HPCL Jobs 2025: నెలకు రూ.లక్షకుపైగా జీతంతో.. హెచ్పీసీఎల్లో ఉద్యోగాలకు నోటిఫికేషన్! ఈ అర్హతలు ఉంటే సరి
హిందూస్థాన్ పెట్రోలియం కార్పొరేషన్ లిమిటెడ్ (HPCL) యేటా ఉద్యోగ నోటిఫికేషన్లు జారీ చేస్తుందన్న సంగతి తెలిసిందే. ఈ ఏడాది కూడా వివిధ విభాగాల్లో జూనియర్ ఎగ్జిక్యూటివ్ పోస్టుల కోసం అర్హులైన అభ్యర్ధుల నుంచి దరఖాస్తులు కోరుతూ నోటిఫికేషన్ విడుదల చేసింది. ఈ నోటిఫికేషన్ కింద జూనియర్ ఎగ్జిక్యూటివ్ పోస్టులను భర్తీ చేయనుంది..
Updated on: Apr 06, 2025 | 3:05 PM
హిందూస్థాన్ పెట్రోలియం కార్పొరేషన్ లిమిటెడ్ (HPCL).. వివిధ జూనియర్ ఎగ్జిక్యూటివ్ పోస్టుల కోసం అర్హులైన అభ్యర్ధుల నుంచి దరఖాస్తులు కోరుతూ నోటిఫికేషన్ విడుదల చేసింది. ఈ నోటిఫికేషన్ కింద మొత్తం 63 జూనియర్ ఎగ్జిక్యూటివ్ పోస్టులను భర్తీ చేయనున్నారు. ఆసక్తి కలిగిన వారు ఆన్లైన్ విధానంలో దరఖాస్తు చేసుకోవచ్చు.
పోస్టుల వివరాలు ఇలా..
- జూనియర్ ఎగ్జిక్యూటివ్ – మెకానికల్ విభాగంలో పోస్టుల సంఖ్య: 11
- జూనియర్ ఎగ్జిక్యూటివ్ – ఎలక్ట్రికల్ విభాగంలో పోస్టుల సంఖ్య: 17
- జూనియర్ ఎగ్జిక్యూటివ్ – ఇన్స్ట్రుమెంటేషన్ విభాగంలో పోస్టుల సంఖ్య: 6
- జూనియర్ ఎగ్జిక్యూటివ్ – కెమికల్ విభాగంలో పోస్టుల సంఖ్య: 1
- జూనియర్ ఎగ్జిక్యూటివ్ – ఫైర్ & సేఫ్టీ విభాగంలో పోస్టుల సంఖ్య: 28
ఈ పోస్టులకు దరఖాస్తు చేసుకునే అభ్యర్ధులు కనీసం 60 శాతం మార్కులతో మెకానికల్, ఎలక్ట్రికల్, ఇన్స్ట్రుమెంటేషన్, కెమికల్ లేదా ఫైర్ అండ్ సేఫ్టీ తదితర ఇంజినీరింగ్ విభాగాల్లో తప్పనిసరిగా 3 ఏళ్ల డిప్లొమా కలిగి ఉండాలి. అలాగే అభ్యర్ధుల వయోపరిమితి దరఖాస్తు చివరి తేదీ నాటికి 25 ఏళ్లకు మించకుండా ఉండాలి. ఇక ఎస్సీ, ఎస్టీ అభ్యర్థులకు 5 ఏళ్లు, ఓబీసీ ఎన్సీ వారికి 3 ఏళ్లు, పీడబ్ల్యూబీడీ అభ్యర్ధులకు 15 ఏళ్ల వరకు వయసులో సడలింపు ఉంటుంది. ఆసక్తి కలిగిన వారు ఏప్రిల్ 30, 2025వ తేదీలోపు ఆన్లైన్ విధానంలో దరఖాస్తు చేసుకోవచ్చు. దరఖాస్తు సమయంలో దరఖాస్తు ఫీజు కింద రూ.1180 చెల్లించవల్సి ఉంటుంది. ఎస్సీ/ ఎస్టీ/ పీడబ్ల్యూబీడీ అభ్యర్థులకు దరఖాస్తు ఫీజు చెల్లించవల్సిన అవసరం లేదు. కంప్యూటర్ ఆధారిత పరీక్ష (CBT), గ్రూప్ డిస్కషన్/టాస్క్, స్కిల్ టెస్ట్, పర్సనల్ ఇంటర్వ్యూ, మెడికల్ ఫిట్నెస్ ద్వారా ఎంపిక చేస్తారు. ఎంపికైన వారిక నెలకు రూ.30,000 నుంచి రూ.1,20,000 వరకు జీతంగా చెల్లిస్తారు.
నోటిఫికేషన్ కోసం ఇక్కడ క్లిక్ చేయండి.
మరిన్ని విద్యా, ఉద్యోగ వార్తల కోసం క్లిక్ చేయండి.
