Maruti Car: ఇంకా ఈ కారుకు తగ్గని క్రేజ్.. 26 ఏళ్లుగా ప్రజల హృదయాల్లో..
Maruti Car: కొన్ని కార్లు ప్రజల హృదయాలను గెలుచుకుంటాయి. ఏళ్లు గడుస్తున్నా అటువంటి కార్లు ప్రజలకు గుర్తిండిపోతాయి. 26 ఏళ్ల కిందట తక్కువ ధరల్లో అందుబాటులోకి తీసుకువచ్చిన మారుతి సుజుకీ కారు ఇప్పటికి ఇంకా క్రేజ్ తగ్గడం లేదంటే ప్రజలు ఎంత ఆదరిస్తున్నారో ఇట్టే అర్థమైపోతుంటుంది..
Updated on: Mar 09, 2025 | 9:19 AM
మారుతి వ్యాగన్ఆర్ భారతదేశంలో మారుతి సుజుకి విక్రయించే ఫ్లాగ్షిప్ హ్యాచ్బ్యాక్ కారు. ఇది మొదట 1999లో ప్రారంభమైంది. అప్పటి నుండి ఇది భారతీయ మార్కెట్లో బాగా ప్రాచుర్యం పొందింది. విశాలమైన ఇంటీరియర్స్, గొప్ప మైలేజ్, తక్కువ ధర, అత్యున్నత స్థాయి ఫీచర్ల కారణంగా ఈ కారు కస్టమర్ల మొదటి ఎంపికగా మారింది. ఈ కారు చాలా సంవత్సరాలుగా భారత మార్కెట్లో అత్యధికంగా అమ్ముడవుతున్న కార్లలో ఒకటిగా నిలిచింది.
గత నెల ఫిబ్రవరిలో కూడా 19879 మంది దీనిని కొనుగోలు చేశారు. ఇది అత్యధికంగా అమ్ముడైన కార్ల జాబితాలో రెండవ స్థానంలో నిలిచింది. దీన్ని బట్టి WagonR ప్రజాదరణను అంచనా వేయవచ్చు. మారుతి వాగన్ ఆర్ ధర రూ.5.64 లక్షల నుండి ప్రారంభమవుతుంది. తక్కువ ధర కలిగిన మోడల్ మారుతి వాగన్ ఆర్ LXI, అత్యంత ధర కలిగిన మోడల్ మారుతి వాగన్ ఆర్ ZXI ప్లస్ AT డ్యూయల్ టోన్ ధర రూ. 7.47 లక్షలు. ఈ ధరలు ఎక్స్-షోరూమ్. WagonR లోపల కూడా గొప్ప ఫీచర్లు, గొప్ప ఇంటీరియర్లను చూడవచ్చు.
ఇంజిన్:
మారుతి వ్యాగన్ ఆర్ 1.0-లీటర్, 1.2-లీటర్ NA పెట్రోల్ యూనిట్ వంటి రెండు ఇంజన్ ఎంపికలలో లభిస్తుంది. కంపెనీ ఈ కారును ఐదు-స్పీడ్ మాన్యువల్, AGS యూనిట్తో అందిస్తుంది. 1.0-లీటర్ పెట్రోల్ ఇంజన్ 66 bhp పవర్, 89 Nm టార్క్ ఉత్పత్తి చేయగా, 1.2-లీటర్ ఇంజన్ 89 bhp పవర్, 113 Nm టార్క్ ఉత్పత్తి చేస్తుంది. ఈ రెండింటితో పాటు మారుతి సుజుకి వ్యాగన్ ఆర్ 1.0-లీటర్ ఇంజిన్తో సీఎన్జీ వెర్షన్లో కూడా అందుబాటులో ఉంది. ఈ మోటార్ 56 బిహెచ్పి శక్తిని ఉత్పత్తి చేస్తుంది. దీని తక్కువ నిర్వహణ, మంచి మైలేజీ దీనిని ప్రజల ఎంపికగా చేస్తుంది.
మైలేజ్, ఫీచర్లు:
మారుతి వ్యాగన్ ఆర్ మైలేజ్ పెట్రోల్ మోడల్ లీటరుకు 23.56 నుండి 25.19 కిలోమీటర్లు, జీఎన్జీ మోడల్ కిలోగ్రాముకు 34.05 కిలోమీటర్ల వరకు ఉంటుంది. మాన్యువల్ AC, ఎలక్ట్రానిక్గా పనిచేసే ORVMలు, స్టీరింగ్-మౌంటెడ్ ఆడియో కంట్రోల్స్, అన్ని 4 పవర్ విండోస్, కీలెస్ ఎంట్రీ వంటి ఫీచర్లు కారులో అందుబాటులో ఉన్నాయి. ఇందులో మల్టీ-ఫంక్షన్ స్టీరింగ్ వీల్, పవర్ అడ్జస్టబుల్ ఎక్స్టీరియర్ రియర్ వ్యూ మిర్రర్, టచ్ స్క్రీన్, అల్లాయ్ వీల్స్, ఫాగ్ లైట్లు ఉన్నాయి. WagonR లోపల 5 మంది కూర్చోడానికి అనుకూలంగా ఉంటుంది.
ఇది కూడా చదవండి: Best Investment Plan: మీకు రూ.20 వేల జీతం ఉందా? నెలకు రూ.4 వేల ఇన్వెస్ట్తో కోటి రూపాయలు.. ఎలా సాధ్యం!
మరిన్ని బిజినెస్ వార్తల కోసం ఇక్కడ క్లిక్ చేయండి
