AIIMS Jobs 2023: రాయ్బరేలి-ఎయిమ్స్లో 176 సీనియర్ రెసిడెంట్ ఉద్యోగాలు.. ఎంపికైతే నెలకు రూ.67,700ల జీతం
కేంద్ర ప్రభుత్వ సంస్థ అయిన రాయ్బరేలిలోని ఆల్ ఇండియా ఇన్స్టిట్యూట్ ఆఫ్ మెడికల్ సైన్సెస్ (ఎయిమ్స్).. 176 సీనియర్ రెసిడెంట్ పోస్టుల భర్తీకి అర్హులైన అభ్యర్ధుల నుంచి దరఖాస్తులు కోరుతూ నోటిఫికేషన్ విడుదల..
కేంద్ర ప్రభుత్వ సంస్థ అయిన రాయ్బరేలిలోని ఆల్ ఇండియా ఇన్స్టిట్యూట్ ఆఫ్ మెడికల్ సైన్సెస్ (ఎయిమ్స్).. 176 సీనియర్ రెసిడెంట్ పోస్టుల భర్తీకి అర్హులైన అభ్యర్ధుల నుంచి దరఖాస్తులు కోరుతూ నోటిఫికేషన్ విడుదల చేసింది. బయోకెమిస్ట్రీ, డెర్మటాలజీ, ఫోరెన్సిక్ మెడిసిన్, ప్రసూతి & గైనకాలజీ, హాస్పిటల్ అడ్మినిస్ట్రేషన్, పాథాలజీ, సైకియాట్రీ, రేడియాలజీ, రేడియోథెరపీ, ట్రాన్స్ఫ్యూజన్ మెడిసిన్ తదితర విభాగాల్లో ఖాళీగా ఉన్న పోస్టులను ఈ నోటిఫికేషన్ ద్వారా భర్తీ చేయనున్నారు. ఈ పోస్టులకు దరఖాస్తు చేసుకునే అభ్యర్ధులు సంబంధిత స్పెషలైజేషన్లో ఎండీ/ ఎంఎస్/ డీఎన్బీ/ ఎంసీహెచ్/ డీఎం లేదా తత్సమాన కోర్సులో ఉత్తీర్ణత సాధించి ఉండాలి. అభ్యర్ధుల వయసు 45 ఏళ్లకు మించకుండా ఉండాలి.
ఈ అర్హతలున్న వారు ఆన్లైన్ విధానంలో జూన్ 7, 2023వ తేదీలోపు దరఖాస్తు చేసుకోవడానికి అవకాశం ఉంటుంది. జనరల్/ఓబీసీ అభ్యర్ధులు రూ.1000లు, ఎస్సీ/ఎస్టీ/ఈడబ్ల్యూఎస్ అభ్యర్ధులు రూ.800లు రిజిస్ట్రేషన్ ఫీజు చెల్లించవల్సి ఉంటుంది. దివ్యాంగ అభ్యర్థులు ఎటువంటి ఫీజు లేదు. రాత పరీక్ష, డిపార్ట్మెంటల్ అసెస్మెంట్ ఆధారంగా ఎంపిక చేస్తారు. రాత పరీక్ష జూన్ 11న నిర్వహిస్తారు. ఎంపికైన వారికి నెలకు రూ.67,700ల జీతంతోపాటు ఇతర అలవెన్సులు కూడా చెల్లిస్తారు. ఇతర సమాచారం అధికారిక వెబ్సైట్లో చెక్ చేసుకోవచ్చు.
నోటిఫికేషన్ కోసం క్లిక్ చేయండి.
పూర్తి వివరాలకు క్లిక్ చేయండి.
మరిన్ని తాజా విద్యా, ఉద్యోగ సమాచారం కోసం క్లిక్ చేయండి.