Jio: జియో యూజర్లకు గుడ్న్యూస్.. 3 నెలలు ఉచితం JioHotstar, 50 రోజులు ఉచిత JioFiber
కస్టమర్లు MyJio యాప్ లేదా Jio.com ని సందర్శించడం ద్వారా ఈ ఆఫర్ను పొందవచ్చు. ఈ ఆఫర్ జూలై 1, 2025 నుండి ప్రారంభమైంది. పరిమిత కాలం వరకు మాత్రమే అందుబాటులో ఉంటుంది. కస్టమర్లు ఇప్పుడు 50 రోజుల పాటు వారి..
Updated on: Jul 19, 2025 | 7:09 PM
Free Jiohotstar: ముఖేష్ అంబానీ కంపెనీ జియో 2025 ఏప్రిల్-జూన్ (Q1 FY26) త్రైమాసికంలో అద్భుతమైన ఫలితాల తర్వాత తన కోట్లాది మంది కస్టమర్లకు శుభవార్తను అందించింది. ఈ త్రైమాసికంలో కంపెనీ అద్భుతంగా పనిచేసింది. రూ.7,110 కోట్ల నికర లాభాన్ని నమోదు చేసింది. ఇది గత సంవత్సరం కంటే 24.8 శాతం ఎక్కువ. దీనితో పాటు, జియో కొత్త ‘అన్లిమిటెడ్ ఆఫర్’ను పొడిగించింది. దీనిలో కస్టమర్లు 90 రోజులు ఉచిత JioFiber లేదా AirFiber ఇంటర్నెట్ ట్రయల్ కోసం ఉచిత JioHotstar సదుపాయాన్ని పొందుతారు.
జియో త్రైమాసిక ఫలితాలు:
అద్భుతమైన పనితీరు జియో ప్లాట్ఫారమ్స్ జూన్ 2025తో ముగిసిన త్రైమాసికంలో 23.9 శాతం వృద్ధితో రూ. 18,135 కోట్ల EBITDAని నివేదించింది. ఈ కాలంలో కంపెనీ 99 లక్షల మంది కొత్త వినియోగదారులను జోడించుకుంది. దాని మొత్తం సబ్స్క్రైబర్ బేస్ 49.8 కోట్లకు (498.1 మిలియన్లు) పెరిగింది.
- JioTrue5G వినియోగదారులు: ఇప్పుడు 21.2 కోట్లు.
- స్థిర బ్రాడ్బ్యాండ్ కనెక్షన్లు: దాదాపు 2 కోట్లు.
- JioAirFiber: 74 లక్షల మంది వినియోగదారులతో ప్రపంచంలోనే అతిపెద్ద ఫిక్స్డ్ వైర్లెస్ యాక్సెస్ (FWA) సేవగా అవతరించింది.
జియో సగటు వినియోగదారు ఆదాయం (ARPU) రూ. 208.7 కి చేరుకుంది. ప్రతి వినియోగదారుడు నెలకు సగటున 37GB డేటాను ఉపయోగిస్తున్నారు. మొత్తం డేటా ట్రాఫిక్ సంవత్సరానికి 24 శాతం పెరిగింది.
జియో అన్లిమిటెడ్ ఆఫర్:
క్రికెట్ సీజన్లో అద్భుతమైన స్పందన వచ్చిన తర్వాత జియో తన ‘జియో అన్లిమిటెడ్ ఆఫర్ 2025’ను పొడిగించింది. దీని ప్రకారం.. 3 నెలల పాటు ఉచిత JioHotstar సబ్స్క్రిప్షన్, జియో ప్రీపెయిడ్, పోస్ట్పెయిడ్ వినియోగదారులు 4K నాణ్యతలో మొబైల్, టీవీలో 90 రోజుల ఉచిత జియో హాట్స్టార్ సభ్యత్వాన్ని పొందుతారు.
ఈ ఆఫర్ను ఎవరు పొందవచ్చు?
ప్రీపెయిడ్ వినియోగదారులు: రూ. 349, అంతకంటే ఎక్కువ ప్లాన్లపై (రోజుకు 1.5GB లేదా అంతకంటే ఎక్కువ డేటా). పోస్ట్పెయిడ్ వినియోగదారులు: నెలకు రూ. 349 లేదా అంతకంటే ఎక్కువ ప్లాన్లపై.
ఎవరు తీసుకోలేరు?
- JioBharat, JioPhone, వాయిస్-ఓన్లీ ప్లాన్ వినియోగదారులు ఈ ఆఫర్కు అర్హులు కారు.
- 50 రోజుల ఉచిత JioFiber, JioAirFiber ట్రయల్:
కస్టమర్లు ఇప్పుడు 50 రోజుల పాటు వారి ఇళ్లలో సూపర్ఫాస్ట్ ఇంటర్నెట్ ఉచిత ట్రయల్ను పొందవచ్చు. దీని కోసం రూ. 500 రీఫండబుల్ డిపాజిట్ చెల్లించాలి. ఇది 6 నెలల తర్వాత ఐదు రూ.100 వోచర్ల రూపంలో తిరిగి పొందుతారు.
ఇది కూడా చదవండి: Honda Activa 6G: హోండా యాక్టివా 6G.. 316 కి.మీ మైలేజ్.. రూ.5 వేలు చెల్లిస్తే చాలు స్కూటీ మీ సొంతం!
ఈ ఆఫర్ను ఎవరు పొందవచ్చు?
- రూ.349 లేదా అంతకంటే ఎక్కువ రీఛార్జ్ చేసుకునే ప్రీపెయిడ్ వినియోగదారులు.
- రూ.349 లేదా అంతకంటే ఎక్కువ పోస్ట్పెయిడ్ ప్లాన్ తీసుకుంటున్న వినియోగదారులు.
- ట్రయల్ ముగిసిన తర్వాత వినియోగదారులు స్వయంచాలకంగా నెలకు రూ.599 జియోఫైబర్ లేదా ఎయిర్ ఫైబర్ ప్లాన్కు మారతారు.
ఆఫర్ను ఎలా పొందాలి?
కస్టమర్లు MyJio యాప్ లేదా Jio.com ని సందర్శించడం ద్వారా ఈ ఆఫర్ను పొందవచ్చు. ఈ ఆఫర్ జూలై 1, 2025 నుండి ప్రారంభమైంది. పరిమిత కాలం వరకు మాత్రమే అందుబాటులో ఉంటుంది.
ఇది కూడా చదవండి: Viral Video: ఏం తెలివిరా నాయానా..! ఇలాంటి దొంగతనం మీరు ఎప్పుడు చూసి ఉండరు.. వీడియో వైరల్
మరిన్ని బిజినెస్ వార్తల కోసం ఇక్కడ క్లిక్ చేయండి
