Omicron: ఈ దేశంలో ఒమిక్రాన్‌ జాతీయ ముప్పు కాదు.. ఎటువంటి ఆంక్షలు లేవు.. ఎందుకంటే..?

Omicron: సింగపూర్‌ ఒమిక్రాన్‌ని జాతీయ ముప్పుగా పరిగణించడం లేదు. ప్రపంచదేశాలలో ఒమిక్రాన్‌ని పట్టించుకోని ఏకైక మొదటి దేశం సింగపూర్.

Singapore

uppula Raju |

Updated on: Dec 29, 2021 | 2:44 PM

Omicron: సింగపూర్‌ ఒమిక్రాన్‌ని జాతీయ ముప్పుగా పరిగణించడం లేదు. ప్రపంచదేశాలలో ఒమిక్రాన్‌ని పట్టించుకోని ఏకైక మొదటి దేశం సింగపూర్. ఎందుకంటే ఇక్కడి జనాభాలో ఎక్కువ భాగం టీకాలు వేసుకున్నారు. ఆరోగ్య నిపుణులు నిర్వహించిన అధ్యయనంలో కొవిడ్‌, దాని కొత్త వేరియంట్లను ఎదుర్కొనేందుకు సింగపూర్‌ వ్యూహం రచిస్తోందని ‘ది స్ట్రెయిట్ టైమ్స్’ వార్తాపత్రిక పేర్కొంది. నేషనల్ యూనివర్శిటీ హాస్పిటల్ ఇన్ఫెక్షియస్ డిసీజెస్ ప్రొఫెసర్ డేల్ ఫిషర్ మాట్లాడుతూ.. ఓమిక్రాన్ వేగంగా విస్తురిస్తున్న అంటువ్యాధి. రోగనిరోధక శక్తి తక్కువగా ఉన్నందున కొన్ని దేశాల్లో రీ-హాస్పిటలైజేషన్ రోగుల సంఖ్య పెరుగుతోందని అన్నారు.

ఆఫ్రికా దేశాలపై విధించిన ప్రయాణ నిషేధాన్ని ఎత్తివేసింది సింగపూర్ ఇటీవల ఓమిక్రాన్ కారణంగా 10 ఆఫ్రికన్ దేశాలపై విధించిన ఆంక్షలను ఎత్తివేసింది. అయితే రాబోయే రోజుల్లో ఇన్ఫెక్షన్ కేసులు వేగంగా రెట్టింపు అవుతాయని అధికారులు భావిస్తున్నారు. గత 14 రోజుల్లో బోట్స్వానా, ఎస్వతిని, ఘనా, లెసోతో, మలావి, మొజాంబిక్, నమీబియా, నైజీరియా, దక్షిణాఫ్రికా, జింబాబ్వే మీదుగా సింగపూర్‌కు తిరిగి వచ్చే ప్రయాణికులను అనుమతిస్తారు.

రాత్రి 11:59 నుంచి దేశం ‘కేటగిరీ ఫోర్’ సరిహద్దు నుంచి బయలుదేరడానికి అనుమతిస్తారు. అయితే ఈ దేశాల నుంచి వచ్చే ప్రయాణీకులు సింగపూర్‌కు బయలుదేరే రెండు రోజుల ముందు PCR పరీక్ష చేయించుకోవాలి. వారు వచ్చిన తర్వాత కూడా వారికి PCR పరీక్ష చేస్తారు. వారు 10 రోజుల పాటు ఐసోలేషన్‌లో ఉండాల్సి ఉంటుంది. ఐసోలేషన్ పీరియడ్ పూర్తయిన తర్వాత మరోసారి పీసీఆర్ పరీక్ష నిర్వహిస్తారు.