FD Interest Rates: ఫిక్స్‌డ్ డిపాజిట్‌తో డబ్బు సంపాదించాలని ప్లాన్ చేస్తున్నారా? ఐదేళ్లకు బ్యాంకు FDలపై వడ్డీ రేట్లు ఇవే..

ప్రభుత్వ , ప్రైవేట్ రంగ బ్యాంకులు ఇటీవల రుణాలపై వడ్డీ రేట్లను అలాగే ప్రత్యేకించి FD డిపాజిట్లపై వడ్డీ రేట్లను పెంచాయి. బ్యాంక్ FDలలో డిపాజిట్ చేసే డబ్బుపై రిస్క్ చాలా తక్కువగా ఉంటుంది. మీరు 2023లో వచ్చే 5 సంవత్సరాల పాటు స్థిరమైన రాబడిని పొందాలనుకుంటే ఫిక్స్ డ్ డిపాజిట్లు సరైన ఎంపిక అని చెప్పాలి. ముఖ్యంగా ప్రభుత్వ , ప్రైవేట్ రంగ పెద్ద వాణిజ్య బ్యాంకులు SBI, Axis, HDFC బ్యాంక్ , ICICI బ్యాంక్‌ల 5 సంవత్సరాల FDలపై అందిస్తున్న వార్షిక వడ్డీ గురించి తెలుసుకుందాం. సాధారణ కస్టమర్‌లకు 7% , సీనియర్ సిటిజన్‌లకు 7.75% వరకు వడ్డీ రేట్లను ఫిక్స్ చేయడం విశేషం. జీతం పొందే ఉద్యోగులకు ఇది సురక్షితమైన ఎంపిక. SBI, Axis, HDFC బ్యాంక్ , ICICI బ్యాంక్ 5 సంవత్సరాల FDపై ఎంత వడ్డీని ఆఫర్ చేస్తున్నాయో తెలుసుకుందాం.

SBI: 5 సంవత్సరాల FDపై వడ్డీ:

SBI సాధారణ కస్టమర్లకు ఐదేళ్ల ఫిక్సెడ్ డిపాజిట్లపై (FD) 6.25 శాతం వడ్డీని అందిస్తోంది. సీనియర్ సిటిజన్లకు ఈ రేటు 7.25 శాతం. ఈ వడ్డీ రేట్లు రూ. 2 కోట్ల కంటే తక్కువ డిపాజిట్లపై అమల్లో ఉన్నాయి.

ఇవి కూడా చదవండి

Good News: ఉద్యోగులకు శుభవార్త.. పాత పెన్షన్‌ స్కీమ్‌పై కీలక నిర్ణయం ప్రకటించిన కేంద్రం..పూర్తి వివరాలు..

Save Income tax: ఆదాయ పన్నును ఆదా చేసే మార్గాలివే.. పూర్తి భద్రత, భరోసా.. వివరాలు తెలుసుకోండి..

Taxpayers Alert: మార్చి ముగిసేలోపు ఇవి పూర్తి చేయండి.. లేకుంటే చాలా నష్టపోతారు.. వివరాలు తెలుసుకోండి..

Hero Splendor Plus Bike: బంపర్ ఆఫర్స్.. రూ.18 వేలకే Hero Splendor Plus బైక్..! అతి తక్కువ EMIతో అందుబాటులో..

యాక్సిస్ బ్యాంక్: 5 సంవత్సరాల FDపై వడ్డీ:

యాక్సిస్ బ్యాంక్ సాధారణ కస్టమర్లకు ఫిక్సెడ్ డిపాజిట్లపై (FD) 7 శాతం వడ్డీని అందిస్తోంది. సీనియర్ సిటిజన్లకు ఈ రేటు 7.75 శాతం. ఈ వడ్డీ రేట్లు రూ. 2 కోట్ల కంటే తక్కువ డిపాజిట్లపై అమల్లో ఉన్నాయి.

HDFC బ్యాంక్: 5 సంవత్సరాల FDపై వడ్డీ:

హెచ్‌డిఎఫ్‌సి బ్యాంక్ సాధారణ కస్టమర్లకు 5 ఏళ్ల ఫిక్స్‌డ్ డిపాజిట్లపై (ఎఫ్‌డి) 7 శాతం వడ్డీని అందిస్తోంది. సీనియర్ సిటిజన్లకు ఈ రేటు 7.50 శాతం. ఈ వడ్డీ రేట్లు రూ. 2 కోట్ల కంటే తక్కువ డిపాజిట్లపై అందుబాటులో ఉన్నాయి.

ICICI బ్యాంక్: 5 సంవత్సరాల FDపై వడ్డీ:

ఐసిఐసిఐ బ్యాంక్ సాధారణ కస్టమర్లకు ఫిక్స్‌డ్ డిపాజిట్లపై (ఎఫ్‌డి) 7 శాతం వడ్డీని అందిస్తోంది. సీనియర్ సిటిజన్లకు ఈ రేటు 7.50 శాతంగా ఉంది. ఈ వడ్డీ రేట్లు రూ. 2 కోట్ల కంటే తక్కువ డిపాజిట్లపై అమల్లో ఉన్నాయి.

5 సంవత్సరాల FDపై పన్ను మినహాయింపు;

మీరు ఏదైనా బ్యాంకులో 5 సంవత్సరాల FD చేస్తే, మీరు సెక్షన్ 80C కింద పన్ను మినహాయింపు ప్రయోజనం పొందుతారు. అయితే, FDపై వచ్చే వడ్డీపై పన్ను విధిస్తారు. ఇందులో ఒక ఆర్థిక సంవత్సరంలో గరిష్టంగా రూ.1.5 లక్షల వరకు పెట్టుబడిపై పన్ను ఆదా చేసుకోవచ్చు. దీనికి 5 సంవత్సరాల లాక్ ఇన్ పీరియడ్ ఉంది. ఈ వ్యవధిని 10 సంవత్సరాల వరకు పొడిగించవచ్చు.

మరిన్ని బిజినెస్ వార్తల కోసం ఇక్కడ క్లిక్ చేయండి..