సినిమాల్లో హీరోయిన్ కావాలనుకుంది.. కట్ చేస్తే.. విలన్ అయ్యింది..

Rajitha Chanti

Pic credit - Instagram

20 November 2026

వెండితెరపై కథానాయికగా ఎదగాలనే ఆశతో ఎంతోమంది యువతులు సినీ పరిశ్రమలోకి అడుగుపెడుతుంటారు. కానీ అందరికీ ఆరంభంలోనే అనుకున్న అవకాశాలు దక్కవు.

అలా సినిమాల్లో హీరోయిన్ కావాలనుకుని, ఆ తర్వాత బుల్లితెరపై విభిన్నమైన పాత్రతో ప్రేక్షకుల దృష్టిని ఆకర్షించిన నటీమణులలో గాయత్రి సింహాద్రి ఒకరు. 

ప్రస్తుతం 'కార్తీక దీపం 2' సీరియల్‌లో ఆమె పోషిస్తున్న నెగిటివ్ షేడ్స్ ఉన్న పాత్ర ప్రేక్షకుల్లో మంచి గుర్తింపు తెచ్చింది. విజయవాడ నుంచి బుల్లితెర వరకు ప్రస్థానం

విజయవాడకు చెందిన ఈ తెలుగమ్మాయి, సినిమాలపై ఆసక్తితో ఇండస్ట్రీలోకి వచ్చారు. తొలుత 'మ్యాడ్' చిత్రంలో చిన్న పాత్ర ద్వారా తెరపై కనిపించారు.

అయితే వెండితెరపై ఆశించిన స్థాయిలో వరుస అవకాశాలు రాకపోవడంతో, టెలివిజన్ రంగం వైపు దృష్టి సారించి విలన్ పాత్రతో తనదైన ముద్ర వేసింది.

బుల్లితెరపై అత్యధిక టీఆర్పీ రేటింగ్‌తో దూసుకుపోతున్న 'కార్తీక దీపం 2' ధారావాహికలో గాయత్రి సింహాద్రి 'జ్యోత్స్న' పాత్రలో కనిపిస్తున్నారు.

ఒకవైపు సీరియల్‌లో విలన్ పాత్రలో మెప్పిస్తూనే, మరోవైపు తన గ్లామర్, లుక్స్‌తో సోషల్ మీడియాలోనూ తరచూ వార్తల్లో నిలుస్తున్నారు.

సినిమాల్లో హీరోయిన్‌గా రాణించాలనే కల నెరవేరకపోయినా, బుల్లితెరపై విభిన్న పాత్రతో తనకంటూ ప్రత్యేకమైన ఫ్యాన్ బేస్ ఏర్పరచుకోవడం మలుపుగా నిలిచింది.