Cobra Snakes: షాకింగ్ ఘటన.. ఇంట్లో 18 కోబ్రా పాములు.. చివరకు ఏం చేశారంటే..
Cobra Snakes: సాధారణంగా ఇంట్లో పాము కనిపిస్తే చాలు భయంతో వణికిపోతుంటాము. అలాంటిది ఏకంగా కింగ్ కోబ్రా పాములు కనిపిస్తే ఎలా ఉంటుంది.. గుండె ఆగినంత పనవుతుంది. అలాంటిది ఓ ఇంట్లో ఏకంగా 18 కింగ్ కోబ్రా పాములు బయటపడ్డాయి. దీంతో కుటుంబ సభ్యులు..
Updated on: Jul 18, 2025 | 6:37 PM
యూపీలోని మహారాజ్గంజ్ జిల్లాలోని బుధాదిహ్ కాలా గ్రామంలో నిచ్లౌల్ ప్రాంతంలోని ఒక ఇంట్లో 18 కోబ్రా పాము పిల్లలు కనిపించడంతో కలకలం రేగింది. ఒక్కసారిగా ఈ కోబ్రా పాములను చూసిన కుటుంబ సభ్యులు భయంతో ఇంటి నుండి వెళ్లిపోయారు. ఇంటి బయట జనం గుమిగూడారు. గ్రామ నివాసి అక్షయ్ గుప్తా అఖిలేష్ కసౌధన్ ఇంట్లో పాములు ఉన్నట్లు అటవీ శాఖకు సమాచారం అందించారు. ఒక్కసారిగా ఇన్ని కోబ్రా పాములు కనిపించడంలో భయంతో పరుగులు తీశారు.
సమాచారం అందిన వెంటనే, వన్యప్రాణి సంరక్షణ బృందం సభ్యులు రాంబచన్ సాహ్ని, కుల్దీప్ మౌర్య, రాజేష్ పట్వా సంఘటనా స్థలానికి చేరుకున్నారు. పాముల ఉనికిని చూసి భయపడిన కుటుంబ సభ్యులు ఇంటి నుండి వెళ్లిపోయారు. ఆ బృందం అన్ని కోబ్రా పిల్లలను జాగ్రత్తగా రక్షించింది. అటవీ శాఖ అన్ని పాములను సురక్షితంగా పట్టుకుని మధ్వాలియా రేంజ్ అడవిలో వదిలివేసింది.
ఇది కూడా చదవండి: ప్రజలకు ఇది కదా కావాల్సింది.. రూ.20 లక్షలకు 1BHK ప్లాట్.. మెట్రో, రైల్వే సమీపంలో..
పాములన్నీ పూర్తిగా ఆరోగ్యంగా ఉన్నాయని, వాటిని సురక్షితంగా వాటి సహజ ఆవాసాలకు తరలించామని రెస్క్యూ టీం సభ్యుడు రాంబచన్ సాహ్ని అన్నారు. ఎక్కడైనా పాములను చూసినట్లయితే ప్రజలు భయపడవద్దని, వెంటనే అటవీ శాఖకు తెలియజేయాలని, తద్వారా సకాలంలో తగిన చర్యలు తీసుకోవచ్చని, ఎటువంటి ప్రాణ, ఆస్తి నష్టం జరగకుండా చూడాలని ఆయన ప్రజలను కోరారు.
ఈ సంఘటన కారణంగా కుటుంబం, చుట్టుపక్కల ప్రజలు చాలా భయపడుతున్నారు. ఎందుకంటే ఒక ఇంట్లో ఇంత పెద్ద సంఖ్యలో కోబ్రా పిల్లలు పుట్టడం ఇదే మొదటిసారి.
ఇది కూడా చదవండి: Astrology: జూలై 18 నుంచి ఈ 4 రాశుల వారికి తిరుగుండదు.. అదృష్టం వరిస్తుంది!
మరిన్ని జాతీయ వార్తల కోసం ఇక్కడ క్లిక్ చేయండి
