Small Savings Schemes: చిన్న మొత్తాల పొదుపు ఖాతాదారులకు గుడ్‌ న్యూస్‌.. ఐదేళ్ల డిపాజిట్‌పై వడ్డీ పెంపు..!

మధ్యతరగతి ప్రజలు ఎక్కువగా డిపాజిట్‌ చేసే రికరింగ్‌ డిపాజిట్‌ పథకంపై తాజాగా వడ్డీ రేటును పెంచింది. ఐదేళ్ల రికరింగ్ డిపాజిట్ స్మాల్ సేవింగ్స్ స్కీమ్ కింద అందించే వడ్డీ రేటులో 20 బేసిస్ పాయింట్ల పెంపును ప్రభుత్వం ఇటీవల ప్రకటించింది. వడ్డీ రేటు డిసెంబర్ 31, 2023తో ముగిసే త్రైమాసికానికి వర్తిస్తుంది. ఈ తాజా పెంపుపై మరిన్ని విషయాలు తెలుసుకుందాం.

Recurring Deposits

Nikhil | Edited By: Ram Naramaneni|
Updated on: Sep 30, 2023 | 10:25 PM

ధనం మూలం ఇదం జగత్‌ వంటి సామెతలు సమాజంలో డబ్బుకు ఉన్న ప్రాధాన్యతను తెలియజేస్తాయి. మన దగ్గర డబ్బు ఉన్నప్పుడే బంధుత్వాలు, బాంధవ్యాలు అన్నీ ఉంటాయి. అందువల్లే దీపం ఉన్నప్పుడే ఇల్లు చక్కదిద్దుకోవాలనే ఉద్దేశంతో పొదుపు పథకాల్లో పెట్టుబడి ఆవశ్యకతను నిపుణులు సూచిస్తూ ఉంటారు. ప్రభుత్వాలు కూడా ప్రజలకు పెట్టుబడి వైపు మళ్లించడానికి వివిధ చిన్న మొత్తాల పొదుపు ఖాతాలపై అధిక వడ్డీని అందిస్తున్నాయి. ఈ తరహా ఖాతాలపై గత రెండేళ్ల నుంచి వడ్డీ రేట్లు పెరుగుతూ ఉన్నాయి. అయితే గత రెండు త్రైమాసికాల నుంచి ఆర్‌బీఐ రెపో రేటు యథాతథంగా ఉంచడంతో ఈ రేటు పెంపునకు బ్రేక్‌ పడింది. అయితే మధ్యతరగతి ప్రజలు ఎక్కువగా డిపాజిట్‌ చేసే రికరింగ్‌ డిపాజిట్‌ పథకంపై తాజాగా వడ్డీ రేటును పెంచింది. ఐదేళ్ల రికరింగ్ డిపాజిట్ స్మాల్ సేవింగ్స్ స్కీమ్ కింద అందించే వడ్డీ రేటులో 20 బేసిస్ పాయింట్ల పెంపును ప్రభుత్వం ఇటీవల ప్రకటించింది. వడ్డీ రేటు డిసెంబర్ 31, 2023తో ముగిసే త్రైమాసికానికి వర్తిస్తుంది. ఈ తాజా పెంపుపై మరిన్ని విషయాలు తెలుసుకుందాం.

అక్టోబరు 1 నుంచి అమల్లోకి రానున్న కొత్త వడ్డీ రేటు ప్రస్తుతం 6.5 శాతానికి బదులుగా 6.7 శాతంగా ఉంటుందని ప్రభుత్వం ప్రకటనలో పేర్కొంది. అయితే నెలవారీ ఆదాయ ఖాతా పథకాలైన పబ్లిక్ ప్రావిడెంట్ ఫండ్ పథకం, కిసాన్ వికాస్ పత్ర పొదుపు ధ్రువపత్రాలతో సహా ఇతర చిన్న పొదుపు పథకాలకు వర్తించే వడ్డీ రేట్లు మాత్రం మారలేదు. ఆర్‌డీ ఖాతాను నెలకు కనీసం రూ. 100 పెట్టుబడితో ఐదు సంవత్సరాల ఆర్‌డీ ఖాతాను ఏర్పాటు చేసుకోవచ్చు. నెలకు రూ. 100తో ప్రారంభమయ్యే రూ. 10 గుణిజాల్లో ఏదైనా మొత్తాన్ని ఆర్‌డీ పథకంలో పెట్టుబడి పెట్టవచ్చు. ఈ పథకాన్ని అన్ని చిన్న పొదుపు పథకాల మాదిరిగానే ఐదేళ్ల ఆర్‌డీ ఖాతా ఎంపిక చేసిన బ్యాంకులు, నియమించిన పోస్టాఫీసు శాఖలలో అందుబాటులో ఉంటుంది.

పెట్టుబడికి అర్హత

ఆర్‌డీ ఖాతాను ముగ్గురు పెద్దలు, మైనర్ తరపున గార్డియన్ లేదా 10 సంవత్సరాల కంటే ఎక్కువ వయస్సు ఉన్న మైనర్ ద్వారా ఒంటరిగా లేదా ఉమ్మడిగా నిర్వహించవచ్చు. అయితే ఈ చిన్న పొదుపు పథకం కింద ఒక వ్యక్తి లేదా వ్యక్తుల సమూహం కలిగి ఉండే ఖాతాల సంఖ్యకు పరిమితి లేదు. ఖాతాను సెట్‌ చేసిన తర్వాత నెలలోని మొదటి, రెండో పక్షం రోజులలో వరుసగా తెరిస్తే తదుపరి డిపాజిట్లు 15వ రోజు లేదా నెలలో చివరి వర్కింగ్‌ డేలో పెట్టుబడిని జమ చేయాల్సి ఉంటుంది.

ఇవి కూడా చదవండి

ముందస్తు డిపాజిట్ సౌకర్యం

ఖాతా తెరిచే సమయంలో లేదా ఆ తర్వాత ఎప్పుడైనా ఐదేళ్ల ముందు వరకు అడ్వాన్స్‌డ్ డిపాజిట్లు చేయవచ్చు. కనీసం ఆరు ముందస్తు చెల్లింపులు చేసే డిపాజిటర్లు ఆరు నెలల పాటు నెలకు రూ. 100 మరియు 12 నెలలకు రూ. 40 రికరింగ్ డిపాజిట్‌పై రూ. 10 తగ్గింపునకు అర్హులు.

జరిమానా ఇలా

ఆర్‌డీ ఖాతాలోని సొమ్మను చెల్లించడంలో విఫలమైతే ఆర్‌డీ మొత్తంలో ఒక శాతం జరిమానా వర్తిస్తుంది. నాలుగు బ్యాక్-టు-బ్యాక్ డిఫాల్ట్‌ల తర్వాత ఖాతా నిలిపివేస్తారు.

రుణ సౌకర్యం

12 వాయిదాలను పూర్తి చేసిన తర్వాత డిపాజిట్ ఖాతాలోని బ్యాలెన్స్ క్రెడిట్‌లో 50 శాతం వరకు రుణ సదుపాయానికి అర్హులు. ఈ రుణాన్ని ఏకమొత్తంలో లేదా సమాన నెలవారీ వాయిదాలలో తిరిగి చెల్లించవచ్చు. ఆర్‌డీ ఖాతాకు సంబంధించిన వడ్డీ రేటుపై 200 బేసిస్ పాయింట్ల వడ్డీ రేటు అటువంటి రుణాలకు వర్తిస్తుంది.