Luce EV Scooter: వారెవ్వా.. ఇదేం స్కూటరండీ బాబు.. స్మార్ట్ డిజైన్‌తో పాటు అదిరిపోయే ఫీచర్లు.. లాంచింగ్ ఎప్పుడంటే?
రాబోయే మూడు-నాలుగు నెలల్లో ఈ వాహనాన్ని విడుదల చేయడానికి కంపెనీ రెడీ అవుతుందని నివేదికలు వెల్లడిస్తున్నాయి. అధునాతన డిజైన్‌తో అదిరిపోయే ఫీచర్లతో వస్తున్న ఈ ఈవీ స్కూటర్ మార్కెట్‌లో ఉన్నఇతర స్కూటర్లకు గట్టి పోటీనిస్తుందని మార్కెట్ వర్గాలు అంచనా వేస్తున్నాయి.
ప్రముఖ ఈవీ తయారీదారు ఒమెగా సైకి మొబిలిటీ మార్కెట్లోకి లూస్ అనే కొత్త ఎలక్ట్రిక్ స్కూటర్‌ను విడుదల చేయడానికి సన్నాహాలు చేస్తుంది. ఓఎస్ఎం ఇప్పటికే మోపిడో, కార్గో సెగ్మెంట్ కోసం ఎలక్ట్రిక్ స్కూటర్లను రిలీజ్ చేసింది. ఇప్పుడు కంపెనీ ఈ వేరియంట్‌తో వ్యక్తిగత వినియోగదారుల విభాగంపై దృష్టి సారిస్తోంది. ఈ స్కూటర్ మార్కెట్లోకి రిలీజ్ అవ్వడానికి సిద్ధంగా ఉంది. రాబోయే మూడు-నాలుగు నెలల్లో ఈ వాహనాన్ని విడుదల చేయడానికి కంపెనీ రెడీ అవుతుందని నివేదికలు వెల్లడిస్తున్నాయి. అధునాతన డిజైన్‌తో అదిరిపోయే ఫీచర్లతో వస్తున్న ఈ ఈవీ స్కూటర్ మార్కెట్‌లో ఉన్నఇతర స్కూటర్లకు గట్టి పోటీనిస్తుందని మార్కెట్ వర్గాలు అంచనా వేస్తున్నాయి. ఈ ఈవీ స్కూటర్ ఒమేగా, జే సంగ్ టెక్ కో., లిమిటెడ్ (కొరియన్ కంపెనీ) జాయింట్ వెంచర్ ద్వారా ఉత్పత్తి చేశారు. అయితే ఈ స్కూటర్ అసెంబ్లింగ్ మొత్తం భారతదేశంలోనే జరుగుతుంది.
ల్యూస్ ఫీచర్లు ఇవే
ఓఎస్ఎం లూస్ ఎలక్ట్రిక్ స్కూటర్‌ను ఓ సారి చార్జ్ చేస్తే 100-150 కిలో మీటర్ల మైలేజ్ ఇస్తుంది. అలాగే గంటకు 140 కిలో మీటర్ల గరిష్ట వేగంతో దూసుకుపోతుంది. అలాగే ఈ ఎలక్ట్రిక్ స్కూటర్ ఐదు-ఆరు వేరియంట్లలో ఐదు నుంచి ఆరు రంగుల్లో అందుబాటులో ఉంటుంది. రాబోయే సంవత్సరంలో వాహనం ఓఎస్ఎం యొక్క 178 ప్లస్ డీలర్‌షిప్ స్టోర్స్ ద్వారా ఈ స్కూటర్‌ను భారత్‌లో లాంచ్ చేయనుంది ఈ కంపెనీ సుమారు ఏడు సంవత్సరాలుగా లూస్ ఆర్అండ్‌డీపై పని చేస్తుంది. ముఖ్యంగా గరిష్ట భద్రతతో ఈ స్కూటర్ వస్తుందని నిపుణులు చెబుతున్నారు. అయితే ఈ స్కూటర్ ధర మాత్రం ఇంకా వెల్లడికాలేదు. అయితే మార్కెట్‌లో ఉన్న స్కూటర్లకు పోటినిచ్చేలా ధర ఉంటుందని నిపుణులు అంచనా వేస్తున్నారు. ముఖ్యంగా ఓఎస్ఎం వాహనం ధరలను గణనీయంగా తగ్గించే స్కేలబిలిటీపై పని చేస్తుందని, తద్వారా ఈ వాహనాలను ఫ్రంట్‌లైన్ కార్మికులుగా పని చేసే ఈజీ అమర్చేలా ఉంటుంది. అందువల్ల స్కూటర్ ధరలు తక్కువగా ఉంటాయి.
మరిన్ని బిజినెస్ వార్తల కోసం ఇక్కడ క్లిక్ చేయండి..
