Insurance: గృహ రుణ బీమా.. గృహ బీమా మధ్య తేడా ఏమిటి? దేనికి ఎలాంటి ప్రయోజనాలు!

Home Insurance vs Home Loan Insurance: ఇంటికి బీమా కొనడం అనేది ఒక పెద్ద ప్రశ్న. ఇది సామాన్యులకు ఒక ముఖ్యమైన నిర్ణయం. కానీ సరైన సమాచారం లేకపోవడం వల్ల ప్రజలు తప్పుడు నిర్ణయాలు తీసుకుంటారు. తరచుగా ప్రజలు గృహ రుణ బీమా, గృహ బీమా ఒకటేనని భావిస్తారు. కానీ రెండూ కూడా వేర్వేరు. చాలాసార్లు బీమా కంపెనీలు పాలసీకి యాడ్-ఆన్‌ల ద్వారా అదనపు ప్రయోజనాలను ఇవ్వడం ద్వారా ప్రీమియంను పెంచుతాయి. అందుకే పాలసీని కొనుగోలు చేసేటప్పుడు, దాని నిబంధనలు, షరతులను జాగ్రత్తగా చదవండి. తద్వారా మీరు క్లెయిమ్‌ను ముందుకు తీసుకెళ్లేటప్పుడు ఎటువంటి సమస్యను ఎదుర్కోవాల్సిన అవసరం లేదు.

గృహ బీమా అంటే ఏమిటి?

IRDAI అన్ని జనరల్ ఇన్సూరెన్స్ కంపెనీలను ఏప్రిల్ 1, 2021 నుండి ‘భారత్ గృహ రక్ష’ అనే ప్రామాణిక గృహ బీమా పాలసీని అందించాలని ఆదేశించింది. ఈ పాలసీ అగ్ని, వరద, భూకంపం, అగ్నిపర్వతం వంటి ప్రకృతి వైపరీత్యాల వల్ల కలిగే నష్టం నుండి ఇంటి నిర్మాణాన్ని, దానిలోని వస్తువులను రక్షిస్తుంది. గృహ బీమాలో భవన నిర్మాణం, ఇంటి సామాగ్రి, ఐచ్ఛిక కవరేజీలు ఉంటాయి. ఐచ్ఛిక కవర్లలో ఆభరణాలు, వెండి వస్తువులు, పెయింటింగ్‌లు మొదలైనవి ఉండవచ్చు. వీటికి అదనపు ప్రీమియం చెల్లించాల్సి ఉంటుంది. ఒక ప్రమాదంలో ఇంటికి నష్టం జరిగి, బీమా చేయబడిన వ్యక్తి లేదా అతని/ఆమె జీవిత భాగస్వామి మరణానికి దారితీస్తే, ఈ పాలసీ వ్యక్తిగత ప్రమాద కవరేజీని కూడా అందిస్తుంది.

ఇది కూడా చదవండి: April New Rrules: వినియోగదారులకు అలర్ట్‌.. ఏప్రిల్‌ 1 నుంచి మారనున్న నిబంధనలు ఇవే!

గృహ రుణ బీమా అంటే ఏమిటి?

ఏదైనా కారణం చేత గృహ రుణ కస్టమర్ EMI చెల్లించలేకపోతే, గృహ రుణ బీమా సహాయకరంగా ఉంటుంది. ఉదాహరణకు, ఎవరైనా 30 సంవత్సరాల పాటు రుణం తీసుకొని ఈ కాలంలో మరణిస్తే, బీమా కంపెనీ మిగిలిన రుణ మొత్తాన్ని చెల్లిస్తుంది. అందుకే కుటుంబంపై EMI భారం ఉండదు.

గృహ రుణ బీమా మరణం, తీవ్రమైన అనారోగ్యం, ఉద్యోగ నష్టం లేదా ఆదాయ నష్టం అనే మూడు రకాల కవరేజీని కూడా అందిస్తుంది. పాలసీదారుడు మరణిస్తే లేదా తీవ్రమైన అనారోగ్యం కారణంగా పని చేయలేకపోతే లేదా ఉద్యోగం కోల్పోతే, ఈ బీమా పాలసీ బకాయి ఉన్న రుణ మొత్తాన్ని చెల్లించడంలో సహాయపడుతుంది. దీనివల్ల కుటుంబంపై ఎలాంటి ఆర్థిక భారం పడదు.

ఎవరు తీసుకోవవచ్చు?

గృహ బీమా: ఇంటి నిర్మాణానికి ఇంటి యజమాని మాత్రమే బీమా తీసుకోవచ్చు. కానీ అద్దెదారు ఇంట్లో ఉంచిన వస్తువులకు బీమా తీసుకోవచ్చు.

గృహ రుణ బీమా: గృహ రుణం తీసుకున్న వ్యక్తి మాత్రమే దీనిని పొందవచ్చు.

ప్రీమియంలను పోల్చండి:

గృహ రుణ బీమా ప్రీమియం గృహ బీమా కంటే ఎక్కువగా ఉంటుంది.

గృహ రుణ బీమా డౌన్ పేమెంట్‌ను తగ్గించడంలో సహాయపడుతుంది. అయితే గృహ బీమా డౌన్ పేమెంట్‌పై ఎటువంటి ప్రభావం చూపదు.

ఇవి తప్పనిసరినా?

IRDAI, RBI ఏ రకమైన గృహ బీమాను తప్పనిసరి చేయలేదు. ఈ రెండు పాలసీలు తప్పనిసరి కావు. కానీ సరైన సమయంలో క్లెయిమ్ చేసుకుంటే ప్రయోజనకరంగా ఉంటాయి.

ఇది కూడా చదవండి: Ration Card: రేషన్ కార్డుదారులు అలర్ట్‌.. ఈ పని చేయకుంటే ఏప్రిల్‌ నుంచి ఉచిత రేషన్‌ అందదు!

మరిన్ని బిజినెస్ వార్తల కోసం ఇక్కడ క్లిక్ చేయండి