నారు. ముఖ్యంగా “ముద్దిమ్మంది ఓ చామంతి” పాట చిత్రీకరణ సమయంలో బీచ్‌లో ఆడ వేషంలో తాను పడిన కష్టాలు, శాస్త్రి గారితో కలిసి ఇసుకలో దొర్లించిన తీరును వివరించారు.

శాస్త్రికి వచ్చిన ఐరన్ లెగ్ అనే పేరు ఆయనకు గుర్తింపును తెచ్చిపెట్టినా, వ్యక్తిగత జీవితంలో అనేక ఇబ్బందులకు గురిచేసిందని తిరుపతి ప్రకాష్ చెప్పారు. ఈ బిరుదు వల్ల శాస్త్రి పాపం చాలా బాధపడ్డారని, దీనికి తన ఆరోగ్య పరిస్థితికి ఎటువంటి సంబంధం లేదని స్పష్టం చేశారు. అతిగా తినడం, మద్యపానానికి బానిస కావడం వల్ల ఆయన ఆరోగ్యం క్షీణించిందని ప్రకాష్ వివరించారు. శాస్త్రికి ఈ అలవాటును సినీ పరిశ్రమలోని కొందరు వ్యక్తులే బలవంతంగా నేర్పించారని ఆవేదన వ్యక్తం చేశారు. శాస్త్రి గారి ప్రతిభ బ్రహ్మానందం గారి స్థాయిదని, ఆయన కరెక్ట్‌గా వాడుకుని ఉంటే ఈపాటికి ఆ స్థాయిలో ఉండేవాడని తిరుపతి ప్రకాష్ అభిప్రాయపడ్డారు. కానీ, చివరి రోజుల్లో శాస్త్రి ఆర్థికంగా చాలా ఇబ్బందులు ఎదుర్కొన్నారని, ఆయన మరణించినప్పుడు అంత్యక్రియలకు కూడా డబ్బుల్లేక రిక్షాలో తీసుకెళ్లారని తెలిసిందని ప్రకాష్ ఆవేదన చెందారు.

యూసఫ్‌గూడ ప్రాంతంలో శాస్త్రి గారికి ఒకసారి 2000 రూపాయలు, మరోసారి 1000 రూపాయలు ఇచ్చి తాను కూడా ఆదుకున్నానని ప్రకాష్ గుర్తు చేసుకున్నారు. సినిమా జీవితం అశాశ్వతమని, ప్రత్యామ్నాయ వ్యాపారాలు లేదా ఆదాయ మార్గాలు చూసుకోవాల్సిన అవసరాన్ని తిరుపతి ప్రకాష్ నొక్కి చెప్పారు. “మన గుర్రం పరిగెత్తినన్ని రోజులు పరిగెడుతుంది. వెనకబడినప్పటికీ మనకి రెండో గుర్రం వెనక రెడీగా ఉండాలి,” అని ఉదాహరణగా చెప్పారు. జీవితం ఒక పేకాట లాంటిదని, చేతిలో కార్డులు ఉన్నన్ని రోజులు బ్రహ్మాండంగా ఉంటుందని, ఒక్కసారి డౌన్‌ఫాల్ స్టార్ట్ అయితే అంతేనని, రేసులో గుర్రం వెనకబడితే గెలుపు కష్టమేనని ఆయన లోతైన సందేశం ఇచ్చారు.

ఇవి కూడా చదవండి

మరిన్ని సినిమా వార్తల కోసం ఇక్కడ క్లిక్ చేయండి

Follow Us