TSLPRB APP Exam Date 2025: మరో వారంలో అసిస్టెంట్ పబ్లిక్ ప్రాసిక్యూటర్ రాత పరీక్ష.. రేపట్నుంచే అడ్మిట్ కార్డులు
TSLPRB APP Admist Card 2025 Download: తెలంగాణ ప్రాసిక్యూషన్ సర్వీస్లో అసిస్టెంట్ పబ్లిక్ ప్రాసిక్యూటర్స్ పోస్టులు భర్తీకి రాత పరీక్ష తేదీని తెలంగాణ రాష్ట్ర స్థాయి పోలీస్ రిక్రూట్మెంట్ బోర్డు (TSLPRB) తాజాగా విడుదల చేసింది. ఈ మేరకు పరీక్ష షెడ్యూల్ను విడుదల చేసింది. షెడ్యూల్ ప్రకారం అసిస్టెంట్ పబ్లిక్ ప్రాసిక్యూటర్ రాత పరీక్షను..
Updated on: Dec 05, 2025 | 10:48 AM
హైదరాబాద్, డిసెంబర్ 5: తెలంగాణ ప్రాసిక్యూషన్ సర్వీస్లో అసిస్టెంట్ పబ్లిక్ ప్రాసిక్యూటర్స్ పోస్టులు భర్తీకి రాత పరీక్ష తేదీని తెలంగాణ రాష్ట్ర స్థాయి పోలీస్ రిక్రూట్మెంట్ బోర్డు (TSLPRB) తాజాగా విడుదల చేసింది. ఈ మేరకు పరీక్ష షెడ్యూల్ను విడుదల చేసింది. షెడ్యూల్ ప్రకారం అసిస్టెంట్ పబ్లిక్ ప్రాసిక్యూటర్ రాత పరీక్షను డిసెంబర్ 14న నిర్వహించనున్నారు. ఈ మేరకు బోర్డు డైరెక్టర్ వీవీ శ్రీనివాసరావు గురువారం ఓ ప్రకటనలో తెలిపారు. ఈ పోస్టులకు దరఖాస్తు చేసకున్న దరఖాస్తుదారులు డిసెంబర్ 6నుంచి అంటే రేపట్నుంచి హాట్టికెట్లు డౌన్లోడ్ చేసుకోవచ్చని సూచించారు.
డిసెంబర్ 14న రాత పరీక్షను రెండు సెషన్లలో నిర్వహిస్తారు. పేపర్ 1 పరీక్ష ఉదయం 10 గంటల నుండి మధ్యాహ్నం 1 వరకు,పేపర్ 2 మధ్యాహ్నం 2.30 గంటల నుంచి సాయంత్రం 5.30 వరకు జరుగుతుంది. కాగా ఈ నోటిఫికేషన్ కింద మొత్తం 118 ఖాళీలను భర్తీ చేయనుంది. ఇందులో మల్టీ జోన్ 1కి 50 పోస్టులు, మల్టీ జోన్ 2కి 68 పోస్టులు రిజర్వు చేశారు.
తెలంగాణ నర్సింగ్ విద్యార్థులకు విదేశీ భాషల కోర్సులు
తెలంగాణ రాష్ట్రంలోని దాదాపు 1,700 మంది నర్సింగ్ విద్యార్థులకు ఇంగ్లిష్, ఫారిన్ లాంగ్వేజెస్ యూనివర్సిటీ (ఇఫ్లూ)లో జపాన్, జర్మనీ భాషల్లో ఆన్లైన్ తరగతులు ప్రారంభించారు. ఇప్పటి వరకు రాష్ట్రవ్యాప్తంగా మొత్తం 37 నర్సింగ్ కాలేజీలు, 6 నర్సింగ్ పాఠశాలల విద్యార్థులు విదేశీ భాషల కోర్సులను నేర్చుకోనున్నారు. 16 నెలల శిక్షణలో ఇంగ్లిష్తో పాటు జపనీస్ లేదా జర్మన్లో ఏదైనా ఒక భాషను నేర్పేలా ఇఫ్లూతో రాష్ట్ర వైద్య, ఆరోగ్య శాఖ ఒప్పందం చేసుకుంది.
మరిన్ని విద్యా, ఉద్యోగ కథనాల కోసం క్లిక్ చేయండి.
