Cow Dung imprt: ఆవు పేడకు భారీగా డిమాండ్..! విపరీతంగా దిగుమతి చేసుకుంటున్న గల్ఫ్ దేశాలు.. కిలో ఎంతంటే..!
దేశంలోని రైతులకే కాకుండా భారతదేశ ఆర్థిక వ్యవస్థకు కూడా పెద్ద ఎత్తున ప్రయోజనం చేకూరుతుందని అంచనా. అయితే, పేడ వల్ల ఏం లాభం అని చాలా మంది ఆశ్చర్యపోవటంలో సందేహం లేదు..కానీ, చాలా గల్ఫ్ దేశాలకు ముడి చమురు డబ్బులే ప్రధాన ఆదాయ వనరు. ఇంతకీ ఎందుకు ఎక్కువ పేడ కొంటున్నారు.. ఇండియా నుంచి ఇంత పేడ కొనడానికి కారణమేంటి? ఇక్కడ తెలుసుకుందాం..
Updated on: Jan 26, 2025 | 8:50 PM
పెడితే పేడ అవుతుంది. గోడకు కొడితే పిడక అవుతుంది.. కాలిస్తే నోసలికి విభూతి అవుతుంది.. తట్టకుండా పెడితే ఎరువు అవుతుంది. అలాంటి పేడను కొందరు ముట్టుకోవడానికి కూడా వెనుకాడుతుంటారు. కానీ, ఈ పేడకు గల్ఫ్ దేశాల్లో విపరీతమైన డిమాండ్ ఉంది.. అవును మీరు విన్నది నిజమే.. గల్ఫ్ దేశాలు భారతదేశం నుండి పెద్ద మొత్తంలో ఆవు పేడను దిగుమతి చేసుకుంటాయి. మీడియా నివేదికల ప్రకారం, కువైట్ ఇటీవల భారతదేశం నుండి 192 మెట్రిక్ టన్నుల ఆవు పేడను దిగుమతి చేసుకున్నట్టుగా సమాచారం. .
ఇతర గల్ఫ్ దేశాలతో సహా భవిష్యత్తులో ఆవు పేడకు డిమాండ్ మరింత పెరుగుతుందనే సంకేతాలు వినిపిస్తున్నాయి. కాబట్టి ఇది భారతదేశానికి మంచి ఆదాయ వనరుగా అవకాశం లేకపోలేదు. దేశంలోని రైతులకే కాకుండా భారతదేశ ఆర్థిక వ్యవస్థకు కూడా పెద్ద ఎత్తున ప్రయోజనం చేకూరుతుందని అంచనా. అయితే, పేడ వల్ల ఏం లాభం అని చాలా మంది ఆశ్చర్యపోవటంలో సందేహం లేదు..కానీ, చాలా గల్ఫ్ దేశాలకు ముడి చమురు డబ్బులే ప్రధాన ఆదాయ వనరు. ఇంతకీ ఎందుకు ఎక్కువ పేడ కొంటున్నారు.. ఇండియా నుంచి ఇంత పేడ కొనడానికి కారణమేంటి? ఇక్కడ తెలుసుకుందాం..
ఈ పేడను దిగుమతి చేసుకుని ఎండబెట్టి, పల్వరైజ్ చేసి ఖర్జూరం చెట్లకు ఎరువుగా వినియోగిస్తున్నారు.. వ్యవసాయంలో ఆవు పేడ ప్రత్యేక ఉపయోగాలపై పరిశోధనలు కూడా చేశారు. భారతీయులు తమ ప్రధాన వ్యవసాయ ఉత్పత్తి అయిన ఖర్జూరం చెట్లకు పేడపై ఆధారపడతారు. ఖర్జూరం పంటల పెరుగుదలకు ఆవు పేడ అత్యంత ప్రయోజనకరమైన పోషకాలలో ఒకటిగా వారు కనుగొన్నారు. ఖర్జూరం చెట్లకు ఎరువు వేస్తే దాని పండ్ల పరిమాణం పెరుగుతుందని, ఉత్పత్తి సాధారణం కంటే ఎక్కువ దిగుబడి వస్తుందని వారు చెబుతున్నారు. ఈ విధంగా కువైట్ సహా ఇతర అరబ్ దేశాల్లో పేడకు డిమాండ్ పెరిగింది.
భారతదేశంలో ప్రతిరోజూ సుమారు 300 మిలియన్ల పశువుల ద్వారా 30 మిలియన్ టన్నుల పేడ ఉత్పత్తి అవుతుందని అంచనా. భారతదేశంలో ఆవు పేడను ప్రధానంగా ఎండబెట్టడం, ఇంధనం తయారు చేయడం కోసం ఉపయోగిస్తారు. అయితే, చైనా, UKలలో విద్యుత్తును ఉత్పత్తి చేయడానికి, బయోగ్యాస్ ఉత్పత్తి చేయడానికి పేడను ఉపయోగిస్తారు. ఇది వ్యవసాయంలో ఎరువుగా, సేంద్రీయ ఎరువుగా విస్తృతంగా ఉపయోగిస్తున్నారు.
ప్రస్తుతం కిలో ఆవు పేడ రూ.30 నుంచి రూ.50 పలుకుతోంది. గల్ఫ్ దేశాల నుంచి డిమాండ్ పెరగడంతో ధర మరింత పెరిగే అవకాశం ఉంది. 30 మిలియన్ టన్నుల బీఫ్‌ను మార్కెట్‌లోకి తీసుకురావడం వల్ల ఆర్థిక రంగంలో కొత్త పునరుజ్జీవనం వస్తుందని అంచనా.
మరిన్ని ట్రెండింగ్ న్యూస్ కోసం క్లిక్ చేయండి..
