India Coronavirus: కాస్త ఊరట.. దేశవ్యాప్తంగా తగ్గిన కరోనా కేసులు, మరణాలు..

India Covid-19 Updates: దేశంలో కరోనావైరస్ సెకండ్ వేవ్ విజృంభణ ఇప్పుడిప్పుడే తగ్గుముఖం పడుతోంది. ఈక్రమంలో కేసుల నుంచి కొంచెం ఉపశమనం

India Corona Updates

TV9 Telugu Digital Desk | Edited By: Shaik Madar Saheb

Updated on: Jul 11, 2021 | 10:03 AM

India Covid-19 Updates: దేశంలో కరోనావైరస్ సెకండ్ వేవ్ విజృంభణ ఇప్పుడిప్పుడే తగ్గుముఖం పడుతోంది. ఈక్రమంలో కేసుల నుంచి కొంచెం ఉపశమనం లభించిన్పటికీ పెరుగుతున్న కరోనా మరణాలు భయభ్రాంతులకు గురిచేస్తున్నాయి. శుక్రవారంతో పోల్చుకుంటే.. శనివారం కేసులు, మరణాలు కాస్త తగ్గాయి. కాగా.. దేశవ్యాప్తంగా నిన్న (శనివారం) కొత్తగా 41,506 కేసులు నమోదు కాగా.. ఈ వైరస్ కారణంగా 895 మంది మరణించారు. ఈ మేరకు కేంద్ర ఆరోగ్య శాఖ ఆదివారం ఉదయం హెల్త్ బులెటిన్‌ను విడుదల చేసింది. నిన్నటితో పోల్చుకుంటే కేసులు, మరణాలు కాస్త తగ్గాయి. యాక్టివ్ కేసుల రేటు 1.47 శాతం ఉండగా.. రికవరీ రేటు 97.20 శాతం, మరణాల రేటు 1.32 శాతం ఉంది. తాజాగా నమోదైన మరణాలతో.. మృతుల సంఖ్య 4,08,040 కి పెరిగింది. కరోనా కేసుల సంఖ్య 3,07,95,716కు చేరింది.

ఇదిలాఉంటే.. నిన్న ఈ మహమ్మారి నుంచి 41,526 బాధితులు కోలుకున్నారు. దీంతో దేశంలో ఇప్పటివరకూ కోలుకున్న వారి సంఖ్య 2,99,75,064 కి పెరిగింది. ప్రస్తుతం దేశవ్యాప్తంగా 4,54,118 యాక్టివ్ కేసులు ఉన్నాయి.

COVID19 | India reports 41,506 new cases, 895 deaths and 41,526 recoveries today, as per Union Health Ministry

Total active cases: 4,54,118 Total discharges: 2,99,75,064 Death toll: 4,08,040

Total Vaccination : 37,60,32,586 pic.twitter.com/Ccur2VhC4T

— ANI (@ANI) July 11, 2021

ఇదిలాఉంటే.. దేశవ్యాప్తంగా వ్యాక్సినేషన్ ప్రక్రియ కూడా వేగవంతంగా కొనసాగుతోంది. ఇప్పటివరకూ దేశ వ్యాప్తంగా మొత్తం 37,60,32,586 వ్యాక్సిన్ డోసులను లబ్ధిదారులకు అందించినట్లు కేంద్ర ఆరోగ్య శాఖ వెల్లడించింది.

కాగా.. దేశంలో నిన్న 18,43,500 శాంపిళ్లను పరీక్షించినట్లు ఐసీఎంఆర్ వెల్లడించింది. నిన్నటి వరకు మొత్తం 43,08,85,470 కరోనా పరీక్షలు నిర్వహించినట్లు ఐసీఎంఆర్ తెలిపింది.