Coronavirus: కొవిడ్ బారిన పడిన ప్రముఖ సింగర్.. బెడ్ పై నుంచి లేవలేకపోతున్నానంటూ..

Kousalya Potturi: కరోనా (Covid 19) మహమ్మారి ఏ మాత్రం కనికరించడం లేదు. సామాన్యుల నుంచి సెలబ్రిటీల వరకూ అందరినీ తన బాధితులుగా మార్చుకుంటోంది. ఇప్పటికే ఎంతోమంది సినీ, రాజకీయ ప్రముఖులు ఈ వైరస్ బారిన పడి చికిత్స హోం ఐసోలేషన్ లో చికిత్స తీసుకుంటున్నారు.

Kausalya

Basha Shek |

Updated on: Jan 28, 2022 | 10:03 AM

Kousalya Potturi: కరోనా (Covid 19) మహమ్మారి ఏ మాత్రం కనికరించడం లేదు. సామాన్యుల నుంచి సెలబ్రిటీల వరకూ అందరినీ తన బాధితులుగా మార్చుకుంటోంది. ఇప్పటికే ఎంతోమంది సినీ, రాజకీయ ప్రముఖులు ఈ వైరస్ బారిన పడి చికిత్స హోం ఐసోలేషన్ లో చికిత్స తీసుకుంటున్నారు. తాజాగా ప్రముఖ సింగర్ కౌసల్య (Kousalya Potturi) కు కరోనా సోకింది. ఈ విషయాన్ని ఆమె సోషల్ మీడియా ద్వారా వెల్లడించారు. ‘నాకు కొవిడ్ పాజిటివ్ (Corona Positive) అని నిర్ధార‌ణ అయింది. ఈ మహమ్మారి ల‌క్ష‌ణాలు తీవ్రంగానే ఉన్నాయి. రెండు రోజుల నుంచి జ్వరంగా ఉంది. క‌నీసం బెడ్‌పై నుంచి కూడా లేవ‌లేక‌పోతున్నాను. ఇప్పుడు గొంతు నొప్పి మరింత ఇబ్బంది పెడుతోంది. నిన్న‌టి నుంచి మందులు తీసుకోవడం మొద‌లుపెట్టాను. త్వరలోనే ఈ వైరస్ ను ఓడించి మీ ముందుకు వస్తాను. ద‌య‌చేసి అంద‌రూ జాగ్ర‌త్త‌గా ఉండండి’ అని ఇన్ స్టాగ్రామ్ లో పోస్ట్ పెట్టారు కౌసల్య.

కాగా ఈ విష‌యం తెలుసుకున్న సినీ ప్రముఖులు, అభిమానులు ఆమె త్వ‌ర‌గా కోలుకోవాలంటూ ఆకాంక్షిస్తున్నారు. ‘టేక్ కేర్’ అంటూ కామెంట్లు పెడుతున్నారు. కాగా సినిమా పరిశ్రమను నీడలా వెంటాడుతోంది కరోనా. టాలీవుడ్, కోలీవుడ్, బాలీవుడ్, మాలీవుడ్.. ఇలా ఏ సినిమా పరిశ్రమ వారినీ వదిలిపెట్టడం లేదు. టాలీవుడ్ లో తాజాగా మెగాస్టార్ చిరంజీవి, శ్రీకాంత్, యానీ మాస్టర్ అంతకుముందు మంచు లక్ష్మి, మహేష్ బాబు, థమన్ తదితరులు ఈ వైరస్ బారిన పడ్డారు.