Business Idea: అర ఎకరం ఉంటే చాలు సంవత్సరానికి అరకోటి మీ సొంతం అయ్యే బిజినెస్ ఇదే…
ఒక హెక్టారు భూమిలో డ్రాగన్ ఫ్రూట్ సాగుకు దాదాపు 4 నుంచి 5 లక్షల రూపాయలు ఖర్చు అవుతుంది. ఈ ఖర్చు తర్వాత ప్రతి సంవత్సరం ఆ భూమి నుండి సుమారు 8 నుండి 10 లక్షల వరకు సంపాదించవచ్చు.
Madhavi | Edited By: Ravi Kiran
Updated on: Mar 14, 2023 | 9:40 AM
మీరు ఉద్యోగంతోపాటు ఏదైనా వ్యాపారం ప్రారంభించాలనుకుంటున్నారా? అయితే మీకో బెస్ట్ ఐడియా గురించి మేము మీకు వివరిస్తాము. కానీ ఈ వ్యాపారం ప్రారంభించాలంటే కాస్త పెట్టుబడి ఎక్కువగానే ఉంటుంది. ఒక్కసారి పెట్టుబడి పెడితే…జీవితాంతం ఆదాయాన్ని పొందవచ్చు. మీ దగ్గర పెట్టుబడి పెట్టే స్తోమత లేకుంటే కేంద్రంలో మోదీ సర్కార్ అందిస్తున్న ముద్ర రుణాన్ని తీసుకుని ఈ వ్యాపారాన్ని ప్రారంభించవచ్చు. మీకు వ్యవసాయ భూమి ఉంటే ఇంకా మంచిది. ఎందుకంటే ఇప్పుడు మీరు తెలుసుకోబోయే బిజినెస్ పండ్లతోటలకు సంబంధించింది. అవును మేముకు మీకు చెప్పబోయే వ్యాపారం డ్రాగన్ ఫ్రూట్ వ్యాపారం. ఈ వ్యాపారం చేయాలంటే దాదాను రెండు మూడు ఎకరాల భూమి ఉంటే చాలు. లేదంటే కౌలుకు తీసుకోని అయినా సరే ఈ వ్యాపారాన్ని ప్రారంభించవచ్చు. భారత్ లో ఈ వ్యాపారాన్ని చాలా మంది చేస్తున్నారు. ఒక్కప్పుడు ఈశాన్య రాష్ట్రాల్లో మాత్రమే సాగు చేసే ఈ పంట ఇఫ్పుడు తెలుగు రాష్ట్రాల్లో సైతం సాగు చేస్తున్నారు. డ్రాగన్ ఫ్రూట్ వ్యాపారం గురించి మరిన్ని విషయాలు తెలుసుకుందాం.
డ్రాగన్ ఫ్రూట్. ఈ పండు చూడటానికి చాలా అందంగా ఉంటుంది. పూర్తిగా గులాబీ రంగులో ఉంటుంది. ముఖ్యంగా థాయ్‌లాండ్, శ్రీలంక, వియత్నాం, ఇజ్రాయెల్ వంటి వివిధ దేశాలలో సాగు చేస్తారు. పోషక విలువల కారణంగా ఈ పండుకు డిమాండ్ కూడా ఎక్కువే. అలాగే, మార్కెట్ ధర కూడా ఎక్కువే ఉంది. ఈ పండు మధుమేహం, కొలెస్ట్రాల్‌ను నియంత్రించడంలో సహాయపడుతుంది. అంతేకాదు ఆర్థరైటిస్, గుండె జబ్బుల ప్రమాదాన్ని కూడా తగ్గిస్తుంది.
ఇప్పుడు ఈ డ్రాగన్ ఫ్రూట్ వ్యాపారాన్ని ఎలా ప్రారంభించాలో తెలుసుకుందాం. ఈ పండును చాలా సులభమైన పద్ధతిలో సాగు చేయవచ్చు. ఎక్కువ సంరక్షణ లేదా ఎరువులు అవసరం లేదు. ఈ మొక్క దాదాపు 20 డిగ్రీల నుండి 30 డిగ్రీల సెల్సియస్ ఉష్ణోగ్రత వద్ద బాగా పెరుగుతుంది. ఈ పండు పెరగడానికి అనువైన ఉష్ణోగ్రత శీతాకాలం, వేసవికాలం మధ్య ఉంటుంది. డ్రాగన్ ఫ్రూట్ సాగుకు ఇసుక నేల అవసరం. ఈ మొక్క ప్రత్యేక ప్రయోజనం ఏమిటంటే ఇది తక్కువ నీటిలో కూడా జీవించగలదు.
వ్యాపార పరంగా మీరు ఎంత ప్రయోజనం పొందుతారో ఇప్పుడు తెలుసుకుందాం. మార్కెట్‌లో ఈ పండు ధర కిలోకు 200-250 రూపాయలు ఉంటుంది. పండిన డ్రాగన్ ఫ్రూట్ 400 గ్రాముల బరువు ఉంటుంది. కాబట్టి కేవలం రెండు పండ్లను విక్రయించడం ద్వారా దాదాపు 200 రూపాయలు సంపాదించవచ్చు. ఒక హెక్టారు భూమిలో డ్రాగన్ ఫ్రూట్ సాగుకు దాదాపు 4 నుంచి 5 లక్షల రూపాయలు ఖర్చు అవుతుంది. ఈ ఖర్చు తర్వాత ప్రతి సంవత్సరం ఆ భూమి నుండి సుమారు 8 నుండి 10 లక్షల వరకు సంపాదించవచ్చు.
మరిన్ని బిజినెస్ న్యూస్ కోసం ఇక్కడ క్లిక్ చేయండి..
