Income Tax Refund: 1 కోటి మందికి పైగా ఖాతాలో డబ్బులు క్రెడిట్‌.. మరి మీకు వచ్చిందా? చెక్‌ చేసుకోండిలా..!
ఆదాయపు పన్ను రిటర్న్‌ను ఫైల్ చేయడానికి ఎక్కువ సమయం లేదు. ఇప్పుడు ప్రతిరోజు రికార్డు స్థాయిలో ఐటీఆర్‌లు నమోదు కావడానికి ఇదే కారణం. గత కొద్ది రోజుల్లోనే మొత్తం రిటర్నులు దాఖలయ్యాయి. ఇంకో విషయం ఏంటంటే చాలా మందికి..
Updated on: Jul 17, 2023 | 6:30 AM
ఆదాయపు పన్ను రిటర్న్‌ను ఫైల్ చేయడానికి ఎక్కువ సమయం లేదు. ఇప్పుడు ప్రతిరోజు రికార్డు స్థాయిలో ఐటీఆర్‌లు నమోదు కావడానికి ఇదే కారణం. గత కొద్ది రోజుల్లోనే మొత్తం రిటర్నులు దాఖలయ్యాయి. ఇంకో విషయం ఏంటంటే చాలా మందికి డబ్బులు వాపసు కూడా వచ్చింది.
ఆదాయపు పన్ను శాఖ పోర్టల్‌లో అందుబాటులో ఉన్న సమాచారం ప్రకారం.. ఇప్పటివరకు 11.31 కోట్ల మంది వ్యక్తిగత పన్ను చెల్లింపుదారులు పోర్టల్‌లో నమోదు చేసుకున్నారు. ప్రస్తుత సీజన్ అంటే 2023-24 అసెస్‌మెంట్ సంవత్సరం గురించి మాట్లాడితే, ఇప్పటివరకు 2.61 కోట్లకు పైగా ఆదాయపు పన్ను రిటర్న్‌లు దాఖలు చేయబడ్డాయి. వారం రోజుల క్రితం వీరి సంఖ్య దాదాపు 1.30 కోట్లు.
వీటిలో సుమారు 2.41 కోట్ల ఆదాయపు పన్ను రిటర్న్‌లు కూడా ధృవీకరించారు. ఆదాయపు పన్ను రిటర్న్‌ను దాఖలు చేయడం ద్వారా పని పూర్తి కాదని, దానిని ధృవీకరించడం కూడా అవసరమే. వెరిఫికేషన్ తర్వాత మాత్రమే రిటర్న్ ఫైల్ చేసే ప్రక్రియ పూర్తయినట్లు పరిగణించబడుతుంది. ఆ తర్వాత ఆదాయపు పన్ను శాఖ రిటర్న్‌ను ప్రాసెస్ చేస్తుంది. మొత్తం సమాచారం సరైనదని తేలితే, పన్ను చెల్లింపుదారు క్లెయిమ్ చేసిన రీఫండ్ పన్ను చెల్లింపుదారుల ఖాతాలో జమ చేయబడుతుంది.
వేగవంతమైన ప్రాసెసింగ్
ఆదాయపు పన్ను శాఖ వారం రోజుల క్రితం ఆదాయపు పన్ను రిటర్న్‌ల ప్రక్రియను ప్రారంభించింది. ఇప్పుడు ఆదాయపు పన్ను రిటర్న్‌లను ప్రాసెస్ చేసే ప్రక్రియ కూడా ఊపందుకుంది. పోర్టల్‌లో ఇచ్చిన సమాచారం ప్రకారం..ఆదాయపు పన్ను శాఖ ఇప్పటివరకు 1.13 కోట్ల ధృవీకరించబడిన ఆదాయపు పన్ను రిటర్న్‌లను ప్రాసెస్ చేసింది. ఈ రీఫండ్ డబ్బులో ఎక్కువ భాగం అర్హత కలిగిన పన్ను చెల్లింపుదారుల ఖాతాలో జమ చేసింది.
మీరు ఆదాయపు పన్ను రిటర్న్‌ను కూడా దాఖలు చేసినట్లయితే, మీరు ఎప్పుడైనా దాని స్థితిని తనిఖీ చేయవచ్చు. రిటర్న్ దాఖలు చేసిన వెంటనే అది ధృవీకరించబడుతుంది. ఇప్పుడు ఆ శాఖ ఈ పనికి వారం రోజుల సమయం పడుతోంది. రిటర్న్ ప్రాసెస్ చేసిన తర్వాత 1-2 రోజులలోపు తిరిగి డబ్బు మీ అకౌంట్‌లో క్రెడిట్‌ అవుతుంది.
ఆదాయ పన్ను రీఫండ్ స్థితిని ఎలా తనిఖీ చేయాలి..?
- ముందుగా ఆదాయపు పన్ను శాఖ ఈ-ఫైలింగ్ పోర్టల్‌ని సందర్శించండి
- తర్వాత లింక్‌ల ఆప్షన్‌ను ఎంచుకోండి
- మీరు డ్రాప్‌డౌన్ మెనులో నో యువర్ రీఫండ్ కనిపిస్తుంది. దానిపై క్లిక్ చేయండి
- ఇప్పుడు పాన్ నంబర్, అసెస్‌మెంట్ ఇయర్, మొబైల్ నంబర్ వంటి వివరాలను పూరించండి
- మీ మొబైల్ నంబర్‌కు OTP వస్తుంది. దానిని నమోదు చేయడం ద్వారా రీఫండ్ స్థితి కనిపిస్తుంది
మరిన్ని బిజినెస్ వార్తల కోసం ఇక్కడ క్లిక్ చేయండి
