Fixed Deposit: ఈ బ్యాంకులో ఫిక్స్డ్ డిపాజిట్లు చేస్తున్నారా..? మీకో గుడ్న్యూస్..!
Fixed Deposit: ప్రస్తుతం బ్యాంకుల్లో ఫిక్స్డ్ డిపాజిట్లు చేసేవారికి మంచి వడ్డీ రేట్లను అందిస్తున్నాయి ఆయా బ్యాంకులు. రిజర్వ్ బ్యాంక్ ఆఫ్‌ ఇండియా(RBI) ఆదేశాల మేరకు ..
Updated on: Jul 04, 2022 | 3:51 PM
Fixed Deposit: ప్రస్తుతం బ్యాంకుల్లో ఫిక్స్డ్ డిపాజిట్లు చేసేవారికి మంచి వడ్డీ రేట్లను అందిస్తున్నాయి ఆయా బ్యాంకులు. రిజర్వ్ బ్యాంక్ ఆఫ్‌ ఇండియా(RBI) ఆదేశాల మేరకు బ్యాంకులన్నీ ఎఫ్‌డీలపై వడ్డీ రేట్లను పెంచుతుతున్నాయి. తాజాగా పంజాబ్ నేషనల్ బ్యాంక్ (PNB) ఫిక్స్డ్ డిపాజిట్ల ( PNB FD) వడ్డీ రేట్లను పెంచుతున్నట్లు ప్రకటించింది. ఇప్పుడు 2 కోట్ల కంటే తక్కువ ఫిక్స్డ్ డిపాజిట్లపై మీరు మునుపటి కంటే ఎక్కువ వడ్డీని పొందుతారు. ఈ FD కొత్త రేట్లు జూలై 4 నుండి అమల్లోకి వచ్చాయి. బ్యాంక్ తన అధికారిక వెబ్‌సైట్‌లో FD రేటును పెంచుతున్నట్లు ప్రకటించింది. మీరు ఒకటి నుండి మూడు సంవత్సరాల ఎఫ్‌డిలను పరిశీలిస్తే మెచ్యూరిటీని 10 నుండి 20 బేసిస్ పాయింట్లు పెంచారు. రిజర్వ్ బ్యాంక్ తన పాలసీ రేటును పెంచినప్పటి నుండి, గృహ రుణ రేట్లు పెరుగుతూనే ఉన్నాయి. అదే సమయంలో FD, రికరింగ్ డిపాజిట్ ( RD రేట్లు ) వడ్డీలో పెరుగుదల ఉంది. జూలై, ఆగస్టు నెలల్లో కూడా రిజర్వ్ బ్యాంక్ రెపో రేటును పెంచే అవకాశం ఉందని భావిస్తున్నారు. దీంతో రానున్న రోజుల్లో ఎఫ్‌డీ, ఆర్డీ రేట్లు మరింత పెరిగే అవకాశం ఉంది.
గత నెలలో రిజర్వ్ బ్యాంక్ రెపో రేటును 90 బేసిస్ పాయింట్లు పెంచింది. ద్రవ్యోల్బణాన్ని అదుపు చేసేందుకు ఈ చర్య తీసుకున్నారు. రెపో రేటు పెరుగుదల కారణంగా బ్యాంకులు రుణం రుణ రేటును పెంచాయి. దీని కారణంగా గృహ రుణం మరింత ఖరీదైనదిగా మారింది. రుణ రేటు పెరుగుదల కారణంగా రుణ వడ్డీ రేట్లు పెరిగాయి
PNB FD రేట్లు ఇలా..
7 నుండి 14 రోజుల FDలపై, 3 శాతం, సీనియర్ సిటిజన్లు 3.5 శాతం వడ్డీని పొందుతున్నారు. 15 నుండి 29 రోజుల FDలపై, సాధారణ డిపాజిటర్ 3 శాతం, సీనియర్ సిటిజన్లు 3.5 శాతం వడ్డీని పొందుతున్నారు. అదేవిధంగా 30 నుండి 45 రోజుల FDలపై వడ్డీ రేటు కూడా అదే విధంగా ఉంటుంది. 46 నుండి 90 రోజులకు సాధారణ కస్టమర్లకు 3.25 శాతం, సీనియర్ సిటిజన్లకు 3.75 శాతం వడ్డీ లభిస్తుంది. 91 నుండి 179 రోజుల మెచ్యూరిటీ ఉన్న FDలపై 4 శాతం వడ్డీ, సీనియర్ సిటిజన్లకు 4.5 శాతం వడ్డీ ఇవ్వబడుతుంది.
180 రోజుల నుండి 270 రోజుల FDలకు 4.5 శాతం, సీనియర్ సిటిజన్లకు 5 శాతం, ఇక 271 నుండి 1 సంవత్సరం FDలకు 4.5 శాతం, సీనియర్ సిటిజన్లకు 5 శాతం, 1 సంవత్సరం FDలకు 5.3 శాతం, సీనియర్ సిటిజన్లకు 5.8 శాతం, 1 నుండి 2 సంవత్సరాల FDలకు 5.3 శాతం, సీనియర్ సిటిజన్లకు 5.8 శాతం, 2 నుండి 3 సంవత్సరాల FDలపై సీనియర్ సిటిజన్లకు 5.5 శాతం నుంచి 6 శాతం వడ్డీ ఇవ్వబడుతుంది.
మరిన్ని బిజినెస్ వార్తల కోసం ఇక్కడ క్లిక్ చేయండి
