తక్కువ వ్యవధి ఎక్కువ రాబడి.. టర్మ్‌ డిపాజిట్లపై వడ్డీ రేట్లు పెంచిన స్మాల్‌ ఫైనాన్స్‌ బ్యాంకు

Small Finance Banks: చిన్న ఫైనాన్స్ బ్యాంకులలో డబ్బును డిపాజిట్ చేయడం వల్ల చాలా ప్రయోజనాలు ఉన్నాయి. ముఖ్యమైన విషయం ఏంటంటే

Small Finance

uppula Raju |

Updated on: Jan 18, 2022 | 6:10 PM

Small Finance Banks: చిన్న ఫైనాన్స్ బ్యాంకులలో డబ్బును డిపాజిట్ చేయడం వల్ల చాలా ప్రయోజనాలు ఉన్నాయి. ముఖ్యమైన విషయం ఏంటంటే ప్రభుత్వ, ప్రైవేట్ బ్యాంకుల కంటే చిన్న బ్యాంకులు అధిక వడ్డీని చెల్లిస్తాయి. పెద్ద బ్యాంకుల్లో డిపాజిట్ చేసిన డబ్బుకు హామీ ఇచ్చినట్లే చిన్న బ్యాంకులకు కూడా డిపాజిట్ పథకం (డిఐసిజిసి) ప్రయోజనం అందుబాటులో ఉంది. ESAF స్మాల్ ఫైనాన్స్ బ్యాంక్ (ESAF SFB) పేరుతో ఒక బ్యాంక్ ఉంది. ఇది ఇటీవల రెసిడెంట్, నాన్ రెసిడెంట్ ఆర్డినరీ (NRO) నాన్ రెసిడెంట్ ఎక్స్‌టర్నల్ లేదా NRE ఖాతాలపై వడ్డీ రేట్లను మార్చింది.

ESAF స్మాల్ ఫైనాన్స్ బ్యాంక్ అత్యంత ప్రజాదరణ పొందిన పథకం రెసిడెంట్ టర్మ్ డిపాజిట్ స్కీమ్. ఈ టర్మ్ డిపాజిట్‌పై బ్యాంక్ డిపాజిటర్లకు 4.00 శాతం నుంచి 5.25 శాతం వడ్డీని ఇస్తోంది. ఈ వడ్డీ రేటు సామాన్య ప్రజల పథకాలకు సంబంధించినది. సీనియర్ సిటిజన్లకు 4.50 శాతం నుంచి 5.75 శాతం వరకు వడ్డీ ఇస్తోంది. 7 రోజుల నుంచి 365రోజుల వరకు డిపాజిట్ మొత్తంపై 5.75 శాతం వడ్డీ ఇస్తోంది. 365 నుంచి 366 రోజుల్లో మెచ్యూర్ అయ్యే టర్మ్ డిపాజిట్లలో సాధారణ డిపాజిటర్లకు అత్యధికంగా 6.50 శాతం వడ్డీ రేటు ఇస్తుంది. సీనియర్ సిటిజన్లకు ఈ పథకంలో 7 శాతం వడ్డీ ఇస్తుంది. ఈ కొత్త రేట్లు 20 డిసెంబర్ 2021 నుంచి అమల్లోకి వచ్చాయి.

సాధారణ వడ్డీ రేటు

7 నుంచి 14 రోజుల డిపాజిట్లపై సాధారణ వడ్డీ రేటు 4% సీనియర్ సిటిజన్లకు వడ్డీ రేటు 4.5%. 15 రోజుల నుంచి 59 రోజుల వరకు టర్మ్ డిపాజిట్లపై సాధారణ రేటు 4.5 శాతం సీనియర్ సిటిజన్లకు వడ్డీ రేటు 5 శాతం. 60 రోజుల నుంచి 90 రోజుల వరకు టర్మ్ డిపాజిట్లపై సాధారణ వడ్డీ రేటు 5.25 శాతం, సీనియర్ సిటిజన్లకు 5.75 శాతం. 91 రోజుల నుంచి 181 రోజుల వరకు డిపాజిట్లకు సాధారణ రేటు 5.5 శాతం, సీనియర్ సిటిజన్లకు వడ్డీ రేటు 6 శాతం. 182 రోజుల టర్మ్ డిపాజిట్‌పై సాధారణ వడ్డీ రేటు 5% సీనియర్ సిటిజన్‌లకు వడ్డీ రేటు 5.5%. 183 రోజుల నుంచి 363 రోజుల వరకు సాధారణ రేటు 5.75 శాతం సీనియర్ సిటిజన్లకు 6.25 శాతం వడ్డీ ఇస్తోంది.