AP Gurukul Entrance Exam 2023: రేపే ఏపీ గురుకుల విద్యాలయాల్లో ప్రవేశాలకు ఎంట్రన్స్ టెస్ట్.. హాల్ టికెట్ల డౌన్లోడ్ ఇలా..
ఆంధ్రప్రదేశ్ సాంఘిక సంక్షేమ గురుకుల విద్యాలయాల సంస్థ ఆధ్వర్యంలోని గురుకుల పాఠశాలలు, జూనియర్, డిగ్రీ కళాశాలల్లో 2023-24 విద్యా సంవత్సరానికి ప్రవేశ పరీక్షలను (శనివారం) మే 20న నిర్వహించనున్నట్లు కార్యదర్శి నరసింహారావు ఓ ప్రకటనలో..
Updated on: May 19, 2023 | 7:40 PM
ఆంధ్రప్రదేశ్ సాంఘిక సంక్షేమ గురుకుల విద్యాలయాల సంస్థ ఆధ్వర్యంలోని గురుకుల పాఠశాలలు, జూనియర్, డిగ్రీ కళాశాలల్లో 2023-24 విద్యా సంవత్సరానికి ప్రవేశ పరీక్షలను (శనివారం) మే 20న నిర్వహించనున్నట్లు కార్యదర్శి నరసింహారావు ఓ ప్రకటనలో తెలిపారు. ఉదయం 10 గంటల నుంచి 12 గంటల వరకు 5,6,7,8 తరగతులకు, మధ్యాహ్నం 2.30 గంటల నుంచి సాయంత్రం 5 గంటల వరకు ఇంటర్, డిగ్రీ కళాశాలల విద్యార్ధులకు పరీక్షలు నిర్వహిస్తున్నట్లు వెల్లడించారు.
ఈ పరీక్షలకు సంబంధించిన హాల్టికెట్లు అధికారిక వెబ్సైట్ నుంచి డౌన్లోడ్ చేసుకోవచ్చని తెలిపారు. ఓఎమ్మార్ జవాబు పత్రం నింపేందుకు బ్లూ, బ్లాక్ బాల్ పాయింట్ పెన్నులు మాత్రమే ఉపయోగించాలని సూచించారు. ఈ ప్రవేశ పరీక్షల ద్వారా 5వ తరగతిలో అడ్మిషన్ కల్పిస్తారు. అలాగే 6, 7, 8, తరగతుల్లో మిగిలిపోయిన సీట్లలో ప్రవేశాలు కల్పించనున్నారు. వీరందరికీ ఆంధ్రప్రదేశ్ రాష్ట్ర వ్యాప్తంగా పలు పరీక్ష కేంద్రాల్లో రేపు ఏపీఆర్ఎస్ సెట్ – 2023, ఏపీ ఆర్జేసీ, డీసీ సెట్- 2023 ప్రవేశ పరీక్ష నిర్వహించేందుకు అన్ని ఏర్పాట్లు పూర్తి చేశారు. కాగా మైనారిటీ విద్యార్థులకు మాత్రం ఎటువంటి ప్రవేశ పరీక్ష లేకుండానే ప్రవేశాలు కల్పిస్తున్నారు.
మరిన్ని తాజా విద్యా, ఉద్యోగ సమాచారం కోసం క్లిక్ చేయండి.
