Multibagger Stock: కిక్కెక్కించిన లిక్కర్ షేర్.. రెండున్నరేళ్లలో 300 శాతానికి పైగా పెరిగిన మల్టీబ్యాగర్ స్టాక్..

ఈ మద్యకాలంలో ఆర్ధిక అస్థిరత వాతావరణంలో మీరు ఒత్తిడి లేకుండా ఉండేందుకు భవిష్యత్తు కోసం పొదుపు చేయడం, పెట్టుబడి పెట్టడం చాలా అవసరం. కొందరు వ్యక్తులు రిస్క్ లేని సురక్షితమైన పెట్టుబడిని ఇష్టపడతారు. స్టాక్ మార్కెట్ పెట్టుబడులు అంటే పులిపై స్వారీ చేయడమే అని చాలా మంది అభిప్రాయ పడుతారు. అంతే కాదు స్టాక్ మార్కెట్‌లో పెట్టుబడి పెట్టడం అంటే ప్రమాదకర పందెం. అయితే వీటిని కూడా ఛాలెంజింగ్‌గా తీసుకుని ముందుకు సాగడమే బిజినస్. పెట్టుబడిని అత్యంత తక్కువ కాలంలో రెట్టింపు చేసుకోవడం కూడా ఓ డ్రీం. అయితే ఈ కలను సాకారం చేసుకోవాలంటే వేటిలో పెట్టుబడి పెట్టాలనేది తెలిసి ఉండాలి. అయితే స్టాక్ మార్కెట్లు ఎప్పుడు ఎలా ఉంటాయో ఊహించడం చాలా కష్టం. మార్కెట్లు నష్టాల్లో ఉన్నప్పటికీ కొన్ని స్టాక్స్ మాత్రం వీటన్నిటిని తలదన్ని తమ వాటాదారులకు పెద్ద మొత్తంలో రాబడులను అందిస్తున్నాయి. స్టాక్‌లు సంవత్సరాల తరబడి మల్టీబ్యాగర్‌గా మారతాయి. వారి వాటాదారులకు గొప్ప రాబడిని అందిస్తాయి. అలాంటిదే ఇది కూడా ఒకటి. రెండున్నరేళ్లలో 300 శాతానికి పైగా రాబడిని తెచ్చిన అటువంటి స్టాక్ గురించి ఈరోజు మనం ఇక్కడ తెలుసుకుందాం..

2.5 సంవత్సరాలలో పెట్టుబడి 300 శాతం..  

ఈరోజు స్పాట్‌లైట్‌లో ఉన్న స్టాక్ మల్టీబ్యాగర్ మద్యం స్టాక్. కంపెనీ పేరు రాడికో ఖైతాన్ లిమిటెడ్. రాడికో ఖైతాన్ స్టాక్ ప్రస్తుతం రూ.1,073 వద్ద ట్రేడవుతోంది. గత ఐదేళ్లలో స్టాక్ రూ. 800కు పైగా పెరిగింది. గత రెండున్నరేళ్లలో ఈ స్టాక్ పెద్ద ఎత్తున పరుగులు పెట్టింది. మార్చి 2020లో ఈ షేరు రూ. 262.85 వద్ద ట్రేడింగ్ మొదలు పెట్టింది. నేడు ఈ స్టాక్ షేర్లు 308 శాతం పెరిగాయి.

ప్రస్తుతం ఈ స్టాక్ ధర రూ.810 పెరిగింది. అంటే 2020లో రూ. 10,000 పెట్టుబడి ఇప్పుడు డిసెంబర్ 2022లో రూ. 40,000 కంటే ఎక్కువకు చేరింది.

జనవరి 2022లో స్టాక్ దాని ఆల్-టైమ్ గరిష్ట స్థాయి 1246.85కి చేరుకుంది. అప్పటి నుంచి ఈ స్టాక్ మేలో 760.60కి చేరి, సంవత్సరం మధ్యలో పడిపోయింది. అయితే, మల్టీబ్యాగర్ స్టాక్ తిరిగి బౌన్స్ అయింది. గత ఆరు నెలల్లో అప్‌వర్డ్ ట్రెండ్‌లో ఉంది. డిసెంబర్ ప్రారంభానికి 1134.15కి చేరుకుంది. ప్రస్తుతం 1073 వద్ద ట్రేడవుతోంది.

కంపెనీ గురించి

భారతదేశంలోని ప్రముఖ మద్యం తయారీదారులలో రాడికో ఖైతాన్ ఒకటి. కంపెనీ మద్యం బ్రాండ్‌లు కేవలం భారతదేశంలోనే కాకుండా యూరోపియన్ దేశాలు, US, UK, ఆస్ట్రేలియా, కెనడా, దక్షిణ అమెరికాతో సహా 85 దేశాలలో విక్రయిస్తోంది. ఇండియన్ మేడ్ ఫారిన్ లిక్కర్ (IMFL) దేశీయ మద్యం కాకుండా ఇది పారిశ్రామిక మద్యం, ఎరువులు కూడా తయారు చేస్తుంది.

ఈ సంస్థ 1943లో తిరిగి స్థాపించబడింది. దీనిని గతంలో రాంపూర్ డిస్టిలరీ అండ్ కెమికల్ కంపెనీగా పిలిచేవారు. దీనికి రాంపూర్ (ఉత్తర ప్రదేశ్), బాజ్‌పూర్ (ఉత్తరాఖండ్), తిమ్మాపూర్ (తెలంగాణ), ఔరంగాబాద్ (మహారాష్ట్ర), రీంగస్ (రాజస్థాన్)లలో ఐదు తయారీ యూనిట్లు ఉన్నాయి. ఇది భారతదేశం అంతటా అనేక అనుబంధ బాట్లింగ్ కంపెనీలను కూడా ఉన్నాయి. 8PM విస్కీ, కాంటెస్సా రమ్, మ్యాజిక్ మూమెంట్స్ వోడ్కా, జైసల్మేర్ జిన్ వంటివి దాని ప్రసిద్ధ బ్రాండ్‌లలో కొన్ని.

మరిన్ని బిజినెస్ న్యూస్ కోసం