ఈ చేప ఖరీదు 2 నుంచి 3 కోట్లు.. దీని రక్షణ కోసం సెక్యూరిటీ.. ఎందుకంత క్రేజ్‌ అంటే..?

Asian Dragon Fish: సోషల్ మీడియాలో తరచూ వింత వార్తలు చూస్తే ఉంటాం. కొన్ని చాలా తమాషని, ఆశ్చర్యాన్ని కలిగిస్తాయి. అలాంటిదే ఈ వార్త కూడా. మీరు నాన్ వెజ్ తినడానికి ఇష్టపడితే మీరు ఏదో ఒక సమయంలో మార్కెట్ నుంచి చేపలను కొనుగోలు చేసి ఉండాలి. వీటి కోసం మీరు ఎంత ఖర్చు చేసి ఉంటారు. ఓ మోస్తారు రూ. 500 నుంచి రూ.1000లోపు ఖర్చు చేసి ఉంటారు. కానీ ఒక చేప ఖరీదు రూ.2 నుంచి 3 కోట్లు అని తెలిస్తే నమ్ముతారా.. అవును ఇది నిజం. డ్రాగన్ ఫిష్ లేదా ఏషియన్ అరోవానా అని పిలిచే ఈ చేప ప్రపంచంలోనే అత్యంత ఖరీదైన చేపగా పేరుగాంచింది.

ఒక నివేదిక ప్రకారం.. చైనా ప్రజలు దీని కోసం అడిగిన మూల్యం చెల్లించడానికి సిద్ధంగా ఉంటారు. ఈ చేపను కొనుగోలు చేయడానికి ఎంత డబ్బైనా ఖర్చు చేస్తారు. ఈ చేపల వ్యవహారంతో జనం జైలుకి కూడా వెళ్లారంటే అర్థం చేసుకోవచ్చు. చైనాలో ప్రజలు ఈ చేపను స్థితి చిహ్నంగా భావిస్తారు. ఈ చేపలు ఎక్కడుంటే అక్కడ అదృష్టం ఉంటుందని నమ్ముతారు. ఈ ఎరుపు రంగు చేప విలువైన వజ్రం లాంటిది. ప్రజలు దీనిని అక్వేరియంలో ఉంచుతారు. ఈ చేప రక్షణ కోసం చాలా మంది తమ సెక్యూరిటీని కాపలాగా ఉంచుతారు.

19వ, 20వ శతాబ్దాలలో డ్రాగన్ ఫిష్ కోసం ప్రజలు ఒకరినొకరు చంపుకునేవారని చరిత్ర చెబుతోంది. 2009లో డ్రాగన్‌ ఫిష్‌ వ్యాపారం చేసే ఓ వ్యక్తి తాను ఒక చేపను 3 లక్షల డాలర్లకు అమ్మినట్లు తెలిపాడు. ఆసియాతో పాటు అనేక దేశాలలో ఈ చేపలను అమ్మడంపై నిషేధం ఉంది. అదే సమయంలో అమెరికాలో మీరు ఈ చేపను బ్లాక్ మార్కెట్ నుంచి కొనుగోలు చేయవచ్చు. అందుకే ఇక్కడ అక్రమంగా డ్రాగన్ ఫిష్ విక్రయించే వారికి జైలు శిక్ష తప్పదు. అందుకే ఈ చేప పట్ల ప్రజల్లో ఎప్పుడు ఆసక్తి నెలకొని ఉంటుంది.

కరోనా కొత్త మార్గదర్శకాలను జారీ చేసిన కేంద్రం.. ఆ లక్షణాలు కనిపిస్తే వెంటనే ఈ పరీక్ష చేయించుకోండి..

Liver Health: కాలేయం చెడిపోతే మనిషి పరిస్థితి దారుణం.. ఈ ఐదు పానీయాలు సూపర్ క్లీనర్స్..

చలికాలంలో తీపి తినాలనిపిస్తుందా.. ఇంట్లోనే రుచికరమైన బెల్లం అన్నం తయారు చేయండి..