Singareni Jobs: సింగరేణిలో 260 ఉద్యోగాలు.. నోటిఫికేషన్ పూర్తి వివరాలివే..
దరఖాస్తు హార్డ్‌కాపీలకు, అవసరమైన అన్ని డాక్యుమెంట్లు జతచేసి వారివారి విభాగాల అధిపతులకు మార్చి 16లోగా సమర్పించాల్సి ఉంటుంది. అభ్యర్థులకు..
నిరుద్యోగులకు శుభవార్త.. సింగరేణిలో ఉద్యోగాల భర్తీకి నోటిఫికేషన్ విడుదలయింది. ఈ నోటిఫికేషన్ ద్వారా 61 ఎగ్జిక్యూటివ్, 199 నాన్ ఎగ్జిక్యూటివ్ పోస్టులను భర్తీ చేయనున్నారు. అయితే ఇంటర్నర్ రిక్రూట్‌మెంట్ ద్వారా మాత్రమే ఈ ఉద్యోగాలను భర్తీ చేయనున్నారు. అంటే సంస్థలో ఇప్పటికే పనిచేస్తున్న అభ్యర్థులతోనే ఈ ఖాళీలను భర్తీ చేయనున్నారు. ఈ పోస్టుల భర్తీకి మార్చి 3 నుంచి 13లోగా ఆన్‌లైన్‌లో దరఖాస్తులు సమర్పించాలి. అలాగే దరఖాస్తు హార్డ్‌కాపీలకు, అవసరమైన అన్ని డాక్యుమెంట్లు జతచేసి వారివారి విభాగాల అధిపతులకు మార్చి 16లోగా సమర్పించాల్సి ఉంటుంది. అభ్యర్థులకు మెకానికల్/ ఎలక్ట్రికల్/ ఈఈఈ పూర్తి చేసి.. 3 ఏళ్ల అనుభవం ఉంటే అసిస్టెంట్ ఇంజనీర్ పోస్టులకు దరఖాస్తు చేసుకోవచ్చు.
అలాగే మిగిలిన పోస్టులకు పోస్టులను అనుసరించి సంబంధిత సబ్జెక్టులో బీటెక్ పూర్తి చేసి ఉండాలి. వీటికి ఎలాంటి వయోపరిమితి వర్తించదు. రాతపరీక్ష, అసెస్‌మెంట్ రిపోర్ట్ ఆధారంగా ఎంపికచేస్తారు. ఈ క్రమంలో రాతపరీక్షకు 85 మార్కులు, అసెస్‌మెంట్ రిపోర్టుకు 15 మార్కులు ఉంటుంది. వీటి ఆధారంగా తుది ఎంపిక ఉంటుంది. దరఖాస్తులను పంపించడానికి చివరి తేదీ ఎగ్జిక్యూటివ్ పోస్టులకు Director(PA & W), Kothagudem అడ్రస్ కు.. నాన్-ఎగ్జిక్యూటివ్ పోస్టులకు General Manager(Personnel) Welfare & RC, Kothagudem చిరునామాకు పంపించాల్సి ఉంటుంది.
సింగరేణిలో ఉద్యోగాలు (ఇంటర్నల్ రిక్రూట్‌మెంట్)
ఖాళీల సంఖ్య: 260
ఎగ్జిక్యూటివ్ పోస్టులు: 61
- అసిస్టెంట్ ఇంజినీర్ (ఈ &ఎం): 24
- అసిస్టెంట్ ఇంజినీర్ (సివిల్): 04
- వెల్ఫేర్ ఆఫీసర్ ట్రైనీ: 11
- ప్రోగ్రామర్ ట్రైనీ: 04
- జూనియర్ ఎగ్జిక్యూటివ్ (ఈ &ఎం): 14
- జూనియర్ ఎగ్జిక్యూటివ్ (సివిల్): 04
నాన్ ఎగ్జిక్యూటివ్ పోస్టులు: 199
- జూనియర్ కెమిస్ట్/ జూనియర్ టెక్నికల్ ఇన్‌స్పెక్టర్: 20
- ఫిట్టర్ ట్రైనీ: 114
- ఎలక్ట్రీషియన్ ట్రైనీ: 22
- వెల్డర్ ట్రైనీ: 43
ఎంపిక విధానం: రాతపరీక్ష, అసెస్‌మెంట్ రిపోర్ట్ ఆధారంగా ఎంపికచేస్తారు. రాతపరీక్షకు 85 మార్కులు, అసెస్‌మెంట్ రిపోర్టుకు 15 మార్కులు మదింపు ఉంటుంది. దీని ఆధారంగానే తుది ఎంపిక ఉంటుంది.
ముఖ్యమైన తేదీలు:
- ఆన్‌లైన్ దరఖాస్తు ప్రక్రియ ప్రారంభం: 03.03.2023.
- ఆన్‌లైన్ దరఖాస్తు చివరితేది: 13.03.2023.
- యూనిట్ స్థాయిలో దరఖాస్తు హార్డ్‌కాపీల సబ్మిట్‌ చేసేందుకు చివరితేది: 16.03.2023.
- జీఎం ఆఫీస్ ద్వారా దరఖాస్తు హార్డ్‌కాపీల సబ్మిట్‌కు చివరితేది: 20.03.2023.
- దరఖాస్తు హార్డ్‌కాపీలు కార్పొరేట్ ఆఫీసుకు చేరడానికి చివరితేది: 25.03.2023.
దరఖాస్తులు పంపాల్సిన అడ్రెస్:
- ఎగ్జిక్యూటివ్ పోస్టులకు: Director(PA & W), Kothagudem.
- నాన్-ఎగ్జిక్యూటివ్ పోస్టులకు: General Manager(Personnel) Welfare & RC, Kothagudem.
సింగరేణి ఉద్యోగాల నోటిఫికేషన్ కోసం క్లిక్‌ చేయండి.
మరిన్ని కెరీర్‌ సంబంధిత వార్తల కోసం ఇక్కడ క్లిక్‌ చేయండి.
