Fact Check: పీఎం కన్యా ఆశీర్వాద్ యోజన పథకం కింద కేంద్రం కుమార్తెలకు రూ.1.50 లక్షలు ఇస్తోందా? ఇందులో నిజమెంత? పూర్తి వివరాలు
ఈ రోజుల్లో సోషల్ మీడియాలో రకరకాల వార్తలు వైరల్ అవుతుంటాయి. అందులో కొన్ని నిజమైనవి ఉంటాయి.. కొన్ని ఫేక్ ఉంటాయి. అయితే ఎక్కువ వైరల్ అయ్యేవి ఫేక్ న్యూస్‌. తాజాగా..
ఈ రోజుల్లో సోషల్ మీడియాలో రకరకాల వార్తలు వైరల్ అవుతుంటాయి. అందులో కొన్ని నిజమైనవి ఉంటాయి.. కొన్ని ఫేక్ ఉంటాయి. అయితే ఎక్కువ వైరల్ అయ్యేవి ఫేక్ న్యూస్‌. తాజాగా ఓ న్యూస్‌ సోషల్ మీడియాలో వైరల్ అవుతోంది. ఇందులో అమ్మాయిలను ఆర్థికంగా బలోపేతం చేయడానికి కేంద్ర ప్రభుత్వం వారికి 1.50 రూపాయలు అందిస్తోందని దీని సారాంశం. ఈ మెసేజ్ సోషల్ మీడియాలో విపరీతంగా వైరల్ అవుతోంది. దీంతో పాటు కొన్ని యూట్యూబ్ ఛానెల్స్ కూడా ఇదే వాదనను వినిపించాయి. మీరు కూడా ఈ వైరల్ సందేశాన్ని చూసినట్లయితే, ఈ క్లెయిమ్‌ను విశ్వసించే ముందు అసలు నిజం తెలుసుకోవడం చాలా ముఖ్యం. ప్రెస్ ఇన్ఫర్మేషన్ బ్యూరో (పీఐబీ) ఈ మెసేజ్‌పై నిజనిర్ధారణ చేసింది. ప్రధాన మంత్రి కన్యా ఆశీర్వాద్ యోజన పేరుతో ప్రభుత్వం నిజంగా ఏదైనా పథకాన్ని ప్రారంభించిందో లేదో తెలుసుకోండి.
పీఐబీ ఫ్యాక్ట్ చెకింగ్ నిజమెంతా..?
ప్రజలను తప్పుదారి పట్టించే వార్తల నుండి రక్షించడానికి ప్రభుత్వ ప్రెస్ ఇన్ఫర్మేషన్ బ్యూరో ఈ వార్తలను వాస్తవికంగా తనిఖీ చేసింది. ఇందుకు సంబంధించిన సమాచారాన్ని పీఐబీ అధికారిక ట్విట్టర్ హ్యాండిల్‌లో షేర్ చేసింది. ‘పీఎం కన్యా ఆశీర్వాద్ యోజన’ పేరుతో కేంద్ర ప్రభుత్వం ఏ పథకాన్ని అమలు చేయడం లేదని పీఐబీ తన ట్వీట్‌లో పేర్కొంది. సోషల్ మీడియాలో వైరల్ అవుతున్న ఇది పూర్తిగా ఫేక్. అలాంటి సందేశాల ముసుగులో పడి మీ వ్యక్తిగత సమాచారాన్ని ఎవరితోనూ పంచుకోవద్దని హెచ్చరించింది.
सरकारी गुरु’ नामक एक #YouTube चैनल की एक वीडियो में दावा किया गया है कि ‘प्रधानमंत्री कन्या आशीर्वाद योजना’ के तहत सभी बेटियों को ₹1,50,000 की राशि मिलेगी।#PIBFactCheck
▶️ यह दावा फ़र्ज़ी है। ▶️ केंद्र सरकार द्वारा ऐसी कोई योजना नहीं चलाई जा रही है। pic.twitter.com/TmBh2BWZuX
— PIB Fact Check (@PIBFactCheck) October 7, 2022
మీరు వైరల్ సందేశాన్ని కూడా అనుమానించినట్లయితే, మీరు దాని వాస్తవాన్ని తనిఖీ చేయాలనుకుంటే పీఐబీ ద్వారా తెలుసుకోవచ్చు. దీని కోసం, మీరు దాని అధికారిక లింక్ ను సందర్శించడం ద్వారా మీ వార్తల వాస్తవాన్ని తనిఖీ చేయవచ్చు. అదే సమయంలో మీకు కావాలంటే మీరు దాని వాట్సాప్‌ నెంబర్‌ 8799711259 లేదా ఇమెయిల్ ఐడి కి మెయిల్ చేయడం ద్వారా చేసిన ఇలాంటి ఫేక్ స్కీమ్‌ల గురించి తనిఖీ చేసి వివరాలు పొందవచ్చు. ఇంకో ముఖ్య విషయం ఏంటంటే ఏదైనా పథకానికి దరఖాస్తు చేసే ముందు దాని గురించి పూర్తి సమాచారాన్ని తీసుకోవడం చాలా ముఖ్యం అని గుర్తుంచుకోండి. మీరు ఇలా చేయకపోతే, మీరు సైబర్ మోసానికి గురవుతారు. తస్మాత్‌ జాగ్రత్త.
మరిన్ని బిజినెస్ వార్తల కోసం ఇక్కడ క్లిక్ చేయండి
