ESIC Recruitment 2022: నెలకు రూ.లక్షన్నర జీతంతో ఎంప్లాయిస్ స్టేట్ ఇన్సూరెన్స్ కార్పొరేషన్లో ఉద్యోగాలు.. రాత పరీక్షలేకుండా..
న్యూఢిల్లీలోని ఎంప్లాయిస్ స్టేట్ ఇన్సూరెన్స్ కార్పొరేషన్ ఆసుపత్రిలో.. 36 సీనియర్ రెసిడెంట్, స్పెషలిస్టు పోస్టుల భర్తీకి అర్హులైన అభ్యర్ధుల నుంచి దరఖాస్తులు కోరుతూ నోటిఫికేషన్ విడుదల..
Updated on: Nov 27, 2022 | 6:01 PM
న్యూఢిల్లీలోని ఎంప్లాయిస్ స్టేట్ ఇన్సూరెన్స్ కార్పొరేషన్ ఆసుపత్రిలో.. 36 సీనియర్ రెసిడెంట్, స్పెషలిస్టు పోస్టుల భర్తీకి అర్హులైన అభ్యర్ధుల నుంచి దరఖాస్తులు కోరుతూ నోటిఫికేషన్ విడుదల చేసింది. అనెస్తీషియి అండ్ క్రిటికల్ కేర్, చెస్ట్, గైనకాలజీ, మెడిసిన్, ఆర్థోపెడిక్స్, పీడియాట్రిక్స్, పాథాలజీ, సర్జరీ విభాగాల్లో ఖాళీగా ఉన్న పోస్టులను ఈ నోటిఫికేషన్ ద్వారా భర్త చేయనున్నారు. ఈ పోస్టులకు దరఖాస్తు చేసుకునే అభ్యర్ధులు మెడికల్ కౌన్సిల్ ఆఫ్ ఇండియా గుర్తింపు పొందిన ఏదైనా యూనివర్సిటీ నుంచి ఎంబీబీఎస్తోపాటు సంబంధిత స్పెషలైజేషన్లో ఎండీ/ఎంఎస్/డీఎన్జీ/డిప్లొమా/డీఎమ్ పీజీ లేదా తత్సమాన కోర్సులో ఉత్తీర్ణత సాధించి ఉండాలి. అలాగే సంబంధిత విభాగంలో కనీసం రెండేళ్ల పని అనుభవం కూడా ఉండాలి. అభ్యర్ధుల వయసు డిసెంబర్ 7, 2022వ తేదీనాటికి 45 నుంచి 69 మధ్య ఉండాలి. రిజర్వేషన్ వర్గాలకు వయోపరిమితిలో సడలింపు ఉంటుంది.
ఆసక్తి కలిగిన అభ్యర్ధులు డిసెంబర్ 9, 2022వ తేదీన కింది అడ్రస్లో నిర్వహించే ఇంటర్వ్యూకి నేరుగా హాజరుకావచ్చు. ఇంటర్వ్యూ సమయంలో జనరల్ అభ్యర్ధులు రూ.300లు, ఎస్సీ/ఎస్టీ/ఎక్స్ సర్వీస్మెన్/మహిళా అభ్యర్ధులు రూ.75లు రిజిస్ట్రేషన్ ఫీజుగా చెల్లించవల్సి ఉంటుంది. ఇంటర్వ్యూ, అనుభవం ఆధారంగా తుది ఎంపిక ఉంటుంది. ఎంపికైన వారికి నెలకు రూ.67,000ల నుంచి రూ.1,52,241ల వరకు జీతంగా చెల్లిస్తారు. ఇతర సమాచారం అధికారిక నోటిఫికేషన్లో చెక్ చేసుకోవచ్చు.
పూర్తి సమాచారం కోసం క్లిక్ చేయండి.
మరిన్ని కెరీర్ సంబంధిత వార్తల కోసం ఇక్కడ క్లిక్ చేయండి.
