Budget 2023: ఆన్‌లైన్‌లో వార్షిక బడ్జెట్ పత్రాలు.. మొబైల్‌లో డౌన్‌లోడ్ చేయడం ఎలా..?
కేంద్ర ఆర్థిక మంత్రి నిర్మలా సీతారామన్ ఈ సంవత్సరానికి కేంద్ర బడ్జెట్‌ను ఫిబ్రవరి 1, 2023 బుధవారం సమర్పించనున్నారు. ఇది 2024 లోక్‌సభ ఎన్నికలకు ముందు..
Updated on: Jan 27, 2023 | 12:46 PM
కేంద్ర ఆర్థిక మంత్రి నిర్మలా సీతారామన్ ఈ సంవత్సరానికి కేంద్ర బడ్జెట్‌ను ఫిబ్రవరి 1, 2023 బుధవారం సమర్పించనున్నారు. ఇది 2024 లోక్‌సభ ఎన్నికలకు ముందు మోడీ 2.0 ప్రభుత్వం చివరి బడ్జెట్ అవుతుంది. కేంద్ర బడ్జెట్‌ను ప్రత్యక్ష ప్రసారం ఉదయం 11 గంటలకు లోక్‌సభ టీవీ, రాజ్యసభ టీవీ, డీడీ న్యూస్‌లలో ప్రారంభమవుతుంది. అనేక ప్రైవేట్ ఛానెల్‌లు కూడా ప్రసంగాన్ని ప్రసారం చేస్తాయి.
అయితే మంత్రి నిర్మలా సీతారామన్ ప్రసంగం తర్వాత, మొత్తం బడ్జెట్ పత్రాలను ప్రజల కోసం మొబైల్ అప్లికేషన్ ‘యూనియన్ బడ్జెట్ మొబైల్ యాప్’లో విడుదల చేస్తారు. ఈ యాప్ బడ్జెట్ పత్రాల పూర్తి సెట్‌కు యాక్సెస్‌ను అందిస్తుందని ఆర్థిక మంత్రిత్వ శాఖ తెలిపింది. ఆండ్రాయిడ్, యాపిల్‌ ఓఎస్‌ ప్లాట్‌ఫారమ్‌లలో డౌన్‌లోడ్ చేసుకోవచ్చు.
యూనియన్ బడ్జెట్ మొబైల్ యాప్‌ను ఎలా డౌన్‌లోడ్ చేసుకోవాలి?
యూనియన్ బడ్జెట్ మొబైల్ యాప్‌ను ఆండ్రాయిడ్ మొబైళ్లలో గూగుల్‌ ప్లేస్టోర్‌ నుంచి, iOS పరికరాలలో యాపిల్‌ యాప్ స్టోర్‌ నుంచి డౌన్‌లోడ్ చేసుకోవచ్చు. ఈ యాప్‌ను యూనియన్ బడ్జెట్ వెబ్ పోర్టల్ (www.Indiabudget.Gov.In) నుండి కూడా డౌన్‌లోడ్ చేసుకోవచ్చు. ప్రస్తుతం యాప్‌లో బడ్జెట్ 2021-22, బడ్జెట్ 2022-23కి సంబంధించిన సమాచారం ఉంది. సమాచారం వివిధ విభాగాలుగా వర్గీకరించారు.అవసరమైన సమాచారాన్ని తనిఖీ చేయడం సులభం చేస్తుంది.
బడ్జెట్ 2023 పత్రాన్ని తనిఖీ చేయడానికి దశలు
- ముందుగా https://www.indiabudget.gov.in/కి వెళ్లండి
- బడ్జెట్ ప్రసంగాలపై క్లిక్ చేయండి
- 2023-2024 పీడీఎఫ్‌ డాక్యుమెంట్లను చూడవచ్చు.
మరిన్ని బిజినెస్ వార్తల కోసం ఇక్కడ క్లిక్ చేయండి
