Paytm: పేటీఎంకు ఈడీ నోటీసులు.. రూ.611 కోట్ల మోసం ఆరోపణలు!
Paytm: విదేశీ మారక ద్రవ్య నిర్వహణ చట్టం (FEMA) ఉల్లంఘనలకు పాల్పడినందుకు పేటీఎం మాతృ సంస్థ అయిన వన్97 కమ్యూనికేషన్స్ లిమిటెడ్ (OCL), దాని అనుబంధ సంస్థలకు ఎన్ఫోర్స్మెంట్ డైరెక్టరేట్ (ED) షో-కాజ్ నోటీసు (SCN) జారీ చేసింది . ఈ సంస్థకు..
Updated on: Mar 03, 2025 | 8:23 PM
విదేశీ మారక ద్రవ్య నిర్వహణ చట్టం (FEMA), 1999 ఉల్లంఘనకు సంబంధించి ఎన్ఫోర్స్మెంట్ డైరెక్టరేట్ (ED), One97 కమ్యూనికేషన్ లిమిటెడ్ (Paytm మాతృ సంస్థ), దాని మేనేజింగ్ డైరెక్టర్తో సహా ఇతర సంబంధిత కంపెనీలకు షో కాజ్ నోటీసు (SCN) జారీ చేసింది. ఈ కేసులో మొత్తం రూ.611 కోట్ల అక్రమాలు జరిగాయని ఆరోపణలు వచ్చాయి.
ఏంటి విషయం?
వన్97 కమ్యూనికేషన్ లిమిటెడ్ (OCL) సింగపూర్లో విదేశీ పెట్టుబడులు పెట్టిందని, కానీ రిజర్వ్ బ్యాంక్ ఆఫ్ ఇండియా (RBI)కి అవసరమైన నివేదికను అందించలేదని ఈడీ దర్యాప్తులో తేలింది. దీనితో పాటు కంపెనీ విదేశీ పెట్టుబడిదారుల నుండి విదేశీ ప్రత్యక్ష పెట్టుబడులను (FDI) కూడా పొందింది. కానీ ఆర్బీఐ నిర్దేశించిన ధరల నియమాలను ఇందులో పాటించలేదని తేలింది.
ఇతర కంపెనీలు కూడా మోసానికి పాల్పడ్డాయని ఆరోపణలు:
1. లిటిల్ ఇంటర్నెట్ ప్రైవేట్ లిమిటెడ్ – ఇది OCL అనుబంధ సంస్థ, దీనికి విదేశీ పెట్టుబడులు వచ్చాయి. కానీ పెట్టుబడి నియమాలు సరిగ్గా పాటించబడలేదు.
2. నియర్బై ఇండియా ప్రైవేట్ లిమిటెడ్ – ఈ కంపెనీకి విదేశీ పెట్టుబడులు కూడా వచ్చాయి. కానీ అది కాలపరిమితిలోపు నివేదించలేదు.
ED has issued Show Cause Notice (SCN) to M/s One97 Communication Ltd (Parent company of Paytm), and its Managing Director and others for the contraventions of provisions of FEMA, 1999.
— ED (@dir_ed) March 3, 2025
తర్వాత ఏం జరుగుతుంది?
ఈ నోటీసు జారీ చేయడం ద్వారా ED FEMA, 1999 ప్రకారం తీర్పు (న్యాయ ప్రక్రియ) ప్రారంభించడానికి సన్నాహాలు చేసింది. దర్యాప్తులో ఉల్లంఘనలు రుజువైతే ఈ కంపెనీలపై భారీ జరిమానాలు విధించవచ్చు.
ఇది కూడా చదవండి: Gautam Adani House: గౌతమ్ ఆదానీకి విలాసవంతమైన ఇల్లు.. దాని విలువ ఎంతో తెలిస్తే షాకవుతారు!
మరిన్ని బిజినెస్ వార్తల కోసం ఇక్కడ క్లిక్ చేయండి
