Vanmoof E-Bicycles: మార్కెట్లోకి మరో రెండు ఈ-సైకిల్స్.. ధర ఎంతో తెలిస్తే షాకవుతారు
తాజాగా వ్యాన్మూఫ్ అనే కెంపెనీ రెండు ఈ-సైకిల్స్ మార్కెట్లోకి రిలీజ్ చేసింది. డిజైన్పరంగా ఆకర్షణీయంగా ఉన్నా ధర విషయంలో మాత్రం కంపెనీ అందరికీ షాక్ ఇచ్చింది. వ్యాన్మూఫ్ ఎస్-4, ఎక్స్-4 పేరుతో రిలీజ్ చేసిన ఈ బైక్స్ కచ్చితంగా వినియోగదారులను ఆకట్టుకుంటాయని కంపెనీ ప్రతినిధులు ధీమా వ్యక్తం చేస్తున్నారు.
Updated on: May 14, 2023 | 8:30 PM
ప్రస్తుతం అందరూ పర్యావరణ అనుకూలమైన ఉత్పత్తులను వాడడానికి ఇష్టపడుతున్నారు. ముఖ్యంగా ద్విచక్ర వాహనాల విషయంలో అందరూ ఎలక్ట్రిక్ వాహనాలను ఇష్టపడుతున్నారు. ముఖ్యంగా పర్యావరణ మేలు చేయడంతో పెరుగుతున్న పెట్రోల్ ధరల నుంచి రక్షణగా ఉంటాయని అందరూ ఈవీ వామనాల వైపు మొగ్గు చూపుతున్నారు. దీంతో స్టార్టప్ కంపెనీలు దగ్గర నుంచి టాప్ కంపెనీల వరకూ అన్నీ ఈవీ వాహనాలను రిలీజ్ చేస్తున్నాయి. తాజాగా వ్యాన్మూఫ్ అనే కెంపెనీ రెండు ఈ-సైకిల్స్ మార్కెట్లోకి రిలీజ్ చేసింది. డిజైన్పరంగా ఆకర్షణీయంగా ఉన్నా ధర విషయంలో మాత్రం కంపెనీ అందరికీ షాక్ ఇచ్చింది. వ్యాన్మూఫ్ ఎస్-4, ఎక్స్-4 పేరుతో రిలీజ్ చేసిన ఈ బైక్స్ కచ్చితంగా వినియోగదారులను ఆకట్టుకుంటాయని కంపెనీ ప్రతినిధులు ధీమా వ్యక్తం చేస్తున్నారు. వీటి గరిష్ట వేగం గంటకు 32 కిలో మీటర్లుగా ఉంది. పెడల్ పవర్ ఉపయోగిస్తే మాత్రం 140 కిలోమీటర్ల వేగంతో దూసుకుపోతుంది. ఈ-బైక్ నాలుగు విభిన్న రంగుల్లో కస్టమర్లకు అందుబాటులో ఉన్నాయి. ఈ బైక్ ధర సుమారు రూ. 2,05,000గా ఉంటుంది. జూన్ 2023 నాటికి ఈ రెండు బైక్స్ యూకే అమ్మకానికి సిద్ధంగా ఉంటాయి.ఆధునిక సాంకేతికతతో రూపొందించిన ఈ ఎలక్ట్రిక్ బైక్ల ఫీచర్లను ఓ సారి చూద్దాం.
ఫీచర్లు ఇవే
వ్యాన్మూఫ్ ఎస్4, ఎక్స్4 ఎలక్ట్రిక్ బైక్లు ఒక్కొక్కటి నాలుగు వేర్వేరు పవర్ సెట్టింగ్లను కలిగి ఉంటాయి. వీటిలో టర్బో బూస్ట్ అనే ఫీచర్ వల్ల ఇది మరింత వేగంగా దూసుకుపోతుంది. ఈ బైక్ ఎకానమీ మోడ్లో 140 కిలోమీటర్లు, పవర్ మోడ్లో 60 కిలోమీటర్ల వేగంతో వెళ్తుంది. ఈ బైక్ బ్యాటరీ 90 నిమిషాల్లో 50 శాతం వరకు ఛార్జ్ అవుతుంది. నివేదికల ప్రకారం, పూర్తిగా ఛార్జ్ చేయడానికి 4.5 గంటలు పడుతుంది. తయారీదారు దాని పరిధిని మరింత విస్తరించాల్సిన అవసరం ఉందని వినియోగదారు భావిస్తే దానితో పాటు రేంజ్ ఎక్స్టెండర్ పవర్ ప్యాక్ని తీసుకురావడానికి ఎంపికను కూడా అందిస్తుంది. ఇది దాని పరిధిని 240 కిలోమీటర్ల వరకు విస్తరించడానికి అనుమతిస్తుంది. వ్యాన్మూఫ్ అందించే ఈ-బైక్లు చాలా తేలికగా ఉంటాయి. అలాగే సింపుల్ డిజైన్తో 24-అంగుళాల టైర్లతో వస్తాయి. అలాగే వ్యాన్ముఫ్ ఎక్స్-4 బరువు 20.3 కిలోలు ఉంటుంది. అలాగే ఎస్ 4 బరువు 21.6 కిలోలు ఉంటుంది. దీని టైర్లు 27.5 అంగుళాల వెడల్పుతో ఉంటాయి. ఎలక్ట్రిక్ బైక్ స్మార్ట్ఫోన్ యాప్లకు కూడా మద్దతునిస్తుంది. రైడర్ ఐడెంటిఫికేషన్, పొజిషన్ ట్రాకింగ్, రిమోట్ లాకింగ్ మొదలైన అనేక ఫీచర్లతో వస్తున్నాయి. ముఖ్యంగా దొంగతనం జరిగినప్పుడు ఇది అలర్ట్ని కూడా పెంచుతుంది. అదనంగా, సామాను నిల్వ చేయవలసిన అవసరం ఉంటే ముందు, వెనుక బుట్టలను యాడ్ చేసుకోవచ్చు.
మరిన్ని బిజినెస్ వార్తల కోసం..
