Jio Recharge Plan: ఇకపై నెల మొత్తానికి ఒకేసారి రీఛార్జ్.. యూజర్ల కోసం జియో కొత్త ప్లాన్‌..
Jio New Recharge Plan: ప్రస్తుతం దాదాపు అన్ని టెలికాం కంపెనీల్లో 28 రోజుల కాల పరిమితితో రీఛార్జ్ ఆఫర్లను ఉన్నాయి. మరికొన్ని సంస్థలు 23 రోజుల వ్యాలిడీటి కూడా ఇస్తున్నాయి. దీనివల్ల వినియోగదారులు ఏడాది కాలానికి 13 సార్లు రీఛార్జ్ చేయాల్సి వస్తోంది...
Updated on: Mar 28, 2022 | 5:36 PM
Jio New Recharge Plan: ప్రస్తుతం దాదాపు అన్ని టెలికాం కంపెనీలు 28 రోజుల కాల పరిమితితో రీఛార్జ్ ఆఫర్లను అందిస్తున్నాయి. మరికొన్ని సంస్థలైతే కేవలం 23 రోజుల వ్యాలిడీనే ఇస్తున్నాయి. దీనివల్ల వినియోగదారులు ఏడాది కాలానికి 13 సార్లు రీఛార్జ్ చేయాల్సి వస్తోంది. ఈ కారణంగా వినియోగదారుడు నష్టపోతున్నాడనే ఉద్దేశంతో టెలికాం నియంత్రణ సంస్థ ‘ట్రాయ్‌’ నెట్‌వర్క్‌ సంస్థలు కచ్చితంగా నెల రోజుల కాల వ్యవధితో కూడిన ప్లాన్స్‌ను అందుబాటులోకి తీసుకురావాలని ఆదేశించిన విషయం తెలిసిందే. ఈ నేపథ్యంలోనే తాజాగా జియో సంస్థ తమ యూజర్ల కోసం సరికొత్త ప్లాన్‌ను తీసుకొచ్చింది.
ఈ కొత్త ప్లాన్‌తో ఇకపై యూజర్లు నెలకు ఒకేసారి రీఛార్జ్ చేసుకునే వెసులుబాటు కలుగుతుంది. ప్రతి నెల ఏ తేదీనయితే రీఛార్జ్ చేసుకుంటారో మళ్లీ వచ్చే నెల ఆ తేదీ వరకు మళ్లీ రీచార్జ్‌ చేయాల్సిన అవసరం ఉండదు. ఇందులో భాగంగానే జియో రూ. 259 ప్లాన్‌ను తీసుకొచ్చింది. ఈ ప్లాన్‌తో రీఛార్జ్ చేసుకున్న వారికి నెల రోజుల పాటు 1.5 జీబీ డేటాతో పాటు అన్‌లిమిటెడ్‌ కాల్స్‌ పొందొచ్చు. అంతేకాకుండా జియో టీవీ, జియో సినిమా వంటి ఇతర బెనిఫిట్స్‌ కూడా పొందొచ్చు. వినియోగదారుల కోసం జియో ఈ ప్లాన్స్‌ను అందుబాటులోకి తీసుకొచ్చింది. జియో యాప్‌ లేదా మరే ఇతర మార్గాల్లో అయినా రీఛార్జ్ చేసుకునే అవకాశం కలిపించింది.
KGF chapter 2 Trailer: మరోసారి అదరగొట్టిన రాకీ.. దుమ్మురేపుతున్న “KGF చాప్టర్ 2” ట్రైలర్..
Knowledge: పెద్ద పెద్ద భవనాలు నిర్మించేటప్పుడు ఆకుపచ్చ పరదాలతో కప్పుతారు.. ఎందుకో తెలుసా..!
