Hyderabad: పీఎఫ్ పేరుతో మోసం.. రూ.9లక్షలు కాజేసిన కేటుగాళ్లు
ప్రభుత్వ రిటైర్డ్ మహిళా ఉద్యోగిని పీఎఫ్ పేరుతో సైబర్ నేరగాళ్లు ట్రాప్ చేసి మోసగించారు. ప్రావిడెంట్ ఫండ్‌(పీఎఫ్) ఆఫీసు నుంచి ఫోన్ చేస్తున్నట్లుగా నమ్మించిన కేటుగాళ్లు.. వ్యక్తిగత వివరాలు సేకరించి డబ్బులు కాజేశారు.
Updated on: Aug 08, 2021 | 4:04 AM
Cyber Crime: ప్రభుత్వ రిటైర్డ్ మహిళా ఉద్యోగిని పీఎఫ్ పేరుతో సైబర్ నేరగాళ్లు ట్రాప్ చేసి మోసగించారు. ప్రావిడెంట్ ఫండ్‌(పీఎఫ్) ఆఫీసు నుంచి ఫోన్ చేస్తున్నట్లుగా నమ్మించిన కేటుగాళ్లు.. వ్యక్తిగత వివరాలు సేకరించి డబ్బులు కాజేవారు. పూర్తి వివరాల్లోకి వెళితే.. ఈ సంఘటన హైదరాబాద్‌లోనే జరిగింది. ఎన్ని కొత్త చట్టాలు తీసుకొచ్చినా. సైబర్ ఆగడాలకు మాత్రం అడ్డుకట్టవేయలేకపోతున్నారు. రోజుకో రకంగా ప్రజలను మోసగిస్తూ డబ్బులు కాజేస్తున్నారు. గాంధీనగర్‌కు చెందిన ఓ ప్రభుత్వ రిటైర్డ మహిళా ఉద్యోగిని పీఎప్ పేరుతో సైబర్ నేరగాళ్లు ట్రాప్ చేశారు. పీఎఫ్ కార్యాలయం నుంచి ఫోన్ చేస్తున్నట్లుగా నమ్మించారు. ఆమె పూర్తిగా నమ్మడంతో ఆ సైబర్ కేటుగాళ్ల పని సులవైంది.
మీకు రావాల్సిన పీఎఫ్ డబ్బులు బ్యాంకు ఖాతాలో జమ చేస్తామంటూ నమ్మించారు. డబ్బు జమచేయాలంటే ట్యాక్స్‌ ముందుగానే ఆన్‌లైన్‌ ద్వారా చెల్లించాలంటూ నమ్మబలికారు. దానికోసం వ్యక్తిగత బ్యాంక్‌ డెబిట్‌ కార్డు, సీవీవీ నంబర్లు తీసుకున్నారు. టాక్స్ కడుతున్నామంటూ చెప్పి ఫోన్‌కి వచ్చిన ఓటీపీ నెంబర్లు కూడా సేకరించారు. ఇలా నాలుగు విడతలుగా మొత్తం రూ.9లక్షలు దండుకున్నారు. ఆ తరువాత వారి నుంచి ఎటువంటి సమాచారం లేదు. సదరు మహిళ వారి నంబర్‌కు ఫోన్ చేయడంతో స్విచాఫ్‌ అని వస్తుండడంత మోసపోయానని గ్రహించింది. దీంతో హైదరాబాద్‌ సైబర్ క్రైమ్ పోలీసులను అశ్రయించి, ఫిర్యాదు చేసింది. బాధితురాలి ఫిర్యాదు మేరకు కేసు నమోదు చేసిన పోలీసలు రంగంలోకి దిగి దర్యాప్తు చేస్తున్నారు.
Also Read: కర్నూలు జిల్లాలో దారుణం.. స్థలం తక్కువుందని వృద్ధురాలి అంత్యక్రియలు అడ్డుకున్న వైనం..
