AP: పోలీస్ స్టేషన్లో సీజ్ చేసిన 2 బైక్స్ మిస్సింగ్.. విచారణ చేసిన పోలీసులకు దిమ్మతిరిగే షాక్
ఈ మధ్య నేరగాల్లు రూట్ మార్చారు. టెక్నాలజీ పెరగడంతో.. వారు కూడా దొరక్కుండా ఉండేందుకు కొత్త రూట్లు ఎన్నుకుంటారు.
ఈ మధ్య నేరగాల్లు రూట్ మార్చారు. టెక్నాలజీ పెరగడంతో.. వారు కూడా దొరక్కుండా ఉండేందుకు కొత్త రూట్లు ఎన్నుకుంటారు. వినూత్న పంథాలో క్రైమ్స్ చేస్తూ పోలీసులకు షాక్ ఇస్తున్నాడు. తాజాగా నెల్లూరు జిల్లా కావలి పోలీసులకు ఓ కన్నింగ్ కిలాడీ దొంగ పట్టుబడ్డాడు. వివరాల్లోకి వెళ్తే.. కావలి వన్ టౌన్ పోలీస్ స్టేషన్లో రెండు బైకులు చోరికి గురయ్యాయి. విషయం తెలుసుకున్న పోలీసులు విచారణ చేపట్టగా.. నివ్వెరపోయే నిజాలు వెలుగుచూశాయి. ఈ దొంగతనం చేసింది.. లాయర్ కోటు వేసుకున్న దొంగ.
గతంలో పాత నేరస్థుడైన రమణి రాజేంద్ర కుమార్ (31) వ్యక్తి ట్రాక్ మార్చాడు. నెల్లూరులోని జవాహర్ రెడ్డి కాలనీలో నకిలీ లాయర్గా అవతారమెత్తాడు. పలువురు సీనియర్ లాయర్ల దగ్గర పనిచేస్తూ.. పోలీస్ స్టేషన్కు వస్తూ.. పోతూ ఉండేవాడు. ఈ క్రమంలోనే.. పోలీస్ స్టేషన్లోని బైక్స్‌పై అతని కన్ను పడింది. ఎంత అనుభవం ఉందో తెలియదు కానీ… స్టేషన్లోని బైక్స్‌ని పోలీసులకు తెలియకుండా చోరీ చేశాడు. గతంలో సీజ్ చేసి స్టేషన్లో పెట్టిన TS 08 FW 3605 టీవీఎస్ జూపిటర్, AP 26 AT 7927 యమహా బైక్లను దొంగలించాడు.
కేసు నమోదు చేసిన పోలీసులు.. లోతైన దర్యాప్తు చేపట్టి రాజేంద్ర కుమార్ను అదుపులోకి తీసుకున్నారు. అతని వద్ద నుండి రూ. 1.40 లక్షల విలువైన రెండు బైకులను స్వాధీనం చేసుకుని.. రిమాండ్కు తరలించారు.
