Electric Vehicle: ఎలక్ట్రిక్ వాహనాలు కొనుగోలు చేసే వారికి గుడ్‌న్యూస్‌.. ఈ ఆరు ప్రయోజనాలు
Electric Vehicle: ఎలక్ట్రిక్ వాహనం (EV) కొనుగోలు చేయడం వల్ల అనేక ప్రయోజనాలు ఉన్నాయి. పెట్రోలు, డీజిల్ ధరలు పెరుగుతున్న నేపథ్యంలో ఎలక్ట్రిక్..
Electric Vehicle: ఎలక్ట్రిక్ వాహనం (EV) కొనుగోలు చేయడం వల్ల అనేక ప్రయోజనాలు ఉన్నాయి. పెట్రోలు, డీజిల్ ధరలు పెరుగుతున్న నేపథ్యంలో ఎలక్ట్రిక్ వాహనాలు అందుబాటులోకి వస్తున్నాయి. దీంతో వాహనదారులు కూడా ఈవీ వాహనాలపైనే ఆసక్తి చూపుతున్నారు. అయితే ఎలక్ట్రిక్ వాహనాల కొనుగోలు వల్ల కూడా కొన్ని ప్రయోజనాలు ఉన్నాయి. 2019 బడ్జెట్‌లో ప్రభుత్వం ఎలక్ట్రిక్ వాహనాలపై పన్ను మినహాయింపు ఇవ్వడం గురించి ప్రకటన చేసింది. ఈ ప్రయోజనం కేంద్ర స్థాయిలోనే కాదు, రాష్ట్ర ప్రభుత్వాలు కూడా తమ సొంత నిబంధనను ఏర్పాటు చేసుకుంటాయి. ఆదాయపు పన్ను సెక్షన్ 80EEB కింద రుణం వడ్డీపై పన్ను మినహాయింపు లభిస్తుంది.
- GST రేటు: ఎలక్ట్రిక్ వాహనాలపై ప్రభుత్వం జీఎస్టీ మినహాయింపు ఇస్తుంది. గతంలో 12 శాతం ఉన్న జీఎస్టీని 5 శాతానికి తగ్గించారు.
- పన్ను ఆదా: మీరు కారు లోన్ తీసుకొని EVని కొనుగోలు చేస్తే మీరు దాని వడ్డీపై పన్ను మినహాయింపు పొందవచ్చు. ఈ ప్రయోజనం సెక్షన్ 80EEB కింద ఇవ్వబడింది. రుణాన్ని బ్యాంకు లేదా NBFC నుండి మాత్రమే తీసుకోవాలని గుర్తుంచుకోండి.
- గ్రీన్ టాక్స్ ప్రయోజనం: ఎలక్ట్రిక్ వాహనాలపై గ్రీన్ ట్యాక్స్ లేదు. గ్రీన్ ట్యాక్స్ అంటే ప్రతి 15 ఏళ్లకు ఒకసారి వాహనాల రిజిస్ట్రేషన్ రెన్యూవల్ చేసుకోవాలి అందుకు కొంత పన్ను చెల్లించాల్సి ఉంటుంది. అయితే ఎలక్ట్రిక్ వాహనాలకు అలాంటి పన్ను లేదు.
- తక్కువ నిర్వహణ ఖర్చు: డీజిల్ లేదా పెట్రోల్ కారుతో పోలిస్తే EV నిర్వహణ ఖర్చు చాలా తక్కువ. సాధారణ వాహనాలతో పోలిస్తే దీని విడిభాగాలు కూడా చౌకగా లభిస్తాయి.
- ఎలక్ట్రిక్ కార్ ఇన్సూరెన్స్: ఎలక్ట్రిక్ కార్ ఇన్సూరెన్స్‌లో మనకు తెలియని అనేక సౌకర్యాలు అందుబాటులో ఉన్నాయి. దీని నష్టం కూడా సాధారణ వాహనాల కంటే వేగంగా భర్తీ చేయబడుతుంది. మోటారు వాహన చట్టం ప్రకారం, కనీసం థర్డ్ పార్టీ లయబిలిటీ కవర్ తీసుకోవడం తప్పనిసరి. ఇది మీ వాహనానికి ప్రమాదవశాత్తు కవర్, నష్టాన్ని కూడా అందిస్తుంది.
- PUC సర్టిఫికేట్ అవసరం లేదు: మీరు ఎలక్ట్రిక్ కారును కొనుగోలు చేస్తే, మీరు కాలుష్య నియంత్రణ ప్రమాణపత్రాన్ని తీసుకోవలసిన అవసరం లేదు. ఎలక్ట్రిక్ కారు బ్యాటరీతో నడుస్తుంది. అందుకే ఇది ఎలాంటి కాలుష్యాన్ని కలిగించదు. పీయూసీ సర్టిఫికెట్ అవసరం లేదు.
సెక్షన్ 80EEBలో మినహాయింపు షరతులు
☛ EV కొనుగోలు కోసం మాత్రమే లోన్ తీసుకోవాలి.
☛ రుణాన్ని ఆర్థిక సంస్థ, బ్యాంక్ లేదా NBFC నుండి తీసుకోవాలి.
☛ పన్ను మినహాయింపు ప్రయోజనం రుణంపై వడ్డీపై మాత్రమే ఇవ్వబడుతుంది.
☛ వ్యక్తిగత పన్ను చెల్లింపుదారులు సెక్షన్ 80EEB కింద పన్ను మినహాయింపు పొందుతారు.
☛ రుణం పంపిణీ వ్యవధి అసెస్‌మెంట్ సంవత్సరం 2020-21 నుండి 2022-23 వరకు ఉండాలి.
☛ మినహాయింపు క్లెయిమ్ మొత్తం రూ. 1.5 లక్షలకు మించకూడదు.
మరిన్ని బిజినెస్ వార్తల కోసం ఇక్కడ క్లిక్ చేయండి..
