Post Office New Facility: ఈ ఖాతాలున్న వారికి పోస్టాఫీసు కొత్త సర్వీసు.. బ్యాలెన్స్ తనిఖీ చేయండిలా..!
మీరు పోస్టాఫీసులో మీ కుమార్తె పేరుపై సుకన్య సమృద్ధి యోజన, పీపీఎఫ్‌ ఖాతాను తెరిచి ఉంటే ఈ విషయాన్ని తెలుసుకోవాల్సిందే. ఎందుకంటే పీపీఎఫ్‌, సుకన్య సమృద్ధి ఖాతాతో సహా అనేక చిన్న..
మీరు పోస్టాఫీసులో మీ కుమార్తె పేరుపై సుకన్య సమృద్ధి యోజన, పీపీఎఫ్‌ ఖాతాను తెరిచి ఉంటే ఈ విషయాన్ని తెలుసుకోవాల్సిందే. ఎందుకంటే పీపీఎఫ్‌, సుకన్య సమృద్ధి ఖాతాతో సహా అనేక చిన్న పొదుపు పథకాల ఖాతాదారుల కోసం పోస్టాఫీసు కొత్త సౌకర్యాన్ని ప్రారంభించింది. దీని ద్వారా మీరు ఎక్కడైనా మీ ఖాతా గురించి పూర్తి సమాచారాన్ని పొందవచ్చు. దీని కోసం నెట్ బ్యాంకింగ్, మొబైల్ బ్యాంకింగ్ సేవలను సక్రియం చేయవలసిన అవసరం లేదు. ఎందుకంటే చిన్న పొదుపు పథకాల ఇ-పాస్‌బుక్ ఫీచర్ ప్రారంభించింది. పోస్ట్ ఆఫీస్ ఈ-పాస్‌బుక్ ఫీచర్ సహాయంతో ఏదైనా పీపీఎఫ్‌, సుకన్య సమృద్ధి ఖాతా బ్యాలెన్స్ కొన్ని నిమిషాల్లో తెలుసుకోవచ్చు. తపాలా శాఖ 2022 అక్టోబర్ 12న విడుదల చేసిన నోటిఫికేషన్‌లో ప్రజలకు సులభతరమైన సౌకర్యాలు కల్పించడంతోపాటు ప్రక్రియను సులభతరం చేయడమే లక్ష్యంగా ఈ సదుపాయాన్ని ప్రారంభించాలని నిర్ణయించినట్లు పోస్టల్‌ అధికారులు తెలిపారు.
ఎలాంటి ఛార్జీలు ఉండవు:
నోటిఫికేషన్ ప్రకారం.. ఏ కస్టమర్ అయినా పీపీఎఫ్‌, సుకన్య సమృద్ధి యోజన వంటి చిన్న పొదుపు పథకాల కింద తన ఖాతా గురించిన పూర్తి సమాచారాన్ని ఎప్పుడైనా, ఎక్కడి నుండైనా తెలుసుకోవచ్చు. ఈ-పాస్‌బుక్ సౌకర్యం కింద ఈ పని పూర్తి చేయవచ్చు. ఇ-పాస్‌బుక్ సౌకర్యాన్ని యాక్సెస్ చేయడానికి మీరు తప్పనిసరిగా రిజిస్టర్డ్ మొబైల్ నంబర్‌ను ఖాతాకు లింక్ చేసి ఉండాలి. ఈ సదుపాయం కోసం ఎలాంటి ఛార్జీ విధించబడదు.
डाक विभाग डाकघर बचत बैंक योजनाओं के खाताधारकों के लिए ई-पासबुक सुविधा शुरू कर रहा है। वेबपेज का लिंक भारतीय डाक की वेबसाइट https://t.co/drWKt7n0UJ और आईपीपीबी वेबसाइट https://t.co/imP8Br3KaT पर उपलब्ध रहेगा।#PostalWeek2022 #AapkaDostIndiaPost pic.twitter.com/ZJQr55CiCj
— India Post (@IndiaPostOffice) October 12, 2022
ఇలా బ్యాలెన్స్ చెక్ చేసుకోండి
☛ పీపీఎఫ్‌, సుకన్య సమృద్ధి ఖాతా ఆన్‌లైన్‌లో బ్యాలెన్స్‌ని తనిఖీ చేయడానికి మీరు అధికారిక వెబ్‌సైట్ www.indiapost.gov.in లేదా www.ippbonline.comని సందర్శించాలి.
☛ ఆ తర్వాత ఇచ్చిన ఈ-పాస్‌బుక్ లింక్‌పై క్లిక్ చేయండి.
☛ ఆ తర్వాత డైరెక్ట్ లింక్‌పై క్లిక్ చేయండి- https://posbseva.ippbonline.com/indiapost/signin.
☛ ఆపై మీ మొబైల్ నంబర్ మరియు క్యాప్చా నమోదు చేయడం ద్వారా లాగిన్ చేయండి
☛ దీని తర్వాత మీ మొబైల్ నెంబర్‌కు వచ్చిన ఓటీపీని సమర్పించి మీరు ఈ-పాస్‌బుక్‌ని ఎంచుకోవాలి.
☛ ఆ తర్వాత ప్లాన్ రకాన్ని ఎంచుకుని, ఖాతా నంబర్, రిజిస్టర్డ్ మొబైల్ నంబర్, క్యాప్చా ఎంటర్ చేయండి.
☛ బ్యాలెన్స్ ఎంక్వైరీ, మినీ స్టేట్‌మెంట్, పూర్తి స్టేట్‌మెంట్ తీసుకోవచ్చు.
☛ ఖాతాతో మొబైల్ నంబర్ తప్పనిసరిగా లింక్ చేసి ఉండాలి..
☛ పీపీఎఫ్‌, సుకన్య సమృద్ధి ఖాతాతో మీ మొబైల్ నెంబర్‌ తప్పనిసరిగా లింక్ అయి ఉండాలి. మొబైల్ నంబర్ ఖాతాతో లింక్ చేయబడకపోతే వివరాలు అందవు. మొబైల్ నెంబర్‌ లింక్ చేయని వారు మీ సమీపంలోని పోస్టాఫీసును సందర్శించి ఈ పనిని పూర్తి చేసుకోవచ్చు.
మరిన్ని బిజినెస్ వార్తల కోసం ఇక్కడ క్లిక్ చేయండి
